Intembauzyo 1 - Bbaibele

BBUKU LITAANZI ( Intembauzyo 1—41 )

¹ Ulilelekedwe muntu ooyo uukaka kulaya kwababi, ooyo uutatobeli nzila zyabasizinyonyoono, nguwe ooyo uutakkali abaabo basikusampaula Leza.

² Kukondwa kwakwe kuli mumilawo ya Mwami Leza, Milawo eeyi uliiyeeya masiku amasikati lyoonse.

³ Uli mbuli samu likomena munsi aamulonga, lizyala micelo yalyo muciindi ceelede, lilijisi matu aatayumi, zyoonse nzyacita zilazwidilila.

⁴ Pele basizibi tabali boobo pe. Bali mbuli buungu bupepaulwa buyo amuuwo.

⁵ Basizibi Leza uyoobapa mulandu mu ciindi calubeta. Basizinyonyoono bayoozandulwa mumbungano yabaluleme.

⁶ Nkaambo Leza uzi bubambwa baluleme. Basizinyonyoono uyoobalobya.