ག་ལ་ཏི། 6 - Tshangla New Testament (BSI)

ཨ་ཤི་ཆེ་ཁཱན་ཁེ༌པ་ ཨ༌ཤི་དུང༌ཅ་གི༌ལ།

¹ ཇ་ག་ཡུང་ཟི་བ་ ན་ཧ་པོང་ཀ་ཐུར་ཕང་གི་ སྡིག་པ་ཨ་ཝ་ཏེ་ཐོང་ནེ་ལ་ ནའི་དམ་པའི་ཐུགས་ཉིད་ག་ ཆ་གནས་ཐ་ཁཱན་བ་ཀི་ ཇམ་པུ་ཨ་ཉི་ རོག་ལོག་ཉི་རང་ ལེག་པུ་ཅོད་པེ་ཁེ༌ལེ། དག་པ་ཀབ་ཉི་ ན་ཧ་བ་བུ་ ཨོ་ཉ་བར་ཆད་ནང་ཀ་ མ་ཚུད་པེ་དེན་གེ་ རིག་པ་སྒྲིམ་པེ་ཁེ༌ལེ།

² ན་ཤི་ཐུར་དང་ཐུར་ག་ རོང་བང་མེ་ག་རུམ༌ཅོ། ཨོ་ཐེན་ཨ་ལ་ཀབ་ཉི་ ན་ཤི་ཁིརིས་ག་བཀའ་ཁྲིམས་ འགྲུབ་ཅ་གི༌ལ།

³ ཨོ་ཉི་ཨ་དེན་གེ་ ན་ཧ་བ་ ཁག་ཆི་ལུ་མང་གི་ནེ་བུ་ ཁག་ཆི་ལུ་གི་ལ་དག་ཉི་མི་ནེ་ལ་ ན་ཤི་རང་ཏེན་ག་ མགུ་སྐོར་ཕིན་ཅ་གི༌ལ།

⁴ ན་ཤི་ཨ་ལེ་ཁེ་ཁཱན་ཁེ་པ་ ཨ་ལེ་རང་ཁེ༌ལེ། ཉི་ཤ་ ན་ཤི་ཨ་ལེ་ཁེ་ཁཱན་ཁེ་པ་ ཨ་ཝ་ཨ་དེན་གེ་ ངལ་རངས་པེ་རེ༌བེ། ཉི་ན་ཤི་བཱརའ་ཀབ་ཉི་ རེ་ཉི་གོད་པེ་མ་ཁེ༌ལ།

⁵ ཧང་ཡ་དག་ནེ་ལ་ ཨའི་ཐམས་ཅན་གི་ རང་རང་ས་ རོང་བང་མེ་ཁེ༌ལེ།

⁶ ན་ཧ་བ་གསུང་རབ་ནང་ཀེ་ ལམ་པེ་གང་ཆོ་ནེ་ལ་ ན་ཧ་ཆོ་ཁཱན་ལེག་པུ་ ཐམས་ཅན་རང་ ན་ཧ་ཡེ་ཁཱན་སློབ་དཔོན་ཀབ་ཉི་ བོང་མེ་ཁེ༌ལེ།

⁷ ན་ཤི་རང་ཏེན་ག་ མགུ་སྐོར་མ་ཕི། དཀོན་མཆོག་ཤོ་ ཨི་བི་གི་རང་ ཡོང་བ་ཅོད་པེ་མར༌བ། ན་ཤི་ཆེ་ཁཱན་ཁེ་པ་ ན་ཤི་དུང་མེ་གི༌ལ།

⁸ སྡིག་པ་ག་བག་ཆགས་ ཨུང་ནང་ཀ་ཆེ་ཝ་ཆོ་ནེ་ལ་ ན་ཤི་ཨོ་ཉ་གེ་ ཤི་སྲོག་ག་ཐོག་དུང༌མེ། དག་པ་ཀབ་ཉི་ ན་ཤི་ཐུགས་ཉིད་ག་ ཨུང་ནང་ཀ་ཆེ་ཝ་ཆོ་ནེ་ལ་ ཚེ་མ་འགྱུར་བརྟན་པ་ག་ ཐོག་ཇོབ་ཇོབ་ཨ་ཉི་དུང༌མེ།

⁹ ཨོ་ཉི་ཨ་དེན་གེ་ ལེག་པུ་ཨ་ལེ་ག་ ཝུ་མ་དུག༌ཅོ། ཧང་ཡ་དག་ནེ་ལ་ ཨ་ཤི་སེམས་མ་ཤི་ལཱན་ ལེག་པུ་ཨ་ལེ་ག་ ཐུབ་མ་ཐ་ནེ་ལ་ ཐོག་དུང་མེ་ག་ དུས་ཙུན་ཐུར་ཤར༌བེ།

¹⁰ ཨོ་ཉི་ཨ་དེན་གེ་ ཧབ་ཏུར་གོ་སྐབས་ཉོང་པ་ཐུར་ ཨ་ཤི་ཨོམ་ཏུར་རང་ སོ་ངོ་བ་ཀ་ ལེག་པུ་ཨ་ལེ་ གོད་པེ་ཁེ༌ལེ། ཙོ་རང་ དད་པ་ཨ་ཁཱན་ ཡུང་ཟི་བ་ནང་དོ་ ན་ཤི་ལེག་པུ་ཨ་ལེ་ཁེ༌ལེ༎

པ་ཝལ་ག་བསླབ༌བྱ་མཇུག་དུས།

¹¹ ཨོ་ཐ་ཡི་གུ་འབྲི་ཉི་ ཆུ་མེ་ཅམ་པ་ཀབ་ཉི་ ཇང་ཏེན་ག་ག་དང་གི་ ཡི་གུ་ཀ་ཏང་ཨ་ཉི་འབྲི་ཁཱན་ཁེ་པ་ ན་ཤི་ཐོང་ལ་སྨོ།

¹² ན་ཧ་བ་ ཤ་ཅཱད་པེ་ཁེ་ལེ་དག་ཉི་ བང་ཙོང་ཁཱན་བ་ཀི་ རོག་ཏེ་བ་ སོ་ངོ་བ་ཀ་གུབ་ཀ་ ལེག་པུ་ཅ་དག་ཉི་ གེན་མེ་གོད༌ཅ། ཨུ་ཉུ་ད་བུ་ཨ་ལེ་ག་དེན་ཐ་ ཐུར་ཤ༌ཅ། ཨུ་ཉུ་ཤོ་ ཁིརིས་ག་ ཁྲིམས་ཤིང་ག་ཡོར་ཀེ་ རོག་ཏེ་བ་ ཀ་ལུ་མ་ཏཱད་ཅེན་དག་པ་གི་གི༌ལ།

¹³ ཤ་ཅཱད་ཁཱན་བ་ཀི་བུ་ བཀའ་ཁྲིམས་ག་ ཆ་གནས་ཐ་ལུ་མཱན༌ཅ། དག་པ་ཀབ་ཉི་ ན་ཧ་ལུས་པུ་ག་ ཤ་ཅཱད་པ་ཨ་དེན་གེ་ ཁམ་ཙོང་མེ་ མིག་པ་ཕི་ཉི་ ཨུ་ཉུ་ད་བུ་ཨ་ན།

¹⁴ དག་པ་ཀབ་ཉི་ ཇང་གི་ནེ་ལ་ ཨ་ཧ་གཙོ་བོ་ ཡི་ཤུ་ཁིརིས་ག་ ཁྲིམས་ཤིང་ག་ཀོར་གེ་ཤ་ ཁམ་ཙོང་མེ་གི༌ལ། ཧང་ཡ་དག་ནེ་ལ་ ཨོ་ཉ་ཁྲིམས་ཤིང་གེ་ཨ་ཉི་ ཇང་འཛམ་གླིང་ཀབ་ཉི་ སེམས་མ་ཆག་པ་རི༌ཝ། ཉི་འཛམ་གླིང་བུ་ ཇང་ཀབ་ཉི་ སེམས་མ་ཆག་པ་རི༌ཝ།

¹⁵ ཤ་ཅཱད་ནེ་བུ་མ་ཅཱད་ནེ་བུ་ ཏ་ཀ་ཧང་རང་མཱན༌ཅ། ཁག་ཆི་ལུ་ཤོ་ ཁིརིས་ག་མཚན་ག་ སིང་མ་རི་ལེ་ག་གི༌ལ།

¹⁶ ཨོ་ཐ་ལམ་ལུགས་དང་ཏུ་ཉི་ཆོ་ཁཱན་ ཐམས་ཅན་གི་ དཀོན་མཆོག་གེ་ ཐུགས་རྗེ་དང་ སྐྱིད་པུ་ཉོང་ཅེན། ཉི་རོག་ཏེ་བ་ཤོ་ དཀོན་མཆོག་ག་ སོ་ངོ་བ་གི༌ལ།

¹⁷ ཨོ་ཐ་གེ་ག་ཏཱན་གི་ནེ་ལ་ ཨི་བི་གི་རང་ ཇང་ཀ་ལུ་མ་ཅོད་ཅེན། ཧང་ཡ་དག་ནེ་ལ་ ཇ་ག་ལུས་པུ་ག་ཆོ་ཁཱན་ མེར་དི་བ་ཀི་ ཇང་ཡི་ཤུ་ག་གི་ལ་དག་ཉི་ གེན༌ཅ།

¹⁸ ཇ་ག་ཡུང་ཟི་བ་ ཨ་ཧ་གཙོ་བོ་ ཡི་ཤུ་ཁིརིས་ག་ཐུགས་རྗེ་ཁེ་པ་ ནའི་ཐམས་ཅན་ཀབ་ཉི་རང་ བཞུགས་ཉི་གནང་ཆེན། ཨ་མེན༎