Esambu 1 - La Bible en Otetela (Bible K'Ekila) 1991

BUKU DIA NTUNDU Untu Ololo la Untu a Kolo

¹ Untu lahayeli kanyi yʼantu wa kolo, Lahemala lu mbuka kʼatshi wa kolo, Ndu lahadjase lʼului wʼamonyodi, eli la otshoko.

² Keli ndi atongenangenaka lu elembe wa Latuyalaka; Atukanaka yimba dia elembe ako ndu la yanyi ndu lʼutshu.

³ Ndi eli uku utamba wakawune lasuki lʼekedi wʼashi, Watotokaka elua awo lu deku diawo. Nduku dikatshi diawo diatolengelaka, Lu akambu tshe watshandi, ndi atongonaka.

⁴ Keli antu wa kolo hawuyala osoku. Vo weli uku fufudi yatembaka lopepe.

⁵ Okone untu a kolo hemala lʼelumbwelu, Kuyanga atshi wa kolo lʼului wʼantu wʼololo,

⁶ Ne dia Latuyalaka mbeyaka mbuka kʼuntu ololo, Keli mbuka kʼuntu a kolo ayulana.