1ይ ዮሃንስ 1 - Tigrigna: Contemporary Tigrinya Bible 2024

እቲ ቃል ስጋ ኮነ

¹ እቲ ካብ መጀመርታ ዝነበረ፡ ዝሰማዕናዮ፡ ብዓይንና ዝረኣናዮ፡ ዝረኣናዮን ኣእዳውና ዝተታሕዘናን፡ ካብ ቃል ህይወት እዩ።

² (ህይወት ተገሊጻ እያ እሞ፡ ርኢናያ፡ ነታ ምስ ኣቦ ዝነበረትን ዝተገልጸልናን ናይ ዘለኣለም ህይወት ንመስክርን ነርእየኩምን ኣለና።)

³ ንስኻትኩምውን ምሳና ሕብረት ምእንቲ ኽትህልወኩም፡ ነቲ ዝረኣናዮን ዝሰማዕናዮን ንነግረኩም ኣሎና። ብሓቂ ድማ ሕብረትና ምስ ኣብን ምስ ወዱን ኢየሱስ ክርስቶስ እዩ።

⁴ ሓጐስኩም ምሉእ ምእንቲ ኪኸውንሲ፡ እዚ ንጽሕፈልኩም ኣሎና።

እግዚኣብሄር ብርሃን እዩ፣ ኣብኡ ጸልማት የልቦን።

⁵ ካብኡ ዝሰማዕናዮን ኣምላኽ ብርሃን ምዃኑን ኣብኡ ጸልማት ከም ዘየለን ንእውጀልኩምን መልእኽቲ እዚ እዩ።

⁶ ምስኡ ሕብረት ኣሎና ኣብ ጸልማት ድማ ንመላለስ እንተ ዄንና፡ ሓሶት ኢና ዘለና እምበር ሓቂ ኣይንገብርን ኢና።

⁷ ከምቲ ንሱ ኣብ ብርሃን ዘሎ ብብርሃን እንተ ተመላለስና ግና፡ ኣብ ነንሕድሕድና ሕብረት ኣሎና፡ ደም የሱስ ክርስቶስ ወዱ ድማ ካብ ኵሉ ሓጢኣት የጽርየና።

⁸ ሓጢኣት የብልናን እንተ በልና፡ ንርእስና ነታሊልና፡ እታ ሓቂ ድማ ኣባና የላን።

⁹ ሓጢኣትና እንተ ተናዘዝና ሓጢኣትና ይቕረ ክብለልናን ካብ ኩሉ ዓመጽ ከንጽሓናን እሙንን ጻድቕን እዩ።

¹⁰ ሓጢኣት ኣይገበርናን እንተ በልና፡ ሓሳዊ ንገብሮ፡ ቃሉውን ኣባና የልቦን።