Isabulin 20 - AKITUTUKET NAKITETET (NEPEPEKA ISABULIN KA AWARAGASIA)

Akilip naka akilanya

Nama kalo epolokiit ekiruke. Ekiruke ka Daudi.

¹ Kobong'ok Lokapolon ijo na ijaare ijo ocani! Kidara Akuju ka Yakobo ijo!

² Kijukaki nesi ijo aking'arasit alomun ko Otogo keng' bobo king'araki ijo alomun Komoru kaloko Sayon.

³ Elipit eong' kocamu nesi ileman kon kere bobo kitalakasi isuban kon kere nesi.

⁴ Koinaki nesi ijo nu ikote ijo bobo king'araki nesi kitoloto kojokan kamaka ng'unu kere kanu itemitemi ijo.

⁵ Ibunete siong' alakara kanu ilanyia ijo; ka akinumunumu epucit kanuka akilanya kon ka akiturite Akuju wok. Kobong'ok Lokapolon ijo akiisit kon kere.

⁶ Kanuka ng'un, ajenu eong' ebe einanikini Lokapolon ejakait keng' lo aseu nesi akilanya; ebong'onokini Lokapolon nesi alomun kokuju keng' nakalaunan ka ainakin nesi akilanya kanuka agogong'u keng'.

⁷ Ice emunokito agarin kes nuka ejie ice afarasin kes. Konye siong' imunokito agogong' ka Lokapolon Akuju kosi.

⁸ Itung'a bala ng'ulu igukinete ka akibiror, konye siong' anyounete ka akigwo emam akijang'ajang'a.

⁹ Okwai Lokapolon koinaki Ejakait akilanya, kopup siong' na kinyaraunata siong'.