Istér 10 - Udél Dwata: Gna Kesfasad ne Lomi Kesfasad

Yóm tey kegeta Sérksis lewu le Murdikay

¹ Bè yóm benwu knamal Sérksis wen tey bwis hbayaden yóm kdéen tau snakufen, gomong le mayad snéen yó kem tau nô bè kilil mohin.

² Yóm kdê hyu nmò Sérksis gomong yóm tey kehegetahen ke Murdikay, gotu snulat le bè yóm bok gónó le gel smulat tutul yó kem tau hol geta bè yó kem benwu Midya ne Pérsya.

³ Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.