SAN MATEO 1 - Tatuyo: Dio Wadarique

Los antepasados de Jesucristo

¹ Oco bairo Jesucristo cʉ̃ ñicʉa wame ãa. Ʉpaʉ David ãnacʉ pãramina ca-añupʉ Jesucristo. Abraham pãramipʉna ca-añupʉ David.

² Abraham macʉ ca-añupʉ Isaá. Isaá macʉ Jacobo ca-añupʉ. Jacobo punaa ca-añuparã Judá cʉ̃ yarã mena.

³ Judá maca Tamar ca-wamecʉco menare nʉmocʉtiri Fares, Sera ca-punaa cʉjupʉ. Na paco, Tamar wamecʉjupo. Fares macʉ Esrom ca-añupʉ. Esrom macʉ Aram ca-añupʉ.

⁴ Aram macʉ Aminadá ca-añupʉ. Aminadá macʉ Naasón ca-añupʉ. Naasón macʉ Salmón ca-añupʉ.

⁵ Salmón ca-nʉmo cʉjupʉ Rahab ca-wamecʉcore. Na macʉ Booz ca-añupʉ. Booz ca-nʉmo cʉjupʉ Rut. Na macʉ Obé ca-añupʉ. Obé macʉ Isaí ca-añupʉ.

⁶ Isaí macʉ David ca-añupʉ. Uría nʉmo ca-anibatacore ca-nʉmo cʉjupʉ David. Na macʉ Salomón ca-añupʉ.

⁷ Salomón macʉ Roboam ca-añupʉ. Roboam macʉ Abías ca-añupʉ. Abías macʉ Asa ca-añupʉ.

⁸ Asa macʉ Josafá ca-añupʉ. Josafá macʉ Joram ca-añupʉ. Joram macʉ Usías ca-añupʉ.

⁹ Usías macʉ Jotam ca-añupʉ. Jotam macʉ Acás ca-añupʉ. Acás macʉ Esequías ca-añupʉ.

¹⁰ Esequías macʉ Manasé ca-añupʉ. Manasé macʉ Amón ca-añupʉ. Amón macʉ Josía ca-añupʉ.

¹¹ Josía punaa Jeconía cʉ̃ bairã mena ca-añuparã Babilonia maja Israel majare na ya macapʉre na ca-jee aáti yʉteapʉre.

¹² To bairi Jeconía Babiloniapʉre Israel maja menare cʉ̃ na ca-ne aátacʉ Saratié pacʉ ca-añupʉ. Cabero Saratié Sorobabére ca-macʉ cʉjupʉ.

¹³ Sorobabé macʉ Abiú ca-añupʉ. Abiú macʉ Eliaquim ca-añupʉ. Eliaquim macʉ Asor ca-añupʉ.

¹⁴ Asor macʉ Sadó ca-añupʉ. Sadó macʉ Aquim ca-añupʉ. Aquim macʉ Eliú ca-añupʉ.

¹⁵ Eliú macʉ Eleasar ca-añupʉ. Eleasar macʉ Matán ca-añupʉ. Matán macʉ Jacobo ca-añupʉ.

¹⁶ Jacobo macʉ José ca-añupʉ. José maca María manapʉ ca-añupʉ. María Jesú paco ca-añupo. Dio cʉ̃ ca-jooricʉ, Cristo paco ca-añupo yua.

¹⁷ To bairi Abraham berore catorce poari bero macacʉ ca-añupʉ David. David bero aperã catorce poari bero ca-añuparã tunu Babiloniapʉre Israel majare na na ca-jee aáti paʉre. Ti paʉ macacʉ berore aperã catorce poari bero ca-añupʉ Cristo yua.

Nacimiento de Jesucristo

¹⁸ Oco bairo ca-añupe Jesucristo cʉ̃ ca-buiarique. Cʉ̃ paco María José nʉmo ca-anipao ca-añupo cõa. José mena cõ ca-aniparo jʉgoyepʉna, meere ʉta ca-añupo Dio Espíritu Santo cʉ̃ ca-majirije jʉgori.

¹⁹ Cõ manapʉ ca-anipaʉ José ca-ñuʉ ca-añupʉ. To bairi ʉta cõ ca-aniere majiri José cõ ca-negaquetibajupʉ. To bairi, “Mʉ yʉ nequetigʉ yua,” cõ ca-ĩigabajupʉ. Aperã bobooro cõ tʉgooñari, ca-roo majuu ãmo ĩirema ĩi yajioropʉ cõ ca-ĩigabajupʉ.

²⁰ To bairo cʉ̃ ca-ĩi tʉgooñari paʉna cʉ̃ ca-quẽguerijepʉre Dio tʉ macacʉ jicãʉ ángel cʉ̃ tʉpʉ buia ejari oco bairo cʉ̃ ca-ĩiñupʉ Josére David tirʉmʉpʉ macacʉ pãramire: —José, cʉ̃ ca-ĩiñupʉ. —Maríare mʉ nʉmo ca-anipaore cõ tee tʉgooñaquẽja ʉta cõ ca-anibato quenare. Dio cʉ̃ Espíritu Santo cʉ̃ ca-majirije jʉgori ʉta ãmo.

²¹ Caʉmʉ macʉ cʉtigomo. Cʉ̃ yarã caroorije na cá-átiere na ca-majiriobojapaʉ anigʉmi cʉ̃a. To bairi JESÚ cʉ̃re mʉ wameyegʉ.

²² To bairona Dio ye quetire buiori majocʉ tirʉmʉpʉ macacʉ cʉ̃ ca-ĩi ucaricarore bairona ca-baiyupe. Oco bairo ca-ucayupi buio jʉgoyeyei:

²³ Jicão cãromio caʉmʉ mena ca-aniquẽco anibaco quena ʉta anigomo. To bairi caʉmʉ Macʉ cʉtigomo. EMANUEL cʉ̃ wameyegarãma, ca-ĩi ucayupi Dio ye quetire buiori majocʉ ca-aniñaricʉ. Ti wame EMANUEL, “Dio mani mena ãmi,” ĩigaro ĩi.

²⁴ To bairi José yupi, Dio tʉ macacʉ cʉ̃ ca-rotirore bairona cá-ájupʉ. Cʉ̃ tʉpʉ cõ ca-neajupʉ cʉ̃ nʉmore yua.

²⁵ To bairo átibacʉ quena cõ mena ca-aniquẽjupʉ cõ macʉ cʉ̃ ca-buiaparo jʉgoye. Cõ macʉ cʉ̃ ca-buiaro JESÚ cʉ̃ ca-wameyeyupʉ.