Malumbo 7 - Sumu Yedi ya Isa Masiya 1906 Kitamo 1897 Malumbo 1905

¹ Ee Mzuri Izuwa wangu, nakuitikija we: unikije ghati yawo wose wenikinya, urenihodja.

² Asinibaje ngoma sa simba, ekiicharandua: hesioke na mundu wa kuhodja.

³ Ee Mzuri, Izuwa wangu, kwakicha naketa huwo: mekioka mawiwi mikononi hangu.

⁴ Kwakicha nimwihia viwiwi mwenye luworo hangu: mtano namkija ula eniwinya wesho.

⁵ Mring’a anikinye ngoma, aiwone: mtano auwate si moo wangu, akiyaje kirumi kyangu purughusheni.

⁶ Uwuke, ee Mzuri, hena lureghijo lwako, ukuwushije wanga ya mashishirro ma wawinyi wangu: uniwukie, niwe uchilie wuchili.

⁷ Torano la wandu likujunguluke: uwahundukie wanga.

⁸ Mzuri enechilia wandu; unichilie, ee Mzuri: hena mikayie ya ngalo yangu, na wuirowili wangu wuoho hangu.

⁹ Owiwi wa wawiwi wuiting’o: uwaduwije wenye ngalo.

¹⁰ Amu niye Mzuri mwenye ngalo: mughesha ngoro na kikudi.

¹¹ Ngao yangu ni hena Mzuri: ewakija wenye ngoro irongeke.

¹² Izuwa ni mchili mwenye ngalo: naye Izuwa esikia luwawo misi yose.

¹³ Mundu asigharuke, eneunoa muhandi wakwe: ehinda wuta wakwe, euarehia.

¹⁴ Emwarehia pia vya kufwija: eiareha mivwi yakwe ya moto.

¹⁵ Yoa, ena kuemea kwa owiwi: etika hena kuemea kwa mateshanyo, ewona maongo.

¹⁶ Efora ikongo, elikula: eligwia ikongo eliarehie.

¹⁷ Mateshanyo makwe menemhundukia mtwini: mashishirro makwe menemseia kitoshini.

¹⁸ Ninemwanjela Mzuri hena mng’ana wa ngalo yakwe: ninembinia luisiso izina lakwe Mzuri eoho wanga.