Malumbo 12 - Sumu Yedi ya Isa Masiya 1906 Kitamo 1897 Malumbo 1905

¹ Ughenje, Mzuri, amu mwenye ngalo eiting’o: amu waitikiji wasoweka ghati ya waana wa wandu.

² Weteta kihaya mundu ose na walatya wakwe: na momo wa kuisisa, na ngoro ya ukeleki, weteta.

³ Mzuri enechwa miomo yose ya kuisisa hena maongo: na lumi lwa kuteta vindu vibaha.

⁴ Wala weghambie, Na lumi lwetu tunelela: miomo yetu ni yetu wenye, niani mzuri wanga yetu?

⁵ Hena kusokwa kwa wakiwa, hena kusumukia kwawo wenye kusowa: ingeriaha ninewuka, eteta Mzuri; ninembika ghati ya luworo ula wemnunuwikia.

⁶ Viteto vyakwe Mzuri viteto vizerre: sa fetha igheshwa na moto isangeni, izerrika kandu kafungate.

⁷ Unewarinda, Ee Mzuri: unewakija ghati ya irika ili ndarasi.

⁸ Wawiwi wesela mbai jose: owiwi ukikwejwa ghati ya waana wa wandu.