WEAWEA 2 - ASII LAKDAP Bible (BSI)

Piitiip Hai Tri Aphan Aphan Maq

¹ Tatiwe raq Mosheq nai Aron ma akha tsii chongkuqto.

² Ümtiikiiwa Israilnok raq piitiip tei wantlaq akhing na, maiqmii phan alan khea chantlaq nai maiqmii ata alan tanglap shongtlaq wokhong na tei wan ratlo. Piitiip thun ka Tombutiip trotam na tei wan chang.

^3-9 Tombutiip maq shedong nü siim niika, Juda phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Juda phan wa Amminadab se Nahshon 74,600 Isakar phan wa Juar se Nethanel 54,400 Jebulun phan wa Helon se Eliab 57,400 Maiq tlotli ka 186,400 Alaü wan wawantlaq akhing na Juda phan alan khea chantlaq wokhong na siti raq lamshea sinkhu na miwa.

Maiq phan aphan welawe maiqwea

^10-16 Kiimaq shemai nü siim niika, Reuben phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Reuben phan wa Shedeur se Elijur 46,500 Simeon phan wa Jurishaddai se Shelumiel 59,300 Gad phan wa Deuel se Eliasaph 45,650 Maiq tlotli ka 151,450 Alaü wan wawantlaq akhing na Reuben phan alan kheachan wokhong na siti ka kongnai ngoja na miwa.

Maiq phan aphan welawe maiqwea

¹⁷ Kra raütiishe kongkhu na lamsheati kongnai wawantlaq kra heawea niika kiimaq jai na atiisup kongnai watlaq heawea niika Lewi phan raq Tombutiip haichang hupsam thun kra piraüta wa wan chang. Maiq phan kong thun kriika tsangshiq piitiip tei wantlaq na jamkho aphan alan khea chantlaq wokhong na siwantlaq kra tiiphan phan, alaü wan lam maq miimin kra phan phanli wawan ruq riichang. Maiq phan aweatek ka maiqmiimii phan alan khea chan wokhong na wawan chang.

^18-24 Kiimaq shenyap nü siim niika, Ephraim phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Ephraim phan wa Ammihud se Elishama 40,500 Manase phan wa Pedahjur se Gamaliel 32,200 Benjamin phan wa Gideoni se Abidan 35,400 Maiq tlotli ka 108,100 Ephraim phan alan khea chantlaq wokhong na siti weraü thun ka kongtsam ngoja na miwa.

Maiq phan aphan welawe maiqwea

^25-31 Shekhu nü siim niika, Dan phan alan khea chantlaq wokhong na siti weraü thun ka akong akong maq, maiqmiimii welabi wokhong na tsangshiq piitiip thun ka akha mitei wan: Maiq phan Aphan welawe Maiqwea Dan phan wa Ammishaddai se Ahiejar 62,700 Ashar phan wa Ochran se Pagiel 41,500 Naphtali phan wa Enan se Ahira 53,400 Maiq tlotli ka 157,600 Dan phan alan khea chantlaq wokhong na siti weraü thun ka jai tiisup na miwa.

Maiq phan Aphan welawe Maiqwea

³² Israilnok mungmaiqse tlotli, aphan aphan miithii khea chantlaq wokhong siti maiq, akong akong maq maiq mang wea wantaq thun ka 603,550 riito.

³³ Tatiwe raq Mosheq ma aming kuqtaq kra phan phan, Lewi phan wa maiq ka Israilnok mungmaiqse rai wea dam mak dea riito.

³⁴ Ara chongtlaq arai mren, Israilnok raq Tatiwe raq Mosheq ma aming kuqtaq kra phan phan wiita klo wanto. Tsangshiq raq piitiip ka maiqmiimii phan alan khea chantlaq wokhong na tei wanto. Kiimaq tsangshiq ka maiq miimii weraü wela wokhong na akong akong maq laü wanto.