LAA 1 - Kathara Bible (BSI)

LAIRIK I ( Laa 1—41 ) Akachanga Ringkaphā

¹ Makaphaawui khamachinli makazata, morei kasaawui ngalemli makhanganinga, mana̱shi kazāra mili mangayurkapama mi chi sokhamina;

² kha awui ningyāngkhaung Prohowui ainli lei, kala awui ain chili ngashun-ngayā ana chukmajaya.

³ Chikathā mi chi kongrā tara̱pamli lingsang kahai thingrong, angasut khaung tharan athei khamatheiya, kala anā makhangahui kathāna. Ana kasāsā saikorali mataisanga.

⁴ Kha makaphaabinga chi mathāmana; athuma masina phanthui kahai lanji kathāna.

⁵ Chiwui vang makhayābingna bicharli manganingmara, morei kaphungbingnala khamashungabingwui kazipli manganingmara;

⁶ kaja Prohona khamashungabingwui apong chi yangda lei, kha makhayāwui apongva shimānra.