Salmos 8 - Papang Yulni

Papang alasnina dawak muih al risnipik

Coro sumalniyang kaupak, paswi yakisdinin dini. Devid salnimo.

¹ Dawan, yangna kingkina, ¡man ayangma kidika yaklauwi sau bitik yakat taihwi duwi! ¡Man alasmana kidik makau kisang tanit yakau bayakwi kiuna!

² Walabis binina balna ayangma nuhni yayamwa kidik dawak ta suwa balna bik, kidika kau ūma nuhni as yamnaman man waihmala balna yayamwa kidika yulni, muih dutni balna dawak anyang balna kidika dahn yamnin yulni.

³ Makau kisang yamnaman kidika talayang, dawak waiku, yala balna man lawa ānaman kidika,

⁴ yang kultayang: ¿Muih al kidika ais yah? ¿Muih kidika ais yah? ¿Ampadawak kidika balna yakat ismangkatwih, dawak kulnam yakat kulta kalbautamanh?

⁵ Kat man yamna man, sihm Papang as kapat, ayangni nuhni dawak risnipik bik kalana man.

⁶ Parasni bik kalna man, man di balna yamnaman minit yakat, kapat bik di balna bitik minit yakat āna man:

⁷ sip balna dawak turuh almuk wark kalahyang balna minitna yakat, di anyang balna minitna yakat, bik,

⁸ dawak lawani duduwa balna bitik minitna yakat bik, ¡kaput bik kuma paskau waspadini satni bitik minitna yakat bik!

⁹ Dawan, yangna kingkina, ¡man ayangma yaklauwi sau bitik yakat taihwi!