Salmos 4 - Papang Yulni

Papang yakat rahm makulnin ānin

Coro sumalniyang, kaupak paswi yakisdinin dini balna. Devid salnimo.

¹ Papang yang takit dakyang, ¡mayultingkat nangkitlatah! Man, aidingkat kulnik ingni yamnamandaih, ¡dawak mikun yatalah, mikityultayang kidika dakah!

² Manna muih nunuhni kaldakamana kidika, ¿mampat kat riskipik yakat ustamana kidika datanamayah? ¿Mampat kat dukih manawak waltamana datanamayah, sins lani as bik dis kidika, dawak alas manah kidika?

³ Amanglatanauh, Dawan dukih kalawi muih al witing yakat barangni muihni yakat; dawak amanglatanauh, yang Dawan yakat kalyultingkat yadakawi.

⁴ ¡Manayukwang dawak watta dutni yayamwinih! Alangwa ap data man kulnamna kidika laihta talnauh;

⁵ kulnamna yakat alas dis sakripais yamtanauh, dawak Dawan yakat kulnamna atanauh.

⁶ Muih manas yuyulwi: “¿Kidika alasnina wais manikingkawarang yah?” ¡Dawan mamakpa yamni karak maitalah!

⁷ Man lawa ising yakat baisa alasna ānaman, muih balna plawar minik mahni duduwa balna alasnina karak tanit.

⁸ Yang alasna alangwik, mahka amayang, kat Dawan man lawa yatang kat isinglak sangkayang.