Salmos 148 - Papang YulniDawan di yamna balna kidika witing ayangni nuhni yayamwi 1 ¡Dawan ayangni nuhni yamna karang! ¡Makau kisang kaupak Dawan yakat ayangni nuhni yamtanauh! ¡Mayakaupak Papang yakat ayangni nuhni yamtanauh! 2 ¡Manna innisal mana kidika bitik Papang yakat ayangni nuhni yamtanauh! ¡Makau kisang kau kalbauyang mana kidika, ayangni nuhni yamtanauh! 3 ¡Waiku dawak ma, manna ayangni nuhni yamtanuah! ¡Awas yararingni mana kidika ayangni nuhni yamtanauh! 4 ¡Ayangni nuhni yamtah man, makau kisang man kidika, dawak man, was makau kisang niningkauhman kidika ayangni nuhni yamtah! 5 Dawan ayangni kidika nuhni yamtanauh, kat witing yaklauwi pakwakat di balna kidika bitik kalna; 6 witing yaklauwi pāni kat āwi dana, ban kaput atnin, dawak lāni bik āwi dana, bahang sip lani balna kidika minit bayakwas ki. 7 ¡Dawan yakat ayangni nuhni yamtanauh, sau akaupak, kuma paskau di anyang nunuhni balna dawak kuma tuhni kidika bik! 8 ¡Alwana lapwa kidika, di minik kapat uhwa kidika dawak mukus pihni kidika! ¡Wing parasni wauhwa kidika witing lani kalana yakat yamwi! 9 ¡Asang balna bitik dawak asang ububulni balna bitik! ¡Suhun balna dawak pan minikyang balna bitik! 10 ¡Tinglau balna dawak asangpas dini balna bitik! ¡Di lawani balna dawak bil balna bik! 11 ¡Sau kingni balna dawak tawan balna bitik! ¡Tunan muihni balna dawak tawan balna bitik! 12 ¡Ahal, yayal, wawahma, dawak muihbararak bik! 13 ¡Manna bitik Dawan ayangni nuhni yamtanauh, kat witing ayangni manah makau ki! ¡Witing risnipik kidika manah makau kisang, dawak sau minit yakat ki! 14 ¡Witing tawanni yakat kalana parasni kidika! ¡Barangni mana kidika bitik ayangni nuhni yamtanauh, Israel balna, witing tawanni yaihnit yakat mana kidika! ¡Dawan ayangni kidika nuhni yamna karang! |