Oseas 14 - Papang YulniOseas Israel kalni dinit yakat bukwi yulwi Papang yakat nawatwi uina atnin yulni 1 ¡Israel nawatta yawah, man Papangma yakat, man dutni yamta buknaman kidika kaupak! 2 Papang yakat nawatta aiwanauh, adika makat yulnin yulni balna kidika duta yawanauh: “Dutkina balna bitik datang diswang dawak yamni yanadutah ayangma nuhni yamtayangna kidika. 3 Asiria kidika sip yanalaihwi yakwaski, dawak bik sip aras kau ilwik irik lawas awanaki ki. Uman yultas awanaki ‘yangna Papangkina’ yangna tingkina kau yamnayangna kidika, kat Dawan man yakat manah, warau kidika minikun talnin lani yakwi.” Papang yaklauwi pramis yamwi Israel yakat sangnika wisam kalana 4 Papang yulwi: “Kulnam annin manah dutaman kidika kaupak yamni mayamki; dalani matalna, man yakat kaput mayamnin awasdai bik, uman kulnin daukalnin kidika witingna kaupak yaklana. 5 Israel nining yakat yang adika diwas kapat awaki, dawak witing kidika puluni yakna karang dipulu kapat. Dawak rikni balna kidika, parasni duna karang sihm líbano asangni kapat; 6 tingni balna kidika nunuhni yakna karang, sihm olib tingni nunuhni yaksihn kapat, líbano suhunni walapni balna kapat karang. 7 Israel kidika watwi yang tingki dinit yakat yamni karang; kaput laih plawar panina kapat yamni barakna karang, wain kapat puluna karang, dawak ayangni nuhni karang, Líbano wainni kapat. 8 Efraín yulwarang: ‘¿Dawan dauh yakat ais baisa kulki yah?’ ¡Yang lawik maintalayang tawanki kidika! Yang laih awas sangni ban kidika kapat yang, dawak tawanki kidika yang akat minik kidika yakna karang walwi.” Mahka putwi 9 Muih sins duyang balna, adika yulni amanglalawang: Papang tani balna kidika laih barangni ki, dawak barangni muihni balna kidika usnit uhuiwi; kauna muih dudutni balna laih kidika yakat kalnina babauwi. |