Números 33 - Papang Yulni

Israel balna wawatwa tani

¹ Adika balna, tani munah Israel balna bayayakna Egipto kaupak kalahwi, kalbauyang muihni balna kapat uina dai, Moses dawi Aarón karak tatuna duduwak.

² Israel balna uiwi watwi bangkauna, kalahwi uiwa pāni balna bitik Moses ulwa dai, Dawan yulna dai kaput. Adika kuduh tatuna palni kalahwi uina mani.

³ Israel balna Ramsés kaupak kalalahna dai, kidika kurihni, wainiku tatuna, ma salap minitkau singka kat, kidika payahwa kat, laihwi yakna alasnina yayamna. Egipto muihni balna miniknapa tani yakat parasnina nuhni duwi kalalahna,

⁴ kidika kalalahna mani Egipto muihni balna walaninabis tatuna kidika bitik dadauna kat nunuwa bangdai, kidika laih Dawan yaklauwi ina, bahang kidika laih muhnilau kau di yulna dai daninawan dauh balna yakat.

⁵ Israel balna Ramsés kaupak kalahna dawak, Sucot yakat uiwi wawatna.

⁶ Sucot kaupak kalahwi Etam yakat uiwi wawatna kauhmak wanilang sutni yakat.

⁷ Etam kaupak Pi-hahirot nining yakauh awaihwi uina, kidika laih Baal-zefón kaupak ma kilwa nining yakat ki, dawakat Migdol muhnit yakat uiwi wawatna.

⁸ Pi-hahirot kaupak kalahwi, kuma yak dakyaklawi kauhmak wanilang yakat uiwi kalalahna. Etam kauhnimak wanilang yakat ma bās la pakwi Mara yakat uiwi wawatna.

⁹ Mara kalalahna kaupak Elim yakat uiwi wawatna, kidika yakat was burhwa salap minitkau bu, dawakat, kuku satni muihasluih bās minit kau salap bangdai bahang yakat wawatna dai.

¹⁰ Elim kaupak kalahwi Kuma Pauni kung yakat uiwi wawatna.

¹¹ Kuma Pauni yakaupak kalahwi uiwi, Sin kauhnimak wanilang yakat uiwi kakana.

¹² Sin kauhnimak wanilang kaupak kalahwi Dofca yakat uiwi kakana.

¹³ Dofca kaupak Alús yakat ui'kakana.

¹⁴ Alús kaupak Refidim yakat uiwi kakana yakat laih muih balna was dinin kidika dis dai.

¹⁵ Refidim kaupak Sinaí kauhnimak wanilang yakat uiwi kakana.

¹⁶ Sinaí kauhnimak wanilang kaupak, Kibrot-hataava yakat ui'wawatna.

¹⁷ Kibrot-hataava kaupak Hazerot yakat ui'wawatna.

¹⁸ Hazerot kaupak, Ritma yakat ui'wawatna.

¹⁹ Ritma kaupak Rimón-peres yakat ui'wawatna.

²⁰ Rimón-peres kaupak Libna yakat ui'wawatna.

²¹ Libna kaupak, Rissa yakat ui'wawatna.

²² Rissa kaupak Ceelata yakat uiwi wawatna.

²³ Ceelata kaupak Sefer asangni yakat uiwi wawatna.

²⁴ Sefer asangni kaupak, Harada yakat uiwi wawatna.

²⁵ Harada kaupak Macelot yakat ui'wawatna.

²⁶ Macelot kaupak, Tahat yakat uiwi wawatna.

²⁷ Tahat kaupak, Tara yakat uiwi wawatna.

²⁸ Tara kaupak, Mitca yakat uiwi wawatna.

²⁹ Mitca kaupak kalahwi Hasmona yakat uiwi wawatna.

³⁰ Hasmona kaupak, Moserot yakat uiwi wawatna.

³¹ Moserot kaupak, Bene-jaacán yakat uiwi wawatna.

³² Bene-jaacán kaupak, Hor sauni pāni yaihnit kau pa as Gidgad yakat uiwi wawatna.

³³ Gidgad kaupak, Jotbata yakat uiwi wawatna.

³⁴ Jotbata kaupak Abrona yakat uiwi wawatna.

³⁵ Abrona kaupak, Ezión-geber yakat uiwi wawatna.

³⁶ Ezión-geber kaupak, Cades kauhnimak wanilang yakat uiwi wawatna.

³⁷ Cades kaupak kalahwi uiwi Hor asangni yakat ūnina papakna Hor dawi Edom karak saunina kiwi watwa yakat.

³⁸ Dawan yulna yakat, sumalyang Aarón laih Hor asangni yakat kilwi dauna kurih muihasluih bu kaupak, waiku singka kidika kaupak ma tatuna yakat, adika kulna kidika Israel balna Egipto kau kalahna mani kaupak kulna ki.

³⁹ Aarón dauna kidika kurih andat as minit kau muihasluih minit kau bas duwadai.

⁴⁰ Cananeo kingni Arad kaupak Canaán sauni paskau Néguev yakat yalahwa dai kidika Israel balna uiwi kakana kidika dakakana dai.

⁴¹ Hor asangni kaupak kalalahna kidika, Zalmona pāni kat uiwi wawatna.

⁴² Zalmona kalalahna kaupak kidika Punón kat uiwi wawatna.

⁴³ Punón kalalahna kaupak, Obot kat uiwi wawatna.

⁴⁴ Obot kalahna kaupak, Moab sauni kiu'watwa kau, Ije-abarim yakat uiwi wawatna.

⁴⁵ Ije-abarim kalalahna kaupak, Dibón-gad pāni kat uiwi wawatna.

⁴⁶ Dibón-gad kalalahna kaupak, Almón-diblataim kat uiwi wawatna.

⁴⁷ Almón-diblataim kalahna kaupak Nebo kaupak ma kilwa niningkau, Abarim asangni kat uiwi wawatna.

⁴⁸ Abarim asangni kalahna kaupak, Jericó muhnit kau, Jordán wasni yaihnit kau Moab wanilang yakat uiwi wawatna.

⁴⁹ Jordán wasni kung kau ū labanni papakna kidika Moab wanilang paskau pa as ayangni Bet-jesimot kaupak Abel-sitim kat laih manah dai.

Canaán sauni yakat uiwi kawi amput pa balna sahyakwi dunin lani

⁵⁰ Jericó muhnitkau, Jordán wasni kungkau, Moab wanilang yakat Dawan yaklauwi Moses kiwi aput kalyulna:

⁵¹ “Israel balna yakat aput diyultah: Manna Jordán wasni kidika daklawa, Canaán sauni yakat awanama kat,

⁵² muihni balna kidika bitik kangta yakta wayani balna yayamna kidika bitik bahta disyamtanama, dawakat asang ubulni kau minitna yuyulwa pāni balna bitik sau yakat tukta laktanama.

⁵³ Sau kidika kalbauta dakyakta yakat pamana dutanauh, ayang lawik manatayang manna yakat.

⁵⁴ Sulani balna bitik kau sahyaktanama, kaunah suerte karuk, wais kat sulani mahni duwa kidika laih sau kidika nuhni duwarang, dawakat sulani bulah kidika laih sau dibin duna karang; sulani bitik kidika suerninati ampus duwa kat kaput duduwa karang.

⁵⁵ Kidika sauni kau muih bangkidika bitik kangta yaktas dataman, kat wawatwarang muihni balna kidika laih manauhuswarang mamaknapa yakat pan yayahni as kapat, kidika awas bik muihmana yakat wakal as manakana kapat, kidika pāni yakat yawa awanama mani kat.

⁵⁶ Kaput karang kat yang witingna yakat diyamnik kultayang dai kidika manna yakat manayamki.”