Números 26 - Papang Yulni

Israel muihni balna kidika watwi ayangnina ahana

¹ Kidika siknis dutni kalahna usnit kat, Dawan yaklauwi Moses yakat kalyulna, dawak sumalyang Aarón walanibis Eleazar yakat bik kalyulna:

² “Muih ayangnina ātah, papangnina walaninabis balna kat kat ātah, Israel muihni kurih 20 lalaihna balna kidika minitkauh, war kalbaunin sip balna kidika.”

³ Moses dawak Eleazar karak dipapakna Israel balna yakat, Moab wanilang, Jordán wasni yaihnitkau, Jericó muhnitkau yakat,

⁴ witingna kurih 20 lalaihna balna kidika bitik ayangnina ānin, Dawan yaklauwi Moses yakat paknadai kaput. Adika balna kuduh Israel balna Egipto kaupak kalalahna dai kidika:

⁵ Rubén sulani balna, Israel walanibis muihbarak dai kidika, dawak Enoc, Falú,

⁶ Hezrón dawak Carmi;

⁷ ayangnina ahana kidika yakat, Rubén sulani balna kidika bitik libitwak ahal 43,730 dai.

⁸ Falú kaupak batahndana Eliab,

⁹ dawak Eliab kaupak batahndana, Nemuel, Datán dawak Abiram. Datán dawak Abiram kidika balna bik kaluduhna pasyakat dai, Coré kidika karak, bahang witingna laih Dawan niningkauh yaklalauna, dawak sihm kidika mani balna yakat Moses dawak Aarón niningkauh bik yaklalauna,

¹⁰ kaunah sau wakahwi albupak diukmukna, dawak Coré bik, dawak kaluduhna muihni balna bitik dadauna, dawak muih ahal 250 kuh kau dadauna. Adika laih muih ūk balna yakat niningnakana as dai.

¹¹ Kaput kaunah Coré walanibis balna laih dadauwasdai.

¹² Simeón sulani balna kidika laih Nemuel, Jamín, Jaquín,

¹³ Zera dawak Saúl;

¹⁴ muih ayangnina ahana balna yakat, Simeón sulani balna kidika bitik kat 22,200 ahal dai.

¹⁵ Gad sulani balna kidika laih Zefón, Hagui, Suni,

¹⁶ Ozni, Eri,

¹⁷ Arod dawak Areli;

¹⁸ muih ayangnina balna ahana yakat Gad sulani balna kidika bitik kat 40,500 ahal dai.

¹⁹ Judá walanibis balna Er dawak Onán kidika dadauna dai Canaán sauni yakat,

²⁰ kaput laih Judá sulani balna kidika laih Sela, Fares dawak Zara.

²¹ Fares sulani balna kidika laih Hezrón dawak Hamul;

²² ayangnina ahana balna bitik yakat Judá sulani balna kidika laih 76,500 ahal dai.

²³ Isacar sulani balna kidika laih Tola, Fúa,

²⁴ Jasub dawak Simrón;

²⁵ ayangnina ahana kidika yakat Isacar sulani balna bitik kat 64,300 ahal dai.

²⁶ Zabulón sulani balna kidika laih Sered, Elón dawak Jahleel;

²⁷ ayangnina ahana kidika Zabulón sulani balna bitik kat 60,500 ahal dai.

²⁸ José sulani balna kidika laih Manasés dawak Efraín sulani balna kidika dai.

²⁹ Manasés kaupak, Maquir sulani uduhna kidika; dawak Maquir kaupak, Galaad sulani uduhna balna kidika;

³⁰ dawak Galaad kaupak, Jezer sulani uduhna balna kidika, Helec kidika bik,

³¹ Ariel kaupak, Siquem kaupak,

³² Semida kaupak dawak Hefer kaupak bik.

³³ Zelofehad, kidika laih Hefer walanibis dai, witing laih walabis ahal yakwasdai, yayal manah yakna dai, ayangnina laih, Maala, Noa, Hogla, Milca dawak Tirsa.

³⁴ Ayangnina ahana kidika yakat, Manasés sulani balna tilahwi kaina kidika bitik kat 52,700 ahal dai.

³⁵ Efraín sulani kaluduhna dawak tilahwi kaina kidika balna laih Sutela, Bequer dawak Tahán.

³⁶ Dawak Sutela sulani tilahwi kaina kidika, Erán sulani kaluduhna balna kidika dai.

³⁷ Ayangnina ahana yakat Efraín sulani tilahwi kaina kidika laih bitik kat 32,500 ahal dai. Adika balna kuduh José sulani tilahwi kaina dai kidika, sulani kaluduhna kat kat kaina dai kidika.

³⁸ Sulani uduhna as kaupak, sulani tilahwi kaina kidika Benjamín kaupak, kidika balna laih Bela, Asbel, Ahiram,

³⁹ Sefufam dawak Hufam.

⁴⁰ Bela sulani uduhna kidika kaupak sulanina tilahwi kaina kidika balna laih Ard dawak Naamán, kidika laih Bela walanibis balna.

⁴¹ Benjamín sulani balna ayangnina ahana kidika laih bitik kat 45,700 ahal dai.

⁴² Dan sulani tilahwi kaina laih Súham sulani uduhna kidika balna dai.

⁴³ Súham sulani tilahwi kaina balna kidika laih bitik kat 64,400 ahal dai.

⁴⁴ Aser sulani uduhna kaupak, sulani tilahwi kaina balna laih Imna, Isúi dawak Bería.

⁴⁵ Bería sulani balna uduhna, dawak sulani tilahwi kaina kidika balna laih Heber dawak Malquiel.

⁴⁶ Aser walanibis yal as duna, ayangni laih Sera.

⁴⁷ Ayangnina ahana kidika yakat Aser sulani tilahwi kaina kidika bitik kat 53,400 ahal dai.

⁴⁸ Neftalí sulani uduhna balna kidika kaupak sulani tilahwi kiuna kidika laih Jahzeel, Guni,

⁴⁹ Jezer dawak Silem.

⁵⁰ Neftalí sulani balna ayangnina ahana kidika bitik kat 45,400 ahal dai.

⁵¹ Israel balna ayangnina ahana kidika bitik kat 601,730 ahal dai.

Sau sahyakwi dianin lani balna

⁵² Dawan yaklauwi Moses yakat kiwi kalyulna:

⁵³ “Adika muihni balna adika sau sahyakwi diana karang, ayangnina ampus ahana kidika praisni kat.

⁵⁴ Kaluduhna muihni balna mahni kidika sau nuhni diana, dawak kaluduhna mahni awas kidika laih, sau dibin diana. Dawak kaluduhna balna kat kat sau diana, ampus ayangnina ahana kaput.

⁵⁵ Sau sahyakwi dianin kidika laih, witingna suerninati kau diama. Witingna bitik kau sau duduna karang, papangnina sulani mahni uduhna kidika niningkauh ampus kat kaput praisni.

⁵⁶ Sahyakwi dianin kidika laih yamna karang suerte kau, kalududuhna nunuhni dawak dibinina kidika bik sihm diana karang.”

Libait muihni balna ayangnina ahana

⁵⁷ Leví sulani uduhna kidika balna ayangnina ahana kidika laih Gersón, Coat dawak Merari.

⁵⁸ Libnita, hebronitas, mahlita, musita dawak coreíta sulani uduhna balna kidika laih, libait sulani uduhna balna dai. Coat laih Amram papangni dai.

⁵⁹ Amram laih Leví walanibis yal kat duna dai, ayangni laih Jocabed, bahang Jocabed kidika batahndana dai Leví kidika Egipto yakat sakdai mani balna yakat. Amram dawak Jocabed kidika balna laih Aarón, Moses, dawak María, kidika balna papangnina dai.

⁶⁰ Aarón walanibis balna laih Nadab, Abiú, Eleazar dawak Itamar.

⁶¹ Nadab dawak Abiú, kidika balna bu laih dadauna, Dawan muhni yakat kuhpau dahlwa taldas dini kidika duwi uina yulni.

⁶² Leví walanibis ahal tilahwi kiuna kidika bitik kat, waiku as duduwa kidika tanitkauh tausin manah 23 dai, witingna laih Israel muihni balna ayangnina ahana pasyakat ahawas dai, kat witingna yakat laih sau diayawasdai bahang.

⁶³ Aput kalahna dai kuduh Moses dawak sumalyang Eleazar karak kalpakwi muih ayangnina ahana dai kidika, Moab wanilang, Jordán kungkau dai kidika, Jericó muhnit kau.

⁶⁴ Kidika balna pasyakat as bik disdai, Moses dawak Aarón karak muih ayangnina ahana muihni balna dai kidika Sinaí kauhnimak wanilang yakat,

⁶⁵ kat Dawan yaklauwi diyulna dai bahang, witingna laih bitik dadauwarang ki, kauhmak wanilang yakat. Kaunah dadauwas dai kidika laih Caleb, Jefone walanibis, dawak Josué, Nun walanibis, kidika balna laih yaklalana dai.