Génesis 6 - Papang Yulni

Ahal balna dutnina

¹ Muih balna kidika sau akat kalsahwi mahna kat walaninabis yayal bik duduna,

² dawak Papang walanibis ahal balna tatalna kat yayal balna kidika laih yaksasihn dai. Kaput laih witingna laihwi duduna, bahang dukih yakat kalduduna.

³ Kaunah Dawan yulna: “Al kidika ma bitik yak sangka atnin yulni datasyang, kat witing muihni kidika tanit awas ki. Kaput bahang kurih muihasluih minit kau as luih 120 manah sangka karang.”

⁴ Muih nunuhni balna kidika aiwi kalalahna dawak Papang walanibis ahal kidika, sau muihni walaninabis yayal kidika balna karak kalduwi muih yayakna dai. Dawak kidika balna kuduh ayangnina nuhni dikukulna dai kidika, sara mani balna yakat.

⁵ Dawan kidika talna: ahal balna kidika sau yak dutni mahni palni yayamna, dawak ma bitik di dutni manah yamnin kukulwa dai.

⁶ Dawak witing muih al yamna kidika tikini duna. Dawak dalani karak

⁷ yulna: “Yang sau akat al yamna kidika dis yamki, di tinglau balna, dawak uhu balna. ¡Kidika balna yang yamna kidika yang yak tikini yawi!”

⁸ Kaput kaunah, Dawan minikpa yak Noé laih yamni palni dai.

Noé kuringni kidika

⁹ Adika yaka Noé yulni palni dai. Ma bitik Papang yulni dakawi yamwa dai, kidika mani ahalni balna pas kaupak, witing manah Papang yamni kulwa dai.

¹⁰ Noé bik walanbis balna ahal bās duna dai, witingna kuduh Sem, Cam, dawak Jafet.

¹¹ Papang muhni yak, sau yak dutni lāni, parasni kau bang,

¹² bahang muih bitik kidika dutni lāni manah buhng palni kalahna dai. Dawak Papang talna sau adika dutni lāni manah buhngdai.

¹³ Dawak Papang Noé yak kalyulna: “Muih bitik dis yamnin kidika laih kalyulna, witingna dutnina kidika sau pāni bitik yak mahni palni ki, kaput bahang muih bitik daukaltik dis yamkiki, sau pāni bitik yak bik.

¹⁴ Kuring as yamtah pan balna bāni pas pauni manah karak, dawak itiklana balna bik yamtah, dawak kuring pāni sulihni balna kidika pa kaupak ahni kaupak tar kau kahtah, was kawarang yulni.

¹⁵ Kuring kidika adika karak kulta yamtah: naini 135 metros karang, pirihta laih metro 22 minitkau papusdak karang, dawak maluihni laih metro 13 minitkau papusdak karang.

¹⁶ Maluihni itiklana bās yamta, winnidar bik as tunanpas dinit yak pit as minit kau papusbah kapat, dawak pirini nakas yak dūr as yaktah.

¹⁷ Yang was nuhni as sihkiki sau adika daukaltik disnik, sau akat ais ais sangnika duwa balna bitik disna karang; ais ais sau akat bang kidika bitik dadauwarang.

¹⁸ Kaunah yang man karak yul yamna yang kidika, dawak kuring yak walanbis balna, maridma, walanbis balna maridma balna bik kakawarang.

¹⁹ Dawak bik sau yak di balna almuk as, yal as dutah, yawama, kuring yak man karak kapat yaklawarang.

²⁰ Di balna satni kidika kaupak bu bu man karak kuring yakat kakawarang: di lawani balna bitik, tinglau balna bitik, di balna sau yak pasnina kau mumurwa balna kidika bik, laihwi yakwarang kidika yulni.

²¹ Dawak man bik di kasna balna bitik uduhta duma kuring yak man di balna bitik kasnamna yulni.”

²² Dawak Noé Papang yaklauwi ais yamnin kalyulna takat yamna.