Génesis 5 - Papang Yulni

Adam sulani balna

¹ Adika yaka Adam sulani balna kidika, dawak Papang muih yamna, witing kidika yamna witing kaput.

² Papang witingna kidika yamna al dawak yal kidika bik, dawak witingna yak yamni di yamna, kidika mani yak witingna kidika pakna ‘ahal’.

³ Adam kurih 130 laihna kat walanbis al as duna, dawak ayangni pakna Set, dawak witing kapat dai bitik yak.

⁴ Adika usnit yak, Adam laih kurih 800 sangka dai, dawak walanbis balna ūk ahal, yayal bik duna dai.

⁵ Kaput laih Adam kurih 930 sangka dai, dawak kaput witing dauna.

⁶ Set kurih 105 duwa kat walanbis al as Enós batahnna dai.

⁷ Adika usnit, Set kurih 807 baisa laihna dai, dawak walanbis balna ūk ahal, yayal duwa dai.

⁸ Aput laih Set kurihni bitik 912 duwa dai, kaput adika kurihni yak dauna.

⁹ Enós kurih 90 duwa kat walanbis al Cainán kidika batahnna.

¹⁰ Adika usnit yak, Enós baisa kurih 815 sangka duwa dai, dawak walanbis ahal yayal ūk bik duna dai;

¹¹ kaput laih kurihni bitik kat 905 sangka dai, dawak kaput kurih witing dauna.

¹² Cainán kurih 70 dai yakat walanbis al Mahalaleel batahnna.

¹³ Adika usnit yak, Cainán baisa kurih 840 laihna dai, dawak walanbis ahal yayal ūk bik duna;

¹⁴ kaput witing kurihni bitik kat 910 yalahna dai, kidika kurihni yak dauna.

¹⁵ Mahalaleel kurihni 65 duwa kat Jared kidika batahnna.

¹⁶ Adika usnit, Mahalaleel baisa kurih 830 dawa kat walanbis balna ahal ūk, dawak yayal bik duna dai;

¹⁷ kaput witing kurih bitik 895 yak witing dauna.

¹⁸ Jared kurih 162 duwa kat walanbis al Enoc batahnna.

¹⁹ Adika usnit, Jared baisa kurih 800 sangka dai, dawak baisa walanbis balna ūk ahal yayal bik duna;

²⁰ kaput witing kurih 962 sangka dai, dawak witing kidika dauna.

²¹ Enoc 65 duwakat walanbis al as Matusalén batahnna.

²² Enoc Papang kulnin lāni kat yalahna dai, Matusalén batahnna usnit kat, Enoc baisa kurih 300 yalahna, dawak walanbis balna bik baisa duna dai ahal, yayal bik;

²³ kaput laih Enoc witing sangka dai kurih 365.

²⁴ Kaput Enoc sangka dai Papang kulnin lāni kat, ma as kat pini disna kat Papang duwi kiuna bahang.

²⁵ Matusalén kurih 187 duwa kat walanbis la Lamec kidika batahnna.

²⁶ Adika usnit, Matusalén kurihni 782 duwa kat walanbis balna ūk ahal, yayal bik duna;

²⁷ kaput witing kurihni 969 yalahna, dawak kidika kurihni kaput laihwi dauna.

²⁸ Lamec kurih 182 duwa kat walanbis al as batahnna.

²⁹ Witing ayangni pakna Noé, kat yulna dai bahang: “Dawan kidika sau yak dutni yulna, dawak mayang di parasni yamnin ki di balna dahwi yamni yaknin yulni; kaunah adika muihnibin al mayang yak mayawak urupdarang.”

³⁰ Noé batahna usnit yak, Lamec kurih 595 duna dai, dawak baisa walanbis ahal yayal ūk bik duna dai;

³¹ kaput Lamec kurihni balna bitik 777 sangka yalahna, dawak kidika kurihni yaka dauna.

³² Noé kurihni 500 duwa dai yakat walanbis ahal balna kidika batahna Sem, Cam, Jafet.