Ɀireʋo 4 - Baiberi Magwaro Matȿene aMŋari 1949 (Doke)

Munhu ŋgaafambe nenzira dzoʋucenjeri.

¹ Imi ʋanakomana, inzwai kurairira kwaɓaɓa ʋenyu; Tererai, muziʋe njere.

² Nokuti ndinokupai dzidziso yakanaka; Regai kurasha murairo waŋgu.

³ Nokuti ini ndakaŋga ndiri mŋanakomana kunaɓaɓa ʋaŋgu, Mŋana wakaɗikanwa kwaɀo, mumŋe woga pamberi pamai ʋaŋgu;

⁴ Iʋo ɓaɓa ʋakandidzidzisa, ʋakati kwandiri: Mŋoyo wako ŋgaunatso‐ɓata mashoko aŋgu; Ceŋgeta mirairo yaŋgu, urarame.

⁵ Ɀiwanire ʋucenjeri, ɀiwanire njere; Rega kukaŋganwa kana kutsauka pamashoko omuromo waŋgu;

⁶ Usaʋurasha, ʋugokuceŋgeta; Uʋuɗe, ʋugokurinda.

⁷ Ʋucenjeri cinhu cikuru kuneɀose; saka uɀiwanire ʋucenjeri; Uɀiwanire njere neɀose ɀaunaɀo.

⁸ Uʋukudze, ʋugokukwiridza iwe; Ʋucakuʋigira kukudzwa, kana uciʋumbundikira.

⁹ Ʋucapa musoro wako cishoŋgo cakanaka; Ʋucakuisira korona inobginya.

¹⁰ Cinzwa iwe mŋanakomana waŋgu, ugamucire ɀandinoreʋa; Makore oʋupenyu bgako agoʋa mazhinji.

¹¹ Ndakakudzidzisa panzira yoʋucenjeri; Ndakakufambisa pamakwara akarurama.

¹² Kana ucifamba, tsoka dzako hadziŋgapiŋganidzwi; Kana ucimhanya, hauŋgagumburwi.

¹³ Natsa kuɓata kurairirwa; usakuregedza; Ukuceŋgete, nokuti ndibgo ʋupenyu bgako.

¹⁴ Usapinda pagwara raʋakaipa, Usafamba nenzira yaʋakashata.

¹⁵ Uinɀeŋge, usapinda pairi; Tsauka pairi, upfuʋure hako.

¹⁶ Nokuti haʋaʋati, kana ʋasiŋgaiti ɀakashata; Ʋanotorerwa hope dzaʋo, kana ʋasiŋgagumbusi ʋamŋe.

¹⁷ Nokuti ʋanodya ɀokudya ɀeɀakaipa, Nokunwa waini yokumanikidza.

¹⁸ Asi gwara raʋakarurama rakaita seciedza camambakwedza, Cinoramba ciciwedzera kubginya kuȿikira pamasikati makuru.

¹⁹ Nzira yaʋakaipa yakaita serima; Haʋaziʋi ciŋgaʋagumbusa.

²⁰ Mŋanakomana waŋgu, terera mashoko aŋgu; Rerekera nzeʋe yako kuneɀandinoreʋa.

²¹ Urambe uciatarira, Uaceŋgete mukati momŋoyo mako.

²² Nokuti ndibgo ʋupenyu kunaʋanoawana, Noʋukukutu bgenyama yaʋo yose.

²³ Ceŋgeta mŋoyo wako kupfuʋura ɀose ɀinofanira kurindwa; Nokuti mukati mawo ndi’mo muneɀituɓu ɀoʋupenyu.

²⁴ Bvisa kwauri nhema dzomuromo; Kutsauka kwemiromo ŋgakuʋe kure newe.

²⁵ Meso ako ŋgaarurame pakutarira; Mafuŋgiro ameso ako ŋgaatarire mberi kwako.

²⁶ Gadzirira tsoka dzako gwara; Nzira dzako dzose dziʋe dzakasimba.

²⁷ Usatsaukira kurudyi kana kuruɓoshwe; Rutsoka rwako urubvise paneɀakaipa.