Ɀireʋo 3 - Baiberi Magwaro Matȿene aMŋari 1949 (Doke)

Munhu ŋgaatye Jehova, aʋimbe naye, amuterere.

¹ Mŋanakomana waŋgu, usakaŋganwa kudzidzisa kwaŋgu; Asi mŋoyo wako ŋgauceŋgete mirairo yaŋgu;

² Nokuti ɀicakuwedzera mazuʋa mazhinji, Namakore oʋupenyu, norugare.

³ Ruɗo neɀokwaɗi ŋgaɀirege kukusiya; Uɀisuŋgire pamutsipa wako; Uɀinyore pahwendefa romŋoyo wako;

⁴ Nokuɗaro ucawana nyasha nenjere dzakanaka Pamberi paMŋari naʋanhu.

⁵ Ʋimba naJehova nomŋoyo wako wose, Urege kusendama panjere dzako.

⁶ Umutende panzira dzako dzose, Agoruramisa makwara ako ose.

⁷ Usaɀiti wakacenjera; Itya Jehova, ubve paneɀakaipa;

⁸ Ɀicaʋa mushoŋga womuʋiri wako, Nomŋoŋgo wamafupa ako.

⁹ Kudza Jehova neɀaunaɀo, Ʋuye neɀitȿa ɀaɀose ɀawakawana;

¹⁰ Ipapo matura ako acazadzwa neɀakawanda, Makate ako acapfacuka newaini itȿa.

¹¹ Mŋanakomana waŋgu, usaɀidza kuraŋga kwaJehova; Usaneta nokuraira kwake.

¹² Nokuti Jehova unoraira muɗikanwa wake; Seɀinoita ɓaɓa mŋanakomana waʋo waʋanofarira.

Mufaro womunhu, wawana ʋucenjeri.

¹³ Munhu, wawana ʋucenjeri, unomufaro, Naiye munhu, unowana njere.

¹⁴ Nokuti kuʋuwana ibgo kunopfuʋura kuwana sirveri; Nokuʋufuma ibgo kunopfuʋura kufuma ndarama.

¹⁵ Ʋunokosha kupfuʋura korari; Hakunefuma yako iŋgaenzaniswa nabgo.

¹⁶ Mazuʋa mazhinji oʋupenyu ari muruʋoko rwabgo rworudyi; Muruʋoko rwabgo rworuɓoshwe munefuma nokukudzwa.

¹⁷ Nzira dzabgo inzira dzeɀinofadza; Makwara abgo ose ndoorugare.

¹⁸ Ndiwo muti woʋupenyu kunaʋanoʋunamatira; Mumŋe nomumŋe unoʋuɓata unomufaro.

¹⁹ Jehova wakateya pasi noʋucenjeri; Wakasimbisa kuɗeŋga‐ɗeŋga nenjere.

²⁰ Mvura iri makadzika yakadzutuka neziʋo yake; Ƌeŋga rose rakaɗonha ɗoʋa.

²¹ Mŋanakomana waŋgu, ŋgaɀirege kubva pameso ako; Ceŋgeta ʋucenjeri caibgo nokuŋgwara.

²² Ipapo ɀicaʋa ʋupenyu bgomŋeya wako; Noʋukomba pamutsipa wako.

²³ Ipapo ucafamba nenzira yako wakasimba; Rutsoka rwako haruŋgagumburwi.

²⁴ Kana uciʋata pasi hauŋgatyi; Ʋuye kana waʋata pasi hope dzako dzicaʋa dzakanaka.

²⁵ Usatya hako civunduso cinokuwira kamŋe‐kamŋe, Kunyaŋge kuparadzwa kwaʋakaipa, kana kuciȿika;

²⁶ Nokuti Jehova ucaʋa ciʋimbo cako; Ucaceŋgeta rutsoka rwako, kuti rurege kuɓatwa.

Munhu ŋgaave nomŋoyo murefu nokutendeka.

²⁷ Munhu, wakafanirwa, usaramba kumuitira ɀakanaka Kana ruʋoko rwako ruciŋge runesimba kuɀiita.

²⁸ Usati kunowokwako: Enda, ugodzoka ɀe, Maŋgwana ndicakupa; Kana uciŋge unaɀo’po.

²⁹ Usafuŋga kuitira wokwako ɀakaipa, Ɀaanogara hake newe acikutenda.

³⁰ Usarwa nomunhu pasinemhoȿa, Kana asina‐kukuitira ɀakaipa.

³¹ Usagoɗora munhu unomanikidza; Usateʋera kunyaŋge nomumŋe wemitoʋo yake.

³² Nokuti mutsauki inyaŋgadzi kunaJehova; Asi unoʋukama naʋakarurama.

³³ Kutuka kwaJehova kuri mumba mowakaipa; Asi unoropafadza ʋugaro bgaʋakarurama.

³⁴ Kana ʋari ʋaɗaɗi, unoʋaɗaɗira, Asi ʋanoɀininipisa unoʋaitira nyasha.

³⁵ Ʋakacenjera ʋacagara nhaka yokukudzwa; Asi mapenzi anoɀiwanira kunyadziswa.