Zekaria 7 - Baiberi Magwaro Matȿene aMŋari 1949 (Doke)

Jehova unotȿaka kururama.

¹ Ɀino negore recinna ramambo Dariusi shoko raJehova rakaȿika kunaZekaria nezuʋa recinna romŋedzi wepfumbamŋe, iwo weKisrevi.

² Ɀino ʋanhu ʋeBeti‐eri ʋakaŋga ʋatuma Sharezeri naRegemi‐mereki, naʋanhu ʋaʋo, kundokumbira nyasha kunaJehova,

³ nokutaura naʋaprista ʋeimba yaJehova wehondo, naʋaprofita, ʋaciti: Ko ndocema nomŋedzi wecishanu, ndiciɀiparadzanisa naʋamŋe, seɀandaiita makore awa mazhinji here?

⁴ Ipapo shoko raJehova wehondo rakaȿika kwandiri, riciti:

⁵ Taura naʋanhu ʋose ʋenyika ino, naʋaprista, uti: Ɀamaiɀinyima ɀokudya mucicema nomŋedzi wecishanu nowecinomŋe, makore ano anamakumi manomŋe, maitoŋgoɀinyima ɀokudya nokuɗa kwaŋgu, nokuɗa kwaŋgu here?

⁶ Kana mucidya, kana mucinwa, hamuɀidyiri nokuɀinwira here?

⁷ Ko haazi mashoko aJehova aakaɗanidzira naʋaprofita ʋakare, Jerusarema ricakagarwa naʋanhu ricinomufaro, iro namaguta aro ose akaripoteredza, nenyika yezasi nenyika yamapani dzicinaʋanhu.

⁸ Ɀino shoko raJehova rakaȿika kunaZekaria, riciti:

⁹ Ndiɀo ɀakataura Jehova wehondo, aciti: Ruramisirai kwaɀo pakutoŋga, mumŋe nomumŋe aitire hama yake ʋunyoro netsitsi;

¹⁰ regai kumanikidza cirikadzi, kana nherera, kana mutorwa, kana murombo; kurege kuʋa nomumŋe wenyu unofuŋgira hama yake ɀakaipa pamŋoyo pake.

¹¹ Asi ʋakaramba kuterera, ʋakabvisa fudzi raʋo, nokudziʋira nzeʋe dzaʋo kuti ʋarege kunzwa.

¹² Ɀirokwaɀo, mŋoyo yaʋo ʋakaiita sedaimani, kuti ʋarege kunzwa murairo namashoko akatumŋa naJehova wehondo noMŋeya wake naʋaprofita ʋakare; saka kutsamŋa kukuru kwakaɓuɗa kunaJehova wehondo.

¹³ Ɀino seɀaakaɗana, iʋo ʋakaramba kunzwa, saiɀoɀo iʋo ʋacaɗana ʋo, ini ndiciramba kunzwa — ndiɀo ɀinotaura Jehova wehondo;

¹⁴ asi ndicaʋaparadzira necampupuri pakati pendudzi dzose dzaʋakaŋga ʋasiŋgaziʋi. Naiɀoɀo nyika yakaʋa ɗoŋgo shure kwaʋo, kukasaʋa nomunhu wakaenda kana kudzoka noko; nokuti ʋakaparadza nyika yakaŋga icifadza.