Nahumi 2 - Baiberi Magwaro Matȿene aMŋari 1949 (Doke)

Nineve ricaparadzwa naJehova.

¹ Muputsanyi waʋuya kuzorwa nemi; rindirai nhare, tarirai nzira, simbisai ɀiʋuno ɀenyu, itai nesimba renyu kwaɀo.

² Nokuti Jehova unodzosa kurumbidzwa kukuru kwaJakobo sokurumbidzwa kukuru kwaIsraeri; nokuti ʋaɗururi ʋakaʋaɗurura, ʋakaparadza mataʋi emizambiriŋga yaʋo.

³ Nhoʋo dzemhare dzake dzakatȿukiswa, ʋarume ʋakatsuŋga ʋakapfeka ŋguʋo tȿuku; matare eŋgoro anopenya nezuʋa rokuɀigadzira kwake, mapfumo ake emisipresi anosimudzwa.

⁴ Ŋgoro dzinoʋirima munzira dzomumusha, dzinoɓonderana pamapani, dzakafanana namazhenje, dzinomhanya semheni.

⁵ Unoraŋgarira ʋakuru ʋake, ʋanogumburwa pakufamba kwaʋo, ʋanomhanyira kuruȿiŋgo rwaro pakagadzirwa citaʋiridzo.

⁶ Masuʋo enzizi akazarurwa, imba yamambo yakanyauka.

⁷ Shoko ratemŋa, rokuti, rakafukurwa, rakatapxa, ʋashandiri ʋaro ʋanocema namanzwi akaita seenjiʋa, ʋaciɀiroʋa ɀifuʋa ɀaʋo.

⁸ Asi kubva kare Nineve rakaŋga rakaita sedziʋa remvura; kunyaŋge ɀakaɗaro ʋanotiza. Ʋanoɗana ʋaciti: Mirai, mirai! asi hakunaunoceuka.

⁹ Pambai sirveri, pambai ndarama; nokuti kuwanda kwaɀo hakuperi, iyo fuma yenhumbi dzakaiȿo‐naka.

¹⁰ Harinecinhu, rinoshaiwa ɀose, raʋa ɗoŋgo; mŋoyo unonyauka, mabvi anoɓonderana, kurwadziwa kuri’po paɀiʋuno ɀose, ɀiso ɀaʋose ɀaceneruka.

¹¹ Nɀimba yeshumba iripi? Panodyira shumba ɗuku ndapapi? Ndapapi panofamba shumba nehadzi yayo nomŋana weshumba, kusina‐unodzikarudza?

¹² Shumba yaibvamburanya ɀakariŋgana ʋana ʋayo, yaidzipira hadzi dzayo, yaizadza mapako ayo neɀayairuma, nenɀimba dzayo neɀayaiɓata.

¹³ Tarirai, ndinemhaka nemi — ndiɀo ɀinotaura Jehova wehondo — ndicapisa ŋgoro dzaro dziite ʋutsi, munondo ucapedza shumba dzenyu ɗuku; ndicabvisa ɀawakapamba panyika, inzwi renhume dzako hariŋgatoŋgonzwiki ɀe.