Mupiro 24 - Baiberi Magwaro Matȿene aMŋari 1949 (Doke)

Mafuta omŋenje neɀiŋgwa ɀokuratidza.

¹ Jehova wakataura naMosesi, akati:

² Raira ʋana ʋaIsraeri kuti ʋaʋuye kwauri namafuta akanaka amaorivi, akaiȿo‐naka akaȿiniwa omŋenje, kuti avenekese mŋenje ŋguʋa dzose.

³ Kunze kwecidzitiro cecipupuriro, mutente rokusoŋgana, Aroni unofanira kuigadzira kubva maɗekwana kuȿikira maŋgwanani ŋguʋa dzose pamberi paJehova; unofanira kuʋa mutemo usiŋgaperi kuȿikira kumarudzi enyu ose.

⁴ Unofanira kugadzira mŋenje pacigadziko cakaiȿo‐naka ŋguʋa dzose pamberi paJehova.

⁵ Iwe unofanira kutora ʋupfu bgakatsetseka, ugoɓika nabgo ɀiŋgwa ɀinegumi neɀiʋiri; ciŋgwa cimŋe necimŋe cinofanira kuitwa neɀegumi ɀiʋiri ɀeefa.

⁶ Unofanira kuɀigadzika patafura yakaiȿo‐naka pamberi paJehova uciita nhurikidzwa mbiri, ɀitanhatu panhurikidzwa.

⁷ Unofanira kuisa ʋo pamsoro penhurikidzwa imŋe neimŋe ɀinonhuwira ɀakanaka, kuti ciʋe cokuraŋgaridza ceciŋgwa, ciʋe cipiriso cinopisirwa Jehova.

⁸ Musi mumŋe nomumŋe wesaɓata unofanira kuɀiroŋgedza pamberi paJehova ŋguʋa dzose; iʋe suŋgano isiŋgaperi inoitwa naʋana ʋaIsraeri.

⁹ Ɀinofanira kuʋa ɀaAroni naʋanakomana ʋake; ʋaɀidye panɀimbo tȿene, nokuti citȿene kwaɀo kwaari pakati peɀipiriso ɀinopisirwa Jehova nomutemo usiŋgaperi.

Ɀiʋi nokurobga kwaɀo.

¹⁰ Ɀino mŋanakomana womukadzi muIsraeri, asi ɓaɓa ʋake ʋaiʋa munhu weEgipita, wakafamba pakati paʋana ʋaIsraeri; mŋanakomana womukadzi muIsraeri akarwa nomurume muIsraeri pamisasa.

¹¹ Mŋanakomana womukadzi muIsraeri akamhura zita raJehoʋa, akatuka, ʋakaenda naye kunaMosesi. Zita ramai ʋake rakaŋga riri Sheromiti, mŋanasikana waDibri, worudzi rwaDani.

¹² Ʋakamuisa mutoroŋgo, kuti ʋaziʋiswe ɀinorebga naJehova.

¹³ Ɀino Jehova akataura naMosesi, akati:

¹⁴ Ƃuɗisa mutuki kunze kwemisasa; ɀino ʋose, ʋakamunzwa, ʋanofanira kuisa maʋoko aʋo pamusoro wake, ʋuŋgano yose igomutaka namabge.

¹⁵ Ɀino iwe utaure naʋana ʋaIsraeri, uti: Aninani unotuka Mŋari wake unofanira kurobga pamsoro peɀiʋi ɀake.

¹⁶ Munhu unomhura zita raJehova, ɀirokwaɀo unofanira kuʋurawa; ʋuŋgano yose inofanira kumutaka namabge, kana ari mutorwa, kana ari wakaɓerekerwa munyika, kana acimhura zita raJehoʋa unofanira kuʋurawa.

¹⁷ Munhu unoroʋa mumŋe, akafa, ɀirokwaɀo unofanira kuʋurawa;

¹⁸ nomunhu unoroʋa cipfuwo, cikafa, unofanira kuciripa; ʋupenyu pacigaro coʋupenyu.

¹⁹ Kana munhu akamanikidza wokwake, seɀaakaita iye, unofanira kuitirwa ʋo;

²⁰ kuvunika kucatsibga nokuvunika, ziso neziso, zino nezino, seɀaakamanikidza mumŋe, naiye unofanira kuitirwa saiɀoɀo.

²¹ Munhu unoʋuraya cipfuwo, unofanira kuripa; unoʋuraya munhu, unofanira kuʋurawa.

²² Munofanira kuʋa nomurairo mumŋe cete kumutorwa kana kunowakaɓerekerwa panyika; nokuti ndini Jehova Mŋari wenyu.

²³ Mosesi akataura naʋana ʋaIsraeri, iʋo ʋakaɓuɗisa mutuki kunze kwemisasa, ʋakamutaka namabge. Ʋana ʋaIsraeri ʋakaita seɀaʋakarairwa naMosesi.