Mupiro 23 - Baiberi Magwaro Matȿene aMŋari 1949 (Doke)

Mirairo yemitambo mikuru.

¹ Ɀino Jehova wakataura naMosesi, akati:

² Taura naʋana ʋaIsraeri, uti kwaʋari: Mitambo yakatarwa naJehova, yamunofanira kuparidzira muciti ndidzo ʋuŋgano tȿene, ndiyo mitambo yaŋgu yakatarwa.

³ Maɓasa ŋgaaɓatwe mazuʋa matanhatu; asi zuʋa recinomŋe isaɓata rokuzorora kwaɀo, iʋuŋgano tȿene; musaɓata ɓasa ripi neripi; isaɓata raJehova mudzimba dzenyu dzose.

⁴ Ndiyo mitambo yaJehova yakatarwa, ndidzo ʋuŋgano tȿene, dzamunofanira kuparidzira neŋguʋa dzakatarwa:

⁵ Nomŋedzi wokutaŋga, nezuʋa regumi namanna romŋedzi, maɗekwana, ipaseka raJehova.

⁶ Nezuʋa regumi namashanu romŋedzi iwoyo ndiwo mutambo weɀiŋgwa ɀisina‐kuʋiriswa; munofanira kudya ciŋgwa cisina‐kuʋiriswa mazuʋa manomŋe.

⁷ Nomusi wokutaŋga munofanira kuita ʋuŋgano tȿene; musaɓata ɓasa raʋaranda.

⁸ Asi munofanira kupa Jehova cipiriso cinopiswa mazuʋa manomŋe; pazuʋa recinomŋe munofanira kuita ʋuŋgano tȿene; musaɓata ɓasa raʋaranda.

⁹ Ɀino Jehova wakataura naMosesi, akati:

¹⁰ Taura naʋana ʋaIsraeri, uti kwaʋari: Kana muciȿika munyika yandicakupai, mukakohwa ɀiyo ɀayo, munofanira kuʋuya necisote ceɀitȿa ɀokukohwa kwenyu kumuprista,

¹¹ iye unofanira kuzuŋguzira cisote ico pamberi paJehova, kuti cigamucirwe kwamuri; muprista unofanira kucizuŋguzira nomusi unoteʋera saɓata.

¹² Nomusi wamunozuŋguzira cisote nawo, munofanira kuʋuya negwaiana regondobge risina‐kuremara, rinegore rimŋe, ciʋe cipiriso cinopisirwa Jehova.

¹³ Necipiriso caco coʋupfu cinofanira kuʋa ceɀegumi ɀiʋiri ɀeefa yoʋupfu bgakatsetseka, bgakakanyiwa namafuta, ciʋe cipiriso cinopisirwa Jehova cinonhuwira ɀakanaka; necipiriso caco cinoɗururwa cinofanira kuʋa cewaini cecinna cehini.

¹⁴ Musadya ciŋgwa, kana ɀiyo ɀakakaŋgiwa, kana hura itȿa, kuȿikira pamusi iwoyo, kuȿikira maʋuya necipo caMŋari wenyu; ndiwo mutemo usiŋgaperi kuȿikira kumarudzi enyu ose padzimba dzenyu dzose.

¹⁵ Ɀino munofanira kuʋereŋga kubva pamusi unoteʋera saɓata, kubva pamusi wamakaʋuya nawo necisote cinozuŋguzirwa, masaɓata manomŋe.

¹⁶ Munofanira kuʋereŋga mazuʋa makumi mashanu kuȿikira pamusi unoteʋera saɓata recinomŋe; ipapo munofanira kupa Jehova cipiriso citȿa coʋupfu.

¹⁷ Munofanira kutora kudzimba dzenyu ɀiŋgwa ɀiʋiri ɀinozuŋguzirwa ɀeɀegumi ɀiʋiri ɀeefa; ɀinofanira kuʋa ɀoʋupfu bgakatsetseka, ɀiɓikwe nembiriso, kuti ɀiʋe ɀitȿa kunaJehova.

¹⁸ Pamŋe cete neɀiŋgwa munofanira kuʋuya namakwaiana manomŋe asina‐kuremara, egore rimŋe, nenzombe imŋe ɗuku, namakondobge maʋiri; iɀoɀo ɀinofanira kuʋa ciɓayiro cinopisirwa Jehova, pamŋe cete necipiriso caɀo coʋupfu neɀipiriso ɀinoɗururwa, ciʋe cipiriso cinopiswa cinonhuwira ɀakanaka kunaJehova.

¹⁹ Ʋuye munofanira kuɓayira nhoŋgo imŋe, ciʋe cipiriso ceɀiʋi, namakwaiana maʋiri, mikono yegore rimŋe, ciʋe ciɓayiro ceɀipiriso ɀokuyananisa.

²⁰ Muprista unofanira kuɀizuŋguzira pamŋe cete neɀiŋgwa ɀitȿa, ciʋe cipiriso cinozuŋguzirwa pamberi paJehova, pamŋe cete namakwaiana maʋiri iwayo; ɀinofanira kuʋa ɀitȿene kunaJehova ɀiri ɀomuprista.

²¹ Munofanira kuparidza nomus woyo kuti muʋe neʋuŋgano itȿa; hamufaniri kuɓata maɓasa aʋaranda; uʋe mutemo usiŋgaperi padzimba dzenyu dzose kuȿikira kumarudzi enyu ose.

²² Kana mucikohwa gohwa reminda yenyu, rega kukohwa kwaɀo miceto yomunda wako, ʋuye usaʋuŋganidza ɀawira pasi pakukohwa kwako; unofanira kuɀisiyira ʋarombo naʋaeni; ndini Jehova Mŋari wenyu.

²³ Ɀino Jehova wakataura naMosesi, akati:

²⁴ Taura naʋana ʋaIsraeri, uti: Pamŋedzi wecinomŋe, zuʋa rokutaŋga romŋedzi rinofanira kuʋa kwamuri zuʋa rokuzorora kwaɀo, rinoyeʋudzwa nokuridzwa kwehwamanda, iʋe ʋuŋgano tȿene.

²⁵ Musaɓata naro maɓasa ose aʋaranda; munofanira kuʋigira Jehova cipiriso cinoitwa nomŋoto.

²⁶ Jehova wakataura naMosesi, akati:

²⁷ Zuʋa regumi romŋedzi uyu wecinomŋe izuʋa rokuyananisira; munofanira kuita naro ʋuŋgano tȿene, munofanira kucema pamŋeya yenyu, nokuʋigira Jehova cipiriso cinoitwa nomŋoto.

²⁸ Nomusi uyo musaɓata ɓasa ripi neripi, nokuti izuʋa rokuyananisirwa, kuti muyananisirwe pamberi paJehova Mŋari wenyu.

²⁹ Nokuti aninani usiŋgacemi pamŋeya wake nomusi iwoyo, ucabviswa pakati porudzi rwake.

³⁰ Nomunhu upi noupi unoɓata ɓasa ripi neripi nomusi iwoyo, munhu uyo ndicamuparadza pakati porudzi rwake.

³¹ Musaita ɓasa ripi neripi; mutemo usiŋgaperi kuȿikira kumarudzi enyu ose padzimba dzenyu dzose.

³² Rinofanira kuʋa kwamuri saɓata rokuzorora kwaɀo, munofanira kucema pamŋeya yenyu; munofanira kuceŋgeta saɓata renyu, nezuʋa repfumbamŋe romŋedzi maɗekwana, kubva pamaɗekwana kuȿikira pamaɗekwana ɀe.

³³ Jehova wakataura naMosesi, akati:

³⁴ Taura naʋana ʋaIsraeri, uti: Nezuʋa regumi namashanu romŋedzi uyu wecinomŋe Jehova unofanira kuitirwa mutambo wamatumba mazuʋa manomŋe.

³⁵ Nomusi wokutaŋga kunofanira kuʋa neʋuŋgano tȿene; musaita ɓasa ripi neripi raʋaranda.

³⁶ Munofanira kuʋigira Jehova cipiriso cinoitwa nomŋoto mazuʋa manomŋe; nomusi worusere munofanira kuʋa neʋuŋgano tȿene; muʋigire Jehova cipiriso cinoitwa nomŋoto; izuʋa romutambo mukuru, musaɓata ɓasa ripi neripi raʋaranda.

³⁷ Ndiyo mitambo yakatarwa yaJehova, yamunofanira kuparidzira, muciti iʋuŋgano tȿene, kuti muʋigire Jehova cipiriso cinoitwa nomŋoto, cipiriso cinopiswa, necipiriso coʋupfu, neciɓayiro, neɀipiriso ɀinoɗururwa, cimŋe necimŋe nezuʋa raco;

³⁸ iɀi ŋgaɀiitwe, kunze kwamasaɓata aJehova, nokunze kweɀipo ɀenyu, nokunze kwemhiko dzenyu dzose, nokunze kwenhendo dzenyu dzose dzokuɗa kwenyu, dzamunopa Jehova.

³⁹ Ɀino pazuʋa regumi namashanu romŋedzi wecinomŋe, kana makohwa gohwa reminda, munofanira kuita mutambo waJehova mazuʋa manomŋe; zuʋa rokutaŋga rinofanira kuʋa rokuzorora kwaɀo, nezuʋa rorusere rinofanira kuʋa rokuzorora kwaɀo.

⁴⁰ Pazuʋa rokutaŋga munofanira kutora micero yemiti yakanaka, namashizha emicindwe, namataʋi emiti mikobvu, nemikonacando yomurukoʋa; munofanira kufara pamberi paJehova Mŋari wenyu mazuʋa manomŋe.

⁴¹ Munofanira kuitira Jehova mutambo mazuʋa manomŋe gore rimŋe nerimŋe; uʋe mutemo usiŋgaperi kuȿikira kumarudzi enyu ose; munofanira kuuita nomŋedzi wecinomŋe.

⁴² Munofanira kugara mumatumba mazuʋa manomŋe; ʋose ʋakaɓerekerwa munyika pakati paʋaIsraeri ʋanofanira kugara mumatumba.

⁴³ Kuti marudzi enyu aziʋe, kuti ndakagarisa ʋana ʋaIsraeri mumatumba, ŋguʋa yandakaʋaɓuɗisa munyika yeEgipita; ndini Jehova Mŋari wenyu.

⁴⁴ Ipapo Mosesi wakarondedzera kuʋana ʋaIsraeri mitambo yakatarwa yaJehova.