Mupiro 18 - Baiberi Magwaro Matȿene aMŋari 1949 (Doke)

Mimŋe mirairo pamsoro peɀinhu ɀisiŋgatenderwi.

¹ Ɀino Jehova wakataura naMosesi, akati:

² Taura naʋana ʋaIsraeri, uti kwaʋari: Ndini Jehova, Mŋari wenyu.

³ Regai kuita seɀakaŋga ɀiciitwa panyika yeEgipita mamakaŋga mugere, ʋuye regai kuita seɀinoitwa panyika yeKanani, kwandicazokuisai; musafamba netsika dzaʋo.

⁴ Itai ɀandakatoŋga ini, ceŋgetai ɀireʋo ɀaŋgu, kuti mufambe maɀiri; ndini Jehova, Mŋari wenyu.

⁵ Naiɀoɀo ceŋgetai ɀireʋo ɀaŋgu, neɀandakatoŋga; kana munhu akaɀiita ucararama naɀo; ndini Jehova.

⁶ Ŋgakurege kuʋa nomunhu unosweɗera kuhama yake yomumba, kuti amufukure, ndini Jehova.

⁷ Usafukura ɓaɓa ʋako, namai ʋako; ndimai ʋako, usaʋafukura.

⁸ Usafukura mukadzi waɓaɓa ʋako; ndiko kufukura ɓaɓa ʋako.

⁹ Usafukura hanɀadzi yako, mŋanasikana waɓaɓa ʋako, kana mŋanasikana wamai ʋako, kana ʋakaɓerekerwa mumusha, kana ʋakaɓerekerwa kumŋe.

¹⁰ Usafukura mŋanasikana womŋanakomana wako, kana mŋanasikana womŋanasikana wako; nokuti kufukurwa kwaʋo ndiko kwako.

¹¹ Usafukura mŋanasikana womukadzi waɓaɓa ʋako, wakaɓerekwa naɓaɓa ʋako, ihanɀadzi yako.

¹² Usafukura ʋatete ʋako; ihama yomumba maɓaɓa ʋako.

¹³ Usafukura mainini ʋako, nokuti ihama yomumba mamai ʋako.

¹⁴ Usafukura ɓaɓamunini ʋako, usasweɗera kumukadzi wake, ndimainini ʋako.

¹⁵ Usafukura mukadzi womŋanakomana wako, ndimukadzi womŋanakomana wako; usamufukura.

¹⁶ Usafukura mukadzi womunuŋuna wako, ndiko kufukurwa kwomŋanakomana wako.

¹⁷ Usafukura mukadzi pamŋe cete nomŋanasikana wake; usatora mŋanasikana womŋanakomana wake, kana mŋanasikana womŋanasikana wake, kuti umufukure; ihama dzomumba; ɀakashata.

¹⁸ Usatora mukadzi pamŋe cete nomunuŋuna wake, arwidzane naye, kuti umufukure pamŋe cete nomumŋe aciri mupenyu.

¹⁹ Usasweɗera kumukadzi kuti umufukure, acakaipa nokuʋa kumŋedzi kwake.

²⁰ Usaʋata nomukadzi wowokwako, kuti uɀiȿiɓise naye.

²¹ Usapa mumŋe waʋana ʋako kuti apinde mumŋoto kunaMoreki, ʋuye usamhura zita raMŋari wako; ndini Jehova.

²² Usaʋata nomurume seɀinoʋatwa nomukadzi; ɀinonyaŋgadza.

²³ Usaʋata necipfuʋo cipi necipi kuti uɀiȿiɓise naco; nomukadzi ŋgaarege kumira pamberi pecipfuwo kuti akwirwe naco; ɀinonyaŋgadza kwaɀo.

²⁴ Regai kuɀiȿiɓisa kunecinhu cimŋe caiɀoɀi; nokuti ʋahedeni ʋakaȿiɓiswa neɀinhu iɀi ɀose, iʋo ʋandakadziŋga pamberi penyu;

²⁵ nenyika yakaȿiɓiswa; naiɀoɀo ndinoiroʋa pamsoro peɀakaipa ɀayo, nyika irutse ʋanhu ʋagere’mo.

²⁶ Naiɀoɀo imi ceŋgetai mitemo yaŋgu neɀandakatoŋga, kuti murege kuita cinhu cimŋe caiɀoɀo ɀinonyaŋgadza; kana ari wakaɓerekerwa munyika yenyu, kana ari mutorwa ugere pakati penyu.

²⁷ (Nokuti ʋanhu ʋenyika ino, ʋakakutaŋgirai, ʋakaita ɀinhu iɀi ɀose ɀinonyaŋgadza, nyika ikaȿiɓiswa;)

²⁸ kuti nyika irege kukurutsai ʋo, kana muciiȿiɓisa, seɀayakarutsa ʋanhu ʋakakutaŋgirai.

²⁹ Nokuti aninani unoita cinhu cimŋe caiɀoɀi ɀinonyaŋgadza, ʋanhu ʋanoɀiita ʋacabviswa pakati porudzi rwaʋo.

³⁰ Naiɀoɀo ceŋgetai ɀandakakurairai, kuti murege kuita tsika idzo dzose dzinonyaŋgadza, dzaiitwa musati maʋa’po, kuti murege kuɀiȿiɓisa naɀo; ndini Jehova Mŋari wenyu.