Mupiro 17 - Baiberi Magwaro Matȿene aMŋari 1949 (Doke)

Kwaʋanofanira kuɓayira.

¹ Ɀino Jehova wakataura naMosesi, akati:

² Taura naAroni naʋanakomana ʋake naʋana ʋaIsraeri ʋose, uti kwaʋari: Ndiro shoko rakarairwa naJehova:

³ Munhu upi noupi kunaʋeimba yaIsraeri unoʋuraya nzombe, kana gwaiana, kana mbudzi, mukati memisasa, kana unoɀiʋuraya kunze kwemisasa,

⁴ asina‐kuɀiisa pamukoʋa wetente rokusoŋgana, kuɀiisa pamberi petabernakeri yaJehova kuti ciʋe cipo kunaJehova, munhu uyu unofanira kubviswa pakati porudzi rwake;

⁵ kuti ʋana ʋaIsraeri ʋaʋuye neɀiɓayiro ɀaʋo ɀaʋanoɓayira kusaŋgo, ʋaʋuye naɀo kunaJehova kumukoʋa wetente rokusoŋgana kumuprista, kuti ʋaɀiɓayire Jehova, ɀiʋe ɀiɓayiro ɀeɀipiriso ɀokuyananisira.

⁶ Ɀino muprista ŋgaasase ropa raɀo paartari yaJehova, pamukoʋa wetente rokusoŋgana; apise ʋo mafuta, kuti ɀinhuwire ɀakanaka pamberi paJehova.

⁷ Haʋafaniri kuzoɓayira nhoŋgo ɀiɓayiro ɀaʋo, idzo dzaʋaiteʋera pakupata kwaʋo. Uyo unofanira kuʋa murairo usiŋgaperi kwaʋari kuȿikira kumarudzi aʋo ose.

⁸ Iwe unofanira kuti kwaʋari: Munhu upi noupi waʋeimba yaIsraeri, kana waʋatorwa ʋagere pakati paʋo, unopisira cipiriso cinopiswa kana cimŋe ciɓayiro,

⁹ asiŋgaʋuyi naco kumukoʋa wetente rokusoŋgana, kuti aciɓayire Jehova, munhu uyo unofanira kubviswa pakati porudzi rwake.

Ropa harifaniri kudyiwa.

¹⁰ Munhu upi noupi waʋeimba yaIsraeri, kana waʋatorwa ʋagere pakati paʋo, unodya ropa ripi neripi, ndicatoŋga munhu uyo unodya ropa, ndimubvise pakati porudzi rwake.

¹¹ Nokuti ʋupenyu bgenyama bguri muropa; ndakakupai iro paartari, kuti riyananisire mŋeya yenyu; nokuti iropa rinoyananisira nokuɗa kwoʋupenyu bguri’mo.

¹² Naiɀoɀo ndakati kuʋana ʋaIsraeri: Kurege kuʋa nomumŋe wenyu ucadya ropa, kana mutorwa upi noupi ugere pakati penyu, ŋgaarege kudya ropa.

¹³ Munhu upi noupi kuʋana ʋaIsraeri, kana kuʋatorwa ʋagere pakati paʋo, wakaɓata pakuvima kwake mhuka ipi neipi kana shiri inodyiwa, unofanira kuɗurura ropa rayo, ndokurifukidza neguruʋa.

¹⁴ Nokuti kana bguri ʋupenyu bgenyama yose, ropa raɀo ndibgo ʋupenyu bgaɀo, naiɀoɀo ndakati kuʋana ʋaIsraeri: Regai kudya ropa raɀo; aninani unoridya unofanira kubviswa.

¹⁵ Munhu upi noupi unodya cinhu cakaŋgofa coga, kana cakaʋurawa neɀikara, kana ari munhu wakaɓerekerwa pakati penyu, kana ari mutorwa, unofanira kusuka ŋguʋo dzake, nokuɀishambidza nemvura, aʋe usina‐kunaka kuȿikira maɗeko; ipapo ucazoʋa wakanaka.

¹⁶ Asi kana asiŋgadzisuki, kana kushambidza muʋiri wake, ucafanira kuʋa nemhoȿa yake.