Mupiro 12 - Baiberi Magwaro Matȿene aMŋari 1949 (Doke)

Mirairo yokunatswa kwaʋakadzi.

¹ Ɀino Jehova wakataura naMosesi, akati:

² Taura naʋana ʋaIsraeri, uti: Kana mukadzi akaʋa nemimba, akapona mŋanakomana, ucaʋa usina‐kunaka mazuʋa manomŋe, ucaʋa usina‐kunaka sapaŋguʋa yaari kumŋedzi.

³ Nomusi worusere mŋanakomana unofanira kudziŋgiswa cikanda cake capamberi.

⁴ Ɀino mukadzi unofanira kugara mazuʋa makumi matatu namatatu aciɀinatsa paropa rake; ŋgaarege kuɓata cinhu citȿene, kana kupinda paimba tȿene, kuȿikira mazuʋa okuɀinatsa kwake apera.

⁵ Asi kana akapona mŋana womusikana, ucaʋa usina‐kunaka viki mbiri, sapamazuʋa okuʋa kwake kumŋedzi; ŋgaagare aciɀinatsa paropa rake mazuʋa anamakumi matanhatu namatanhatu.

⁶ Kana mazuʋa okuɀinatsa kwake apera pakupona mŋanakomana kana mŋanasikana, ŋgaaʋuye negwaiana regore rimŋe, kuti ciʋe cipiriso cinopiswa, nakana kenjiʋa, kana vukutiʋa, kuti ciʋe cipiriso ceɀiʋi, kumukoʋa wetente rokusoŋgana kumuprista;

⁷ agociɓayira pamberi paJehova, kumuyananisira; ɀino wanatswa pakuyerera kweropa rake. Ndiwo murairo kunounopona mŋana womukomana kana womusikana.

⁸ Kana akasakwanisa kuʋuya negwaiana, ŋgaatore njiʋa mbiri kana twana tuʋiri twenjiʋa; imŋe ciʋe cipiriso cinopiswa, neimŋe cipiriso ceɀiʋi; kuti muprista amuyananisire, anake.