Mupiro 10 - Baiberi Magwaro Matȿene aMŋari 1949 (Doke)

Nadabi naAbihu ʋanoʋurawa naJehoʋa.

¹ Ɀino Nadabi naAbihu, ʋanakomana ʋaAroni, ʋakatora mumŋe nomumŋe haryana yake yeɀinonhuwira, ʋakaisa’mo mŋoto, ndokuisa ɀinonhuwira pamsoro pawo, ʋakaʋuya pamberi paJehova nomŋoto usina‐kutenderwa waasina‐kuraira.

² Ipapo mŋoto wakaɓuɗa pamberi paJehova, ukaʋaʋuraya, ʋakafa pamberi paJehova.

³ Ɀino Mosesi akati kunaAroni: Jehova wakataura cinhu ici, akati: Ndicaɀiratidza kuti ndiri mutȿene munaʋose ʋanosweɗera kwandiri, ndicaɀirumbidza pamberi paʋanhu ʋose. Aroni akanyarara.

⁴ Ipapo Mosesi akaɗana Mishaeri naErzafani, ʋanakomana ʋaUzieri, ɓaɓamunini ʋaAroni, akati kwaʋari: Sweɗerai, mubvise hama dzenyu pamberi penɀimbo tȿene, muʋatakurire kunze kwemisasa.

⁵ Ipapo ʋakasweɗera, ʋakaʋatakurira kunze kwemisasa ʋanamajasi aʋo, seɀakaŋga ɀataurwa naMosesi.

⁶ Ɀino Mosesi akati kunaAroni nokunaEreazari nokunaItamari, ʋanakomana ʋake: Musasunuŋgura vudzi remisoro yenyu, kana kubvarura ŋguʋo dzenyu, kuti murege kufa, naiye arege kutsamŋira ʋuŋgano yose; asi hama dzenyu, ʋeimba yose yaIsraeri, iʋo ŋgaʋaceme kupisa kwakatuŋgidzwa naJehova.

⁷ Musaɓuɗa pamukoʋa wetente rokusoŋgana, kuti murege kufa, nokuti mafuta okuzodza aJehova ari pamsoro penyu. Ʋakaita seɀaʋakaʋudzwa naMosesi.

Kudya nokunwa kwaʋaprista.

⁸ Ɀino Jehova wakataura naAroni, akati:

⁹ Usanwa waini kana cinhu cinoɓata, iwe naʋanakomana ʋako pamŋe cete newe, kana mucipinda mutente rokusoŋgana, kuti murege kufa; uʋe murairo usiŋgaperi kuȿikira kumarudzi enyu ose.

¹⁰ Munofanira kutsaura pakati peɀitȿene neɀisati ɀiri ɀitȿene, pakati peɀisina‐kunaka neɀakanaka;

¹¹ munofanira kudzidzisa ʋana ʋaIsraeri mirairo yose yakarairwa naJehova nomuromo waMosesi.

¹² Ɀino Mosesi wakataura naAroni naEreazari naItamari, ʋanakomana ʋake ʋakaŋga ʋasara, akati: Torai cipiriso coʋupfu cakasara paɀipiriso ɀakapisirwa Jehova nomŋoto, muɀidyire kurutiʋi rweartari ɀisinembiriso, nokuti ɀitȿene kwaɀo;

¹³ munofanira kuɀidyira panɀimbo tȿene, nokuti ndiwo mugoʋe wako nomugoʋe waʋanakomana ʋako paɀipiriso ɀaJehova ɀinoitwa nomŋoto, nokuti ndiɀo ɀandakarairwa.

¹⁴ Munofanira kudyira panɀimbo tȿene cityu cinozuŋguzirwa neɓandauko rinosimudzwa, iwe naʋanakomana ʋako naʋanasikana ʋako pamŋe cete newe, nokuti makaɀipiwa, kuti uʋe mugoʋe wako, nomugoʋe waʋanakomana ʋako paɀiɓayiro ɀeɀipiriso ɀokuyananisa ɀaʋana ʋaIsraeri.

¹⁵ Ʋanofanira kuʋuya neɓandauko rinosimudzwa; necityu cinozuŋguzirwa, pamŋe cete neɀipiriso ɀamafuta ɀinopiswa nomŋoto, kuti ʋaɀizuŋguzire, ciʋe cipiriso cinozuŋguzirwa pamberi paJehova; cinofanira kuʋa cako necaʋanakomana ʋako, pamŋe cete newe; unofanira kuʋa murairo usiŋgaperi, seɀakarairwa naJehova.

¹⁶ Ɀino Mosesi wakanatso‐tȿaka mbudzi yecipiriso ceɀiʋi, akawana kuti yapiswa, akatsamŋira Ereazari naItamari, ʋanakomana ʋaAroni ʋakaŋga ʋasara, akati:

¹⁷ Makaregerei kudyira cipiriso ceɀiʋi panɀimbo tȿene, ɀaciri citȿene kwaɀo, ʋuye nokuti wakakupai ico, kuti mubvise kutadza kweʋuŋgano, muʋayananisire pamberi paJehova?

¹⁸ Tarirai, ropa rayo harina‐kuʋuyiswa mukati menɀimbo tȿene, seɀandakaraira.

¹⁹ Ipapo Aroni akati kunaMosesi: Tarira, ʋakapisa nhasi cipiriso caʋo ceɀiʋi, necipiriso caʋo cinopiswa pamberi paJehova, ini ndikawirwa neɀinhu iɀi ɀakaɗai; ɀino ɗai ndakadya cipiriso ceɀiʋi nhasi, ɀiŋgaɗai ɀaifadza Jehova here?

²⁰ Mosesi wakati acinzwa iɀoɀo, akatenda naɀo.