Mika 3 - Baiberi Magwaro Matȿene aMŋari 1949 (Doke)

Ʋatuŋgamiriri ʋaʋanhu ʋanotukwa naJehova.

¹ Ini ndakati: Cinzwai henyu, imi ʋakuru ʋaJakobo, naʋaɓati ʋeimba yaIsraeri: Ko hamuzaifanira kuziʋa kururamisira ʋanhu here?

² Iyemi, munoʋeŋga ɀakanaka, muciɗa ɀakaipa, munoviya ʋanhu ganda raʋo, mucibvambura nyama yaʋo pamafupa aʋo;

³ imi, munodya ʋo nyama yaʋanhu ʋaŋgu, muciȿuʋura ganda raʋo, munovuna mafupa aʋo, muciaguranya, seɀinoiswa muhari, senyama iri mugate.

⁴ Ipapo ʋacaɗana kunaJehova, asi haaŋgaʋapinduri; ɀirokwaɀo ucaʋaʋanzira ciso cake neŋguʋa iyo, nokuɗa kweɀakaipa ɀaʋakaita pamaɓasa aʋo.

⁵ Ɀanzi naJehova pamsoro paʋaprofita, ʋakatsausa ʋanhu ʋaŋgu, ʋanoruma nameno aʋo, ʋaciɗana ʋaciti: Rugare! asi usiŋgaisi cinhu mumiromo yaʋo, ʋanomumukira hondo.

⁶ Naiɀoɀo mucaȿikirwa noʋusiku, kuti murege kuʋa necamunoʋona; mucaʋa nerima, kuti murege kuʋuka; zuʋa ricaʋirira ʋaprofita, ciedza camasikati cicaʋaȿiɓira.

⁷ Ʋaʋoni ʋacanyadziswa, naʋaʋuki ʋacakaŋganiswa; ɀirokwaɀo, ʋose ʋacafumbira ndebvu dzaʋo, nokuti hakunemhinduro inobva kunaMŋari.

⁸ Asi kana ndiri’ni, ndizere nesimba pamŋe cete noMŋeya waJehova, nokutoŋga nokutsuŋga, kuti ndiparidzire Jakobo kuɗarika kwaʋo, ʋuye Israeri ɀiʋi ɀaʋo.

⁹ Cinzwai henyu cinhu ici, imi ʋakuru ʋeimba yaJakobo, naʋaɓati ʋeimba yaIsraeri, iyemi, munosema kururamisa, nokuminamisa ɀose ɀakarurama.

¹⁰ Munoʋaka Zioni neropa, ʋuye Jerusarema neɀakaipa.

¹¹ Ʋakuru ʋaro ʋanotamba mhaka kuti ʋapiwe ɀipo, ʋaprista ʋaro ʋanodzidzisa kuti ʋapiwe muɓairo, ʋaprofita ʋaro ʋanoʋuka kuti ʋapiwe mari; kunyaŋge ɀakaɗaro ʋanosendamira kunaJehova, ʋaciti: Ko Jehova haazi pakati peɗu here? Hatiŋgawirwi neɀakaipa.

¹² Naiɀoɀo Zioni ricarimŋa somunda nemhaka yenyu, Jerusarema ricaitwa mirwi yamabge, ʋuye gomo reimba yaJehova senɀimbo dzakakwirira dzokuɗondo.