Mariko 7 - Baiberi Magwaro Matȿene aMŋari 1949 (Doke)

Jesu unotuka ʋaFarise naʋanyori pamsoro petsika dzaʋo.

¹ Ɀino ʋaFarise naʋamŋe ʋaʋanyori ʋaibva Jerusarema, ʋakaʋuŋganira kwaari;

² ʋakaʋona ʋamŋe ʋaʋadzidzi ʋake ʋacidya namaʋoko anetȿina, ndokuti asina‐kushambga.

³ Nokuti ʋaFarise, naʋaJuda ʋose haʋadyi ʋasinakumboshamba maʋoko kwaɀo, ʋaciceŋgeta tsika dzaʋakuru.

⁴ Kana ʋacidya paɗare haʋaŋgadyi ʋasinakumboshamba; neɀimŋe ɀizhinji ɀiri’po ɀaʋakaŋga ʋagamucira, kuti ʋaɀiceŋgete, ɀinoti: Kusuka mikombe, nehari, nemidziyo yendarira.

⁵ Ipapo ʋaFarise naʋanyori ʋakamubvunza, ʋaciti: Ʋadzidzi ʋenyu ʋanoregereiko kufamba netsika dzaʋakuru, ɀaʋanodya ciŋgwa namaʋoko anetȿina?

⁶ Akati kwaʋari: Isaya wakaprofita kwaɀo pamsoro penyu, imi ʋanyeŋgeri, seɀaɀakanyorwa, ɀicinzi: Ʋanhu aʋa ʋanondikudza nemiromo yaʋo, Asi mŋoyo yaʋo iri kure neni.

⁷ Asi ʋanondinamata pasina, Ʋacidzidzisa dzidziso, iri mirairo yaʋanhu.

⁸ Munosiya mirairo yaMŋari, muciceŋgeta tsika dzaʋanhu.

⁹ Akati kwaʋari: Ɀirokwaɀo, munoramba murairo waMŋari, kuti muceŋgete tsika dzenyu;

¹⁰ nokuti Mosesi wakati: Kudza ɓaɓa ʋako namai ʋako, ʋuye, unotuka ɓaɓa namai, ŋgaafe norufu.

¹¹ Asi imi munoti: Kana munhu aciti kunaɓaɓa ʋake kana mai ʋake: Cinhu cipi necipi camaiti munoɓatsirwa naco kwandiri caʋa Korbani, ndokuti caʋa cipo kunaMŋari,

¹² hamucamutenderi kuitira ɓaɓa ʋake namai ʋake cinhu,

¹³ mucitorera shoko raMŋari simba netsika dzenyu dzamakaceŋgeta, neɀinhu ɀizhinji ɀakaɗaro munoɀiita.

¹⁴ Akaɗanira ɀe kwaari ʋanhu ʋazhinji akati kwaʋari: Nditererei mose, munzwisise!

¹⁵ Hapanecinhu kunze kwomunhu ciŋgamuȿiɓisa, kana cicipinda maari; asi ɀinoɓuɗa maari, ndiɀo ɀinoȿiɓisa munhu. [

¹⁶ Kana munhu anenzeʋe dzokunzwa, ngaanzwe.]

¹⁷ Ɀino wakati abva kuʋanhu ʋazhinji, apinda mumba, ʋadzidzi ʋake ʋakamubvunza ɀomufananidzo uyo.

¹⁸ Akati kwaʋari: Nemi ʋo hamunzwisisi saiɀoɀo here? Hamunzwisisi here kuti ɀose ɀiri kunze, kana ɀicipinda mumunhu, haɀigoni kumuȿiɓisa?

¹⁹ Nokuti haɀipindi mumŋoyo make asi muɗumbu, ɀicirashwa kunze; nokutaura kwakaɗaro wakanatsa ɀokudya ɀose.

²⁰ Ipapo akati: Ɀinoɓuɗa mumunhu ndiɀo ɀinoȿiɓisa munhu.

²¹ Nokuti mukati, mumŋoyo yaʋanhu munoɓuɗa mifuŋgo yakaipa, noʋupombge, nokuɓa, nokuʋuraya,

²² noʋufeʋe, noruciʋa, nokuipa, nokunyeŋgera, noʋutere, neziso rinegoɗo, nokutuka, namanyawi, noʋupenzi;

²³ ɀakaipa iɀoɀo ɀose ɀinobva mukati, ɀinoȿiɓisa munhu.

Jesu unoporesa mŋanasikana womukadɀi weSirofenike.

²⁴ Wakasimuka ipapo, akaenda kunyika yeTire neSidoni; akapinda mumba, asiŋgaɗi kuzikanwa nomunhu; akakoniwa kuɀiʋanza.

²⁵ Nokuti mumŋe mukadzi, waiʋa nomŋanasikana muɗuku, wakaŋga anomŋeya wetȿina, wakati acimunzwa, akaʋuya akaɀiwisira pasi petsoka dzake.

²⁶ Ɀino iye mukadzi waiʋa muGiriki, worudzi rwaʋeSirofenike; akaramba acikumbira kwaari kuti aɓuɗise mŋeya wakaipa pamŋanasikana wake.

²⁷ Akati kwaari: Ʋana ŋgaʋataŋge kuguta, nokuti haɀina‐kunaka kutora ciŋgwa caʋana, ndokucikandira imbganana.

²⁸ Akapindura, akati kwaari: Hoŋo, Ishe, kunyaŋge nembganana ʋo dzinodya pasi petafura ɀimeɗu ɀaʋana.

²⁹ Akati kwaari: Nokuɗa kweshoko iro, enda; mŋeya wakaipa wabva pamŋanasikana wako.

³⁰ Akaenda kumba kwake, akawana mŋana aʋete pamubeda, mŋeya wakaipa wabva.

Jesu unoporesa munhu wematsi panyika yeDekapori.

³¹ Ɀino wakati acibva ɀe munyika yeTire, akaenda napakati peSidoni kuguŋgwa reGarirea, napakati penyika yeDekapori.

³² Ʋakaisa kwaari munhu wematsi, waikakamira, ʋakakumbira ɀikuru kuti aise ruʋoko rwake pamsoro pake.

³³ Akamubvisa pakati paʋanhu ʋazhinji, ndokuenda naye parutiʋi, akapinza munwe munzeʋe dzake, akapfira mate, ndokuɓata rurimi rwake.

³⁴ Ipapo akatarira kuɗeŋga, akagomera, akati kwaari: Efata, ndokuti: Dziʋuka.

³⁵ Pakarepo nzeʋe dzake dzakadziʋuka, cisuŋgo corurimi rwake cikasunuŋguka, akataura ɀakanaka.

³⁶ Ɀino wakaʋaraira, kuti ʋarege kuʋudza ʋanhu; asi iye acinyanya kuʋaraira, iʋo ʋakanyanyisa kuparidza iɀoɀo.

³⁷ Ʋakashamiswa ɀikuru‐kuru, ʋaciti: Wakaita ɀose ɀakanaka; wakaita matsi kuti dzinzwe, nembeʋeʋe kuti dzitaure.