Mabasa 6 - Baiberi Magwaro Matȿene aMŋari 1949 (Doke)

Ʋanosanaŋgura ʋarume ʋanomŋe kuceŋgeta cirikadzi.

¹ Ɀino namazuʋa iwayo, ʋadzidzi ʋaciwanda, ʋaJuda, ʋaitaura ciGiriki, ʋakanyunyutira ʋaHeberu, nokuti cirikadzi dzaʋo dzaiɗarikwa pakugoʋerwa kwomusi mumŋe nomumŋe.

² Ɀino ʋanegumi naʋaʋiri ʋakaɗana ʋadzidzi ʋazhinji, ʋakati: Hakuzakafanira kuti isu tirege shoko raMŋari, tishumire pamatafura.

³ Ɀino hama dzaŋgu, sanaŋgurai pakati penyu ʋarume ʋanomŋe, ʋanopupurirwa ɀakanaka, ʋazere noMŋeya noʋucenjeri, ʋatiŋgaisa paɓasa iri.

⁴ Asi isu ticatsuŋgirira pakunyeŋgetera napaɓasa reshoko.

⁵ Shoko iri rikafadza ʋazhinji ʋose, ʋakasanaŋgura Stefano, murume wakaŋga azere nokutenda noMŋeya Mutȿene, naFiripo, naProkoro, naNikanori, naTimoni, naParmenasi, naNikorasi, muproserite weAntiokia.

⁶ Ʋakaʋaisa pamberi paʋaapostora; ʋakanyeŋgetera, ʋakaisa maʋoko pamsoro paʋo.

⁷ Shoko raMŋari rikakura, ʋadzidzi ʋakawanda ɀikuru paJerusarema; naʋaprista ʋazhinji ʋakagamucira kutenda.

Stefano unoʋurawa.

⁸ Ɀino Stefano, azere nenyasha nesimba, akaita ɀinoshamisa neɀiratidzo ɀikuru pakati paʋanhu.

⁹ Ipapo ʋamŋe ʋaʋo, ʋaiʋa ʋesinagoge rainzi raʋasunuŋguki, naʋaKureni, naʋaAreksandria, naʋeKirikia, naʋeAsia, ʋakasimuka ʋakaita nharo naStefano.

¹⁰ Asi ʋakaŋga ʋasiŋgagoni kukunda kucenjera kwake, noMŋeya waaitaura naye.

¹¹ Ipapo ʋakamutsa ʋarume, ʋaiti: Takamunzwa acitaura mashoko anomhura Mosesi naMŋari.

¹² Ʋakakurudzira ʋanhu, naʋakuru, naʋanyori; ʋakamuwira, ʋakamuɓata, ʋakamuisa kumakurukota,

¹³ ʋakaisa’po ɀapupu ɀenhema, ɀaiti: Munhu uyu haaregi kutaura mashoko anomhura imba iyi tȿene nomurairo.

¹⁴ Nokuti takamunzwa aciti: Uyu Jesu weNazareta ucaparadza nɀimbo iyi nokushandura tsika dzatakapiwa naMosesi.

¹⁵ Ɀino ʋose ʋakaŋga ʋagere pamakurukota, ʋakamutarisisa, ʋakaʋona ciso cake cakaita seciso comutumŋa.