Mabasa 27 - Baiberi Magwaro Matȿene aMŋari 1949 (Doke)

Pauro unoenda Roma.

¹ Ɀino kwakati kwatemŋa kuti tiende Itaria necikepe, ʋakaisa Pauro naʋamŋe ʋasuŋgwa kumukuru wezana, wainzi Jurio, wehondo yaAugusto.

² Ɀino takati tapinda mucikepe ceAdramiteni, cakaŋga coenda napamisha yemhenderekedzo dzeAsia, tikabva tinaAristarko muMakedonia, waibva Tesaronika.

³ Fume maŋgwana tikaȿika Sidoni, Jurio akaitira Pauro ɀakanaka, akamutendera kuti aende kushamŋari dzake, aceŋgetwe naʋo.

⁴ Tikabva ipapo, tikapfuʋura nenyasi kweKupro, nokuti mhepo yakatidziʋisa.

⁵ Ɀino tikayambuka guŋgwa reKirikia nePamfiria, tikaȿika Mira, musha weRikia.

⁶ Mukuru wezana akawana’po cikepe ceAreksandria, caienda Itaria, ndokutipinza’mo.

⁷ Ɀino takanatsofamba mazuʋa mazhinji, tikaȿika pakatarisana neKinido ticitambudzika, mhepo ɀayakaŋga isiŋgatitenderi kufamba, tikapfuʋura nenyasi kweKrita, pakatarisana neSarmoni.

⁸ Tikapfuʋura napo ticitambudzika, ndokuȿika pamŋe painzi Zororo Rakanaka, pedyo neguta reRasea.

⁹ Ɀino ŋguʋa huru yakati yapfuʋura, nokufamba neguŋgwa kwaʋa nenjodzi, nokuti ŋguʋa yokuɀinyima ɀokudya yakaŋga yatopfuʋura, Pauro akaʋaraira,

¹⁰ akati kwaʋari: Ʋarume, ndinoʋona kuti rwendo rweɗu rucaʋa nokutambudzika nokurashikirwa kukuru, ɀisani ɀiri ɀomutoro necikepe ɓedzi, asi nokwoʋupenyu bgeɗu ʋo.

¹¹ Asi mukuru wezana wakaterera mufambisi wecikepe, nomŋene waco, kupfuʋura ɀakarebga naPauro,

¹² nokuti zororo ɀarakaŋga risina‐kunaka kuti ʋagare’po cando, ʋamŋe ʋazhinji ʋakati ɀirinani kuti ʋabve’po, kuti ɀimŋe ʋaŋgaȿika Fenika ʋagare’po cando; ndiro zororo reKrita, rakaŋga rakatarira mabvazuʋa kumsoro nezasi.

¹³ Ɀino mhepo yezasi yakati icirira ɀishoma, ʋakati tawana ɀatakaŋga ticiʋiŋga, ʋakabva’po, ʋakafamba pedyo neKrita.

¹⁴ Ɀino gare‐gare mhepo inesimba, yainzi Yurakuro, ikaɓuruka icibva kwairi, ikatiwira.

¹⁵ Ɀino cikepe cakati ciciɓatwa, tisiŋgagoni kufamba takatarira mhepo, tikacirega, tikaramba ticiŋgotorwa.

¹⁶ Ɀino tikafamba nyasi kwecimŋe ciwi ciɗuku, cainzi Krauda, tikaŋga tokoniwa kusuŋga igwa.

¹⁷ Ʋakati ʋarisimudza, ʋakatora ɀiɓatsiro, ʋakasuŋga cikepe nenyasi; ɀino ɀaʋakatya kuti ʋacakandirwa pajeca reSirtisi, ʋakaɗeredza maseiri, ndokuŋgotorwa

¹⁸ Fume maŋgwana, ɀatakatambura kwaɀo neɗutu remhepo, ʋakakandira nhumbi kunze;

¹⁹ nezuʋa retatu, ʋakakandira ɀinhu ɀecikepe kunze namaʋoko aʋo.

²⁰ Ɀino ɀatakaŋga tisina‐kuɓuɗirwa nezuʋa kana nyeredzi mazuʋa mazhinji, neɗutu guru remhepo ricirambira riri’po, takatorerwa kutarira kwose kwokuti ticaponeswa.

²¹ Ɀino ʋakati ʋagara ŋguʋa refu ʋasiŋgadyi, Pauro akamira pakati paʋo, akati: Ʋarume, maifanira kunditerera, mukasabva Krita, mukasawirwa nokutambudzika nokurashikirwa uku.

²² Asi ɀino ndinokurairai kuti mutsuŋge mŋoyo; nokuti hakunauŋgarashikirwa noʋupenyu bgake pakati penyu, asi cikepe ɓedzi.

²³ Nokuti ʋusiku bguno mutumŋa waMŋari, wandiri wake, nowandinoshumira ʋo, wakamira neni,

²⁴ akati: Pauro, usatya; unofanira kumira pamberi paKesari; tarira, Mŋari wakakupa ʋose ʋanofamba newe mucikepe.

²⁵ Naiɀoɀo, ʋarume, tsuŋgai mŋoyo, nokuti ndinotenda Mŋari, kuti ɀicaitika seɀandakaʋudzwa.

²⁶ Asi tinofanira kukandirwa panecimŋe ciwi.

²⁷ Ɀino ʋusiku bgegumi noʋunna bgakati bgaȿika, ticaŋgotorwa‐torwa muguŋgwa reAdria, pakati poʋusiku ʋafambisi ʋecikepe ʋakati ʋosweɗera kuneimŋe nyika.

²⁸ Ʋakayera kudzika kwemʋura, ʋakawana pakaita mafadomi makumi maʋiri; ʋakapfuʋura ɀishoma, ndokuyera ɀe, ʋakawana pakaita mafadomi anegumi namashanu.

²⁹ Ɀino ʋakatya kuti ɀimŋe ticawira pamabge, ʋakakanda ɀimiso ɀinna neshure kwecikepe, ʋakacema ʋaciti kuedze.

³⁰ Ɀino ʋafambisi ʋakati ʋaciɗa kutiza mucikepe, ʋakaɓurusira igwa muguŋgwa, ʋaciita saʋaneŋge ʋokanda ɀimiso kumuromo waco.

³¹ Pauro akati kumukuru wezana naʋarwi: Hamuŋgararami kana aʋa ʋasiŋgagari mucikepe.

³² Ipapo ʋarwi ʋakagura maɓote egwa, ʋakarirega, rikawa.

³³ Ɀino kwakati kwoedza, Pauro akakumbira ɀikuru kwaʋari ʋose kuti ʋadye, aciti: Nhasi raʋa zuʋa regumi nerecinna, ramakagara muciɀinyima kudya, musiŋgadyi cinhu.

³⁴ Saka ndinokumbira ɀikuru kuti mudye, nokuti ndiɀo ɀicakuponesai; nokuti hakunoruvudzi rumŋe rucaparadzwa pamusoro womumŋe wenyu.

³⁵ Wakati areʋa iɀoɀo, akatora ciŋgwa, akaʋoŋga Mŋari pamberi paʋo ʋose, akacimeɗura, ndokutaŋga kudya iye.

³⁶ Ipapo ʋakatsuŋga mŋoyo ʋose, ʋakadya ʋo ʋamene.

³⁷ Isu tose taiʋa mucikepe, taiʋa mazana maʋiri namakumi manomŋe naʋatanhatu

³⁸ Ɀino ʋakati ʋaguta, ʋakarerusa cikepe, ʋacikandira ɀiyo muguŋgwa.

³⁹ Kwakati kwoedza, ʋakasaziʋa nyika; asi ʋakaʋona zororo raiʋa nejeca, ʋakaraŋgana kana ɀaibvira kuitika, kuti ʋaise cikepe pariri.

⁴⁰ Ipapo ʋakagura ɀimiso, ʋakaɀisiya muguŋgwa, ʋakasunuŋgura ɀisuŋgo ɀaisuŋga ɀokudzoresa naɀo, ʋakasimudzira seiri rapamberi kumhepo, ʋakaruramira kumhenderekedzo.

⁴¹ Ɀino ʋakati ʋaciȿika paiɗira makuŋgwa maʋiri, ʋakagumirisa cikepe pasi; muromo waco ukaɓatwa kwaɀo usiŋgazunuŋguki, asi rutiʋi rwaco rweshure rukavunika nesimba remʋura.

⁴² Ɀino ʋarwi ʋakati ɀirinani kuti ʋasuŋgwa ʋaʋurawe, kuti ʋamŋe ʋarege kutiza ʋacishambira.

⁴³ Asi mukuru wezana wakaɗa kuponesa Pauro, akaʋadziʋisa ɀaʋakaŋga ʋaciɗa kuita; akaraira kuti ʋanogona kushambira, ʋataŋge kuɀiwisira mumʋura, ʋaɓuɗe kunyika;

⁴⁴ ʋamŋe, ʋasara, ʋaɓuɗe ʋamŋe pamatanda, ʋamŋe paneɀimŋe ɀinhu ɀecikepe. Naiɀoɀo ɀakaitika kuti ʋose ʋakaȿika kunyika ʋari ʋapenyu.