Mabasa 26 - Baiberi Magwaro Matȿene aMŋari 1949 (Doke)

¹ Ɀino Agripa akati kunaPauro: Unotenderwa kuɀiɗaʋirira. Ipapo Pauro akatambanudza ruʋoko rwake, akaɀiɗaʋirira, aciti:

² Mambo Agripa, ndinoɀikorokotedza, ɀandiŋgaɀiɗaʋirira nhasi pamberi penyu pamsoro peɀose ɀandinokwirirwa naɀo naʋaJuda;

³ ɀikuru nokuti munoziʋa tsika dzose namashoko ose pakati paʋaJuda; naiɀoɀo ndinokumbira kwamuri, kuti mundinzwe nomŋoyo murefu.

⁴ ƲaJuda ʋose ʋanoziʋa mufambire waŋgu, kubva paʋuɗuku bgaŋgu, waiʋa pakati porudzi rwaŋgu napaJerusarema kubva pakutaŋga;

⁵ ʋakandiziʋa kare, kana ʋaciɗa kupupura, kuti ndaiʋa muFarise, nedzidziso yokupira kweɗu yakaiȿo‐rurama.

⁶ Naɀino ndinomira pano, kuti nditoŋgwe nokuɗa kwokutarira cipikirwa cakapikirwa madziɓaɓa eɗu naMŋari.

⁷ Marudzi eɗu anegumi namaʋiri anoshumira Mŋari ʋusiku namasikati, aciti acaȿika pacipikirwa ico. Pamsoro pokutarira uku, imi mambo, ndinokwirirwa naʋaJuda.

⁸ Munofuŋgireiko imi kuti haɀiŋgatendwi kuti Mŋari uŋgamutsa ʋakafa?

⁹ Ɀino neni nnaiti ndinofanira kuita ɀinhu ɀizhinji ɀinopesana nezita raJesu weNazareta.

¹⁰ Ndakaɀiita ʋo paJerusarema, ndikapfigira ʋatȿene ʋazhinji mutoroŋgo, ndapiwa simba naʋaprista ʋakuru; ʋuye kana ʋaiʋurawa, neni ndaibvumira ʋo.

¹¹ Nomumasinagoge ose ndaiʋatambudza, ndiciʋaroʋerera kuti ʋamhure Mŋari; ndikanyanya kuʋapeŋgera, ndikaʋatambudza kuȿikira kumaguta ari kure nenyika ino.

¹² Ndakati ndicaita iɀoɀi, ndikaenda Damasko nesimba ʋuye nomurairo waʋaprista ʋakuru,

¹³ ɀino, mambo, masikati makuru, ndiri munzira, ndikaʋona ciedza caibva kuɗeŋga, caikunda kupenya kwezuʋa, cicindipenyera kumatiʋi ose naʋandaifamba naʋo.

¹⁴ Ɀino takati tawira pasi tose, ndikanzwa inzwi riciti kwandiri norurimi rweciHeberu: Sauro! Sauro! unonditambudzireiko? Ɀinokuremera kupfura ɀiɓayiso.

¹⁵ Ndikati: Ndimi aniko, Ishe? Ishe akati: Ndini Jesu, waunotambudza.

¹⁶ Asi simuka, umire namakumbo ako; nokuti ndaɀiratidza kwauri neɀiɀi, kuti ndikuite munyai necapupu ceɀawakaʋona, neɀandicaɀiratidza naɀo kwauri;

¹⁷ ndicakurwira kuʋanhu nokuʋahedeni, ʋandinokutumira kwaʋari;

¹⁸ kuti uȿinudze meso aʋo, ʋabve murima, ʋaende kuciedza, nokubva pasimba raSatani, ʋaende kunaMŋari, kuti ʋagamucire kaŋganwiro yeɀiʋi ɀaʋo, nenhaka pakati paʋakaitwa ʋatȿene, nokutenda kwandiri.

¹⁹ Naiɀoɀo, mambo Agripa handina‐kuramba kuterera ciratidzo cokuɗeŋga;

²⁰ asi ndakataŋga kuparidza kunaʋeDamasko, nokunaʋeJerusarema, nenyika yose yeJudea, nokuʋahedeni, kuti ʋatendeʋuke, ʋariŋgire kunaMŋari, ʋaite maɓasa akafanira kutendeʋuka.

²¹ Pamsoro paiɀoɀi ʋaJuda ʋakandiɓata mutembere, ʋakaidza kundiʋuraya.

²² Asi ndakaɓatsirwa naMŋari, ndikamira kuȿikira zuʋa ranhasi, ndicipupurira ʋaɗuku naʋakuru, ndisiŋgareʋi ɀimŋe ɀinhu asi ɀakataurwa naʋaprofita naMosesi, kuti ɀicaitika;

²³ ɀokuti Kristu wakafanira kutambudzika, nokutaŋga kumuka kuʋakafa, aparidzire ʋanhu naʋahedeni ciedza.

²⁴ Ɀino wakati aciɀiɗaʋirira saiɀoɀo, Festo akati nenzwi guru: Pauro, unopeŋga; kudzidza kwako kukuru kunokupenza.

²⁵ Asi Pauro akati: Handipeŋgi, Festo wakakurumbira; asi ndinotaura mashoko amaɀokwaɗi noʋucenjeri.

²⁶ Nokuti mambo wandinotaura naye ndisiŋgatyi, ʋanoziʋa iɀoɀi, nokuti ndinoziʋa kuti hapanecinhu caiɀoɀo cakaʋanzika kwaari, nokuti cinhu ici hacina‐kuitwa pakaʋanda.

²⁷ Mambo Agripa, munotenda ʋaprofita here? Ndinoziʋa kuti munotenda.

²⁸ Agripa akati kunaPauro: Uneŋge unoɗa kundiita mukristu neŋguʋa ɗuku.

²⁹ Pauro akati: Ndinonyeŋgetera kunaMŋari kana neŋguʋa ɗuku, kana nehuru, kuti musaʋa imi moga, asi ʋose ʋanondinzwa nhasi, ʋaitwe seni, asi ʋasine ɀisuŋgo iɀi.

³⁰ Ipapo mambo akasimuka, nomuɓati, naBerinike, naʋakaŋga ʋagere naʋo;

³¹ ʋakaɓuɗa ʋakataurirana, ʋakati: Munhu uyu haaiti cinhu cakafanira rufu kana kusuŋgwa.

³² Ipapo Agripa akati kunaFesto: Munhu uyu ɗai asina‐kuɀiisa kunaKesari uŋgaɗai asunuŋgurwa.