Mabasa 24 - Baiberi Magwaro Matȿene aMŋari 1949 (Doke)

Pauro unoɀiɗaʋirira pamberi paFeriksi.

¹ Ɀino mazuʋa mashanu akati apfuʋura, Ananiasi, muprista mukuru, akaɓuruka naʋamŋe ʋakuru, nomumŋe mureʋeri, wainzi Terturo; ʋakamhaŋarira Pauro kumuɓati.

² Iye akati aɗanwa, Terturo akataŋga kumupomera mhoȿa aciti: Ɀatinoʋona rugare rukuru nemi, norudzi urwu ɀarunoruramisirwa mhoȿa nokuɓata kwenyu kwakanaka;

³ tinoɀigamucira nemitoʋo yose napanɀimbo dzose nokuʋoŋga kukuru, imi, Feriksi wakakurumbira ɀikuru.

⁴ Asi, ɀandisiŋgaɗ’i kukunonosai, ndinokumbira ɀikuru kwamuri, kuti mutinzwei neŋgoni dzenyu ɀishomanene.

⁵ Nokuti takaʋona kuti murume uyu wakashata kwaɀo, unomutsa ɓope paʋaJuda ʋose panyika dzose, ari mutuŋgamiriri weɓoka raʋaNazareni.

⁶ Iye wakaidza ʋo kushatisa tembere, tikamuɓata, [ticiɗa kumutoŋga nomurairo weɗu.

⁷ Asi Risia, mukuru wecuru camazana, ndokuʋuya, akamubvisa mumaʋoko eɗu nesimba guru,

⁸ akaraira ʋanomupomera kuti ʋaʋuye pamberi penyu.] Kana mukamubvunzisisa mumene, mucagona kuziʋa iɀoɀo ɀose ɀatakamukwirira naɀo.

⁹ NaʋaJuda ʋakabvumira ʋo pakumhaŋara, ʋakasimbisa kuti ɀinhu iɀoɀo ndiɀo.

¹⁰ Ɀino muɓati wakati amuninira, kuti ataure, Pauro akapindura, akati: Ɀandinoziʋa kuti maʋa mutoŋgi waʋanhu aʋa makore mazhinji, ndinoɀiɗaʋirira nomufaro,

¹¹ nokuti munzwe kuti mazuʋa acigere kupfuʋura gumi namaʋiri, kubvira paŋguʋa yandakakwira Jerusarema kundonamata.

¹² Haʋana‐kundiwana ndiciita nharo mutembere nomunhu, kana kumutsa ɓope mumasinagoge kana muguta;

¹³ haʋaŋgagoni ʋo kusimbisa kwamuri iɀo ɀaʋanondipomera naɀo ɀino.

¹⁴ Asi ndinotenda haŋgu kwamuri, kuti ndinoshumira Mŋari wamadziɓaɓa eɗu neNzira, yaʋanoti idzidziso yakatsauka, ndicitenda ɀose ɀomurairo neɀakanyorwa paʋaprofita;

¹⁵ ndinetariro kunaMŋari, iyo yaʋanotenda ʋo ʋamene, kuti kucaʋa’po kumuka kwaʋakafa kwaʋakarurama naʋasakarurama.

¹⁶ Pacinhu ici ndinoidza ɀikuru kuti misi yose ndiʋe nehana isinemhoȿa kunaMŋari nokuʋanhu.

¹⁷ Ɀino makore mazhinji akati apfuʋura, ndakaʋuya neɀipo neɀiɓayiro kuʋanhu ʋaŋgu.

¹⁸ Ndiɀoɀo ɀaʋakandiwana ndiciita mutembere, ndanatswa, ndisinaʋanhu ʋazhinji, kana ɓopoto;

¹⁹ asi ʋamŋe ʋaJuda ʋeAsia ʋaiʋa’po, — iʋo ʋaifanira kuʋa pano pamberi penyu, kundipomera mhoȿa, kana ʋaiʋa necinhu neni.

²⁰ Kunyaŋge naʋaʋa ŋgaʋareʋe ʋamene cisakarurama caʋakawana, musi wandakamira pamberi pamakurukota,

²¹ asi shoko iri ɓedzi, randakaɗanidzira, ndimire pakati paʋo, ndiciti: Ndinotoŋgwa nhasi pamsoro pokumuka kwaʋakafa.

²² Asi Feriksi, ɀaakaziʋisisa ɀakanaka Nzira iyo, akaʋaʋetsa, aciti: Kana Risia, mukuru wecuru camazana aɓurukira pano, ndicanatso‐bvunzisisa mhaka yenyu.

²³ Akaraira mukuru wezana kuti Pauro aceŋgetwe, arerusirwe, ʋuye kuti ʋarege kudziʋisa mumŋe wokwake kumushumira.

²⁴ Ɀino mamŋe mazuʋa akati apfuʋura, Feriksi akaȿika, nomukadzi wake Drusira, waiʋa muJuda, akaɗana Pauro, akamunzwa pamsoro pokutenda kunaKristu Jesu.

²⁵ Ɀino wakati acitaura ɀokururama, nokuɀidzora, nokutoŋga kunoʋuya, Feriksi akatya ɀikuru, akapindura, akati: Enda hako ɀino; kana ndikazoʋa neŋguʋa yakanaka, ndicakuɗana.

²⁶ Wakati ʋo ɀimŋe ucazopiwa mari naPauro; naiɀoɀo wakamuɗana kazhinji, acitaura naye.

²⁷ Asi makore maʋiri akati apera, Porkio Festo akapinda panɀimbo yaFeriksi, ɀino Feriksi aciɗa kufadza ʋaJuda, akasiya Pauro akasuŋgwa.