Mabasa 19 - Baiberi Magwaro Matȿene aMŋari 1949 (Doke)

Pauro paEfeso.

¹ Ɀino Aporo aciri paKorinte, Pauro wakati agura namatiʋi enyika okumsoro, akaȿika Efeso, akawana ʋamŋe ʋadzidzi,

² akati kwaʋari: Makagamucira Mŋeya Mutȿene pakutenda kwenyu here? Ʋakati kwaari: Kwete, hatina‐kutoŋgonzwa kuti Mŋeya Mutȿene uri’po.

³ Akati: Ko makabapatidzwa norubapatidzo rwupiko? Ʋakati: Norubapatidzo rwaJohane.

⁴ Ɀino Pauro akati: Johane wakabapatidza norubapatidzo rwokutendeʋuka, aciʋudza ʋanhu kuti ʋatende kunaiye unozoʋuya shure kwake, iye Jesu.

⁵ Ʋakati ʋaɀinzwa iɀoɀo, ʋakabapatidzwa muzita raShe Jesu.

⁶ Ɀino Pauro wakati aisa maʋoko ake pamsoro paʋo, Mŋeya Mutȿene akaʋuya pamsoro paʋo, ʋakataura nendimi, ʋakaprofita.

⁷ Iʋaʋo ʋose ʋaiʋa ʋarume ʋaneŋge gumi naʋaʋiri.

⁸ Ɀino wakapinda musinagoge, akataura asiŋgatyi mŋedzi mitatu, acitaurirana naʋo, aciʋagombedzera namashoko oʋushe bgaMŋari.

⁹ Asi ʋamŋe ʋakati ʋaciwomesa mŋoyo, ʋasiŋgatereri, ʋaciɀidza Nzira iyo pamberi paʋazhinji, akabva kwaʋari, akatsaura ʋadzidzi, akataurirana naʋo zuʋa rimŋe nerimŋe mucikoro caTirano.

¹⁰ Iɀoɀo ɀikaitwa makore maʋiri; nokuɗaro ʋose ʋakaŋga ʋagere paAsia ʋakanzwa shoko raShe, ʋaJuda naʋaGiriki.

¹¹ NaMŋari wakaita masimba anoshamisa namaʋoko aPauro,

¹² nokuɗaro miceka neŋguʋo, ɀaibva pamuʋiri wake, ɀaiiswa kuʋarwere, hosha dzikabva kwaʋari, nemŋeya yakaipa ikaɓuɗa.

¹³ Ɀino ʋamŋe ʋaJuda, ʋaʋuki, ʋaipota‐pota, ʋakaidza kuɗana zita raShe Jesu pamsoro paʋaiʋa nemŋeya yakaipa, ʋaciti: Ndinokupikirai naJesu unoparidzwa naPauro.

¹⁴ Ʋaiʋa ʋanakomana ʋanomŋe ʋomumŋe muJuda, wainzi Skeva, muprista mukuru, ʋaiita iɀoɀo.

¹⁵ Mŋeya wakaipa ukapindura, ukati kwaʋari: Jesu ndinomuziʋa, naPauro ndinomuziʋa, asi imi ndimi ʋananiko?

¹⁶ Ipapo munhu waiʋa nomŋeya wakaipa akaʋamukira simba, akaʋakurira ʋose ʋari ʋaʋiri, akaʋakunda; nokuɗaro ʋakatiza mumba imomo, ʋasineŋguʋo, ʋakuʋadzwa.

¹⁷ Iɀoɀo ɀikazikanwa naʋose, ʋaJuda naʋaGiriki, ʋakaŋga ʋagere Efeso ʋakatya ʋose, zita raShe Jesu rikakudzwa.

¹⁸ Ɀino ʋazhinji ʋaʋakaŋga ʋatenda ʋakaʋuya, ʋakaɀireʋurura, nokurondedzera maɓasa aʋo.

¹⁹ Naʋamŋe ʋazhinji ʋaiita ʋuŋaŋga, ʋakaʋuŋganidza buku dzaʋo, ʋakadzipisa pamberi paʋose; ʋakaʋereŋga muteŋgo wadzo, ʋakawana kuti waiʋa masirveri aneɀuru ɀinamakumi mashanu.

²⁰ Naiɀoɀo shoko raShe rikakura nesimba, rikakunda.

²¹ Iɀoɀo ɀakati ɀapedziswa, Pauro akafuŋga mumŋoyo make kuenda Jerusarema, kana ambogura napaMakedonia neAkaya, aciti: Kana ndamboenda ikoko, ndinofanira kundoʋona Roma ʋo.

²² Ɀino akatumira Makedonia ʋaʋiri ʋaʋaimushumira, ʋanaTimotio naErasto, iye amene akagara Asia ŋguʋa ɗuku.

Ƃope rakamutswa naDemetrio.

²³ Ɀino neŋguʋa iyo ɓope guru rikaʋa’po pamsoro peNzira iyo.

²⁴ Nokuti mumŋe, wainzi Demetrio, mupfuri wesirveri, waiita ɀitembere ɀaDiana ɀesirveri, waifumisa ɀikuru mhizha dza’po.

²⁵ Akaʋaʋuŋganidza iʋo pamŋe cete naʋamŋe ʋaɓati ʋeɀakaɗaro, akati: Ʋarume, munoziʋa kuti neɓasa iri tinowana fuma yeɗu.

²⁶ Ɀino munoʋona, nokunzwa, kuti Pauro uyu wakatendisa nokutsausa ʋazhinji, pasati pari paEfeso ɓedzi, asi paneŋge paAsia yose, aciti, ɀakaitwa namaʋoko haʋazi ʋamŋari.

²⁷ Ɀino njodzi ndiyo kuti habguzi ʋumhizha bgeɗu ɓedzi bguŋgaɀidzwa, asi kuti tembere yamŋarikadzi mukuru Diana icashoʋorwa, naiye amene, unonamatwa paAsia yose nenyika yose, abviswe paʋukuru bgake.

²⁸ Ɀino ʋakati ʋacinzwa iɀoɀo, ʋakafa neshuŋgu kwaɀo, ʋakaɗanidzira, ʋaciti: Diana waʋaEfeso mukuru!

²⁹ Guta rikakaŋganiswa kwaɀo; ʋakamhanyira nomŋoyo mumŋe panɀimbo paitambga, ʋaɓata Gayo naAristarko, ʋarume ʋeMakedonia, ʋaiperekedza Pauro.

³⁰ Ɀino Pauro akaɗa kupinda kuʋanhu, ʋadzidzi ʋakasamutendera.

³¹ Naʋamŋe ʋakuru ʋeAsia, ʋaiʋa shamŋari dzake, ʋakatuma shoko kwaari, ʋacikumbira ɀikuru kwaari kuti arege kupinda panɀimbo paitambga.

³² Ɀino ʋamŋe ʋakaɗanidzira ɀimŋe, ʋamŋe ɀimŋe ɀe; nokuti ʋuŋgano yakaŋga yanyoŋganiswa, ʋazhinji ʋasiŋgaziʋi ɀaʋakaʋuŋganira.

³³ Ipapo ʋakaɓuɗisa Areksandro mukati maʋanhu ʋazhinji, ʋaJuda ʋacimusundira mberi; ɀino Areksandro akaninira noruʋoko, aciɗa kuɀiɗaʋirira pamberi paʋanhu.

³⁴ Ipapo ʋakati ʋaciʋona kuti iye muJuda, inzwi rimŋe rikamuka kunaʋose, ʋakaɗanidzira ŋguʋa dzineŋge mbiri, ʋaciti: Diana waʋaEfeso mukuru!

³⁵ Ɀino munyori weguta wakanyaradza ʋanhu, akati: Ʋarume ʋeEfeso, munhu ndoupiko usiŋgaziʋi, kuti guta raʋaEfeso ndiwo muceŋgeti wetembere yaDiana mukuru nowomufananidzo wakaɓuruka kuɗeŋga?

³⁶ Ɀaɀisiŋgagoni kurambga iɀoɀi, maifanira kunyarara musiŋgaiti cinhu nokusaraŋgarira kwaɀo.

³⁷ Nokuti maʋuya naʋarume aʋa, ʋasati ʋari mbava dzetembere kana ʋamhuri ʋamŋarikadzi weɗu.

³⁸ Ɀino kana Demetrio nedzimŋe mhizha naye ʋanemhoȿa nomunhu, misi yokutoŋga iri’po, naʋatoŋgi ʋari’po; ŋgaʋakwirirane haʋo.

³⁹ Asi kana mucitȿaka cimŋe cinhu pamsoro pedzimŋe mhoȿa, ɀiŋgatemŋa paʋuŋgano yakafanira.

⁴⁰ Nokuti njodzi ndiyo kuti tiŋgakwirirwa pamsoro peɓope ranhasi, ɀakusinemhoȿa; kana ciri cinhu ici hatiŋgagoni kupindura pamsoro pemhere‐mhere iyi.

⁴¹ Wakati ataura iɀoɀo, akaendisa ʋuŋgano.