Mabasa 18 - Baiberi Magwaro Matȿene aMŋari 1949 (Doke)

Pauro paKorinte neEfeso. Akwira naPrisira.

¹ Shure kwaiɀoɀo, Pauro wakabva Atene, akaȿika Korinte;

² akawana mumŋe muJuda, wainzi Akwira, worudzi rwaʋePonto, acaŋgobva Itaria, naPrisira mukadzi wake; (nokuti Kraudio wakaŋga araira kuti ʋaJuda ʋose ʋabve Roma); akaenda kwaʋari;

³ ɀino ɀaakaŋga aneɓasa rimŋe naʋo, akagara naʋo ʋaciɓata; nokuti ɓasa raʋo raiʋa rokuita matente.

⁴ Saɓata rimŋe nerimŋe akataurirana naʋo musinagoge, akaidza kugombedzera ʋaJuda naʋaGiriki.

⁵ Ɀino Sirasi naTimotio ʋakati ʋacizoɓuruka ʋacibʋa Makedonia, Pauro akamanikidzwa neshoko, acipupurira ʋaJuda kwaɀo kuti Jesu ndiye Kristu.

⁶ Ɀino ʋakati ʋacimudziʋisa, nokumutuka, akazuza ŋguʋo dzake, akati kwaʋari: Ropa renyu ŋgariʋe pamsoro penyu; ndakacena, kubva ɀino ndicaenda kuʋahedeni.

⁷ Akabva’po, akapinda mumba momumŋe, wainzi Tito Justo, wainamata Mŋari, imba yake yaiʋa pedyo nesinagoge.

⁸ NaKrispo, mukuru wesinagoge, akatenda kunaShe naʋeimba yake yose; naʋazhinji ʋeKorinte ʋakanzwa, ʋakatenda, ʋakabapatidzwa.

⁹ Ɀino Ishe akati kunaPauro ʋusiku neciratidzo: Usatya hako, asi taura, usanyarara;

¹⁰ nokuti ini ndinewe; hapanomunhu uŋgakumukira akakuitira ɀakaipa, nokuti ndinaʋanhu ʋazhinji muguta rino.

¹¹ Akagara’po gore rimŋe nemŋedzi mitanhatu, acidzidzisa shoko raMŋari pakati paʋo.

¹² Ɀino Gario wakati aʋa muɓati weAkaya, ʋaJuda ʋakamukira Pauro nomŋoyo mumŋe, ʋakaʋuya naye pacigaro cokutoŋga,

¹³ ʋaciti: Uyu unogombedzera ʋanhu kuti ʋanamate Mŋari nenzira isiŋgatenderwi nomurairo.

¹⁴ Ɀino Pauro wakati oɗa kushamisa muromo wake, Gario akati kuʋaJuda: Ƌai yaiʋa mhoȿa yeɀisakarurama, kana kutadza kwakaipa, ndaifanira kuʋa nomŋoyo murefu kwamuri, imi ʋaJuda.

¹⁵ Asi kana dziri nharo pamsoro pamashoko namazita nomurairo wenyu, tambai henyu imi mhoȿa iyo; ini handiɗi kuʋa mutoŋgi waiɀoɀo.

¹⁶ Akaʋadziŋga pacigaro cokutoŋga.

¹⁷ Ɀino ʋose ʋakaɓata Sosteni, mukuru wesinagoge, ʋakamuroʋa pamberi pecigaro cokutoŋga; asi Gario haana‐kuʋa nehanya necinhu cimŋe caiɀoɀo.

¹⁸ Pauro wakati agara’po mazuʋa mazhinji, akawonekana nehama, akabva’po, akaenda Siria necikepe, anaPrisira naAkwira, aʋeʋura musoro wake paKenkrea, nokuti wakaŋga apika.

¹⁹ Ʋakaȿika Efeso, akaʋasiya’po; asi iye amene wakapinda musinagoge, akataurirana naʋaJuda.

²⁰ Ɀino ʋakati ʋacikumbira kuti agare naʋo ŋguʋa refu, haana‐kutenda;

²¹ asi wakawonekana naʋo, aciti: Ndicadzokera ɀe kwamuri, kana Mŋari aciɗa, akabva paEfeso necikepe.

²² Wakati aȿika Kesaria, akakwira kundokwazisa kereke, akaɓurukira Antiokia.

Rwendo rwecitatu rwaPauro. Aporo paEfeso.

²³ Wakati agara’po ŋguʋa, akabva, akagura nenyika dzeGaratia neFrigia acidziteʋedzanisa, acisimbisa ʋadzidzi ʋose.

²⁴ Ɀino mumŋe muJuda wainzi Aporo, worudzi rwapaAreksandria, murume wakaŋga akadzidza ɀikuru, wakaȿika Efeso; wakaŋga anesimba pamagwaro.

²⁵ Uyu wakaŋga adzidziswa nzira yaShe, akashiŋgaira nomŋeya, acitaura nokunatso‐dzidzisa ɀaJesu, aciziʋa rubapatidzo rwaJohane ɓedzi.

²⁶ Iye akataŋga kutaura musinagoge asiŋgatyi. Ɀino Prisira naAkwira ʋakati ʋamunzwa, ʋakamutora, ʋakanatsomuɗudzira nzira yaMŋari.

²⁷ Ɀino wakati aciɗa kuyambukira Akaya, hama dzikamusimbisa, ʋakanyorera ʋadzidzi kuti ʋamugamucire. Ɀino wakati aȿika, akaɓatsira ɀikuru iʋo ʋakatenda nenyasha.

²⁸ Nokuti wakakunda ʋaJuda nesimba pacena, aciratidza naMagwaro, kuti Jesu ndiye Kristu.