Mabasa 15 - Baiberi Magwaro Matȿene aMŋari 1949 (Doke)

Ʋuŋgano paJerusarema pamsoro pokudziŋgiswa nokuceŋgeta murairo waMosesi.

¹ Ɀino ʋamŋe ʋakaɓuruka Judea, ʋakadzidzisa hama, ʋaciti: Kana musiŋgadziŋgiswi netsika yaMosesi, hamuŋgaponeswi.

² Asi Pauro naBarnabasi ʋakapesana kwaɀo naʋo, nokuita nharo naʋo, ʋakazotenderana kuti Pauro naBarnabasi naʋamŋe ʋaʋo ʋakwire Jerusarema kuʋaapostora naʋakuru pamsoro peshoko iri.

³ Naiɀoɀo ʋakaperekedzwa nekereke, ʋakagura neFenike neSamaria, ʋakataura ɀokutendeʋuka kwaʋahedeni; ʋakafadza ɀikuru hama dzose.

⁴ Ɀino ʋakati ʋaȿika Jerusarema, ʋakagamucirwa nekereke, naʋaapostora, naʋakuru; ʋakarondedzera ɀose ɀakaitwa naMŋari naʋo.

⁵ Asi ʋamŋe ʋedzidziso yaʋaFarise, ʋaitenda, ʋakasimuka, ʋakati, ʋanofanira kudziŋgiswa nokurairwa kuti ʋaceŋgete murairo waMosesi.

⁶ Ipapo ʋaapostora naʋakuru ʋakaʋuŋgana kuti ʋaraŋgane pamsoro peshoko iri.

⁷ Ɀino, nharo huru dzakati dzaʋa’po, Petro akasimuka akati kwaʋari: Ʋarume, hama, munoziʋa kuti kubva pamazuʋa akare Mŋari wakandisanaŋgura pakati penyu, kuti ʋahedeni ʋanzwe shoko reEvaŋgeri nomuromo waŋgu, ʋatende.

⁸ Ɀino Mŋari, muziʋi womŋoyo, wakaʋapupurira, akaʋapa Mŋeya Mutȿene sesu;

⁹ haanakutsaura pakati peɗu naʋo, ɀaakanatsa mŋoyo yaʋo nokutenda.

¹⁰ Naiɀoɀo ɀino, munoidzireiko Mŋari, muciisa pamitsipa yaʋadzidzi joko, rakaŋga risiŋgagoni kutakurwa namadziɓaɓa eɗu kunyaŋge nesu?

¹¹ Asi tinotenda kuti isu ticaponeswa nenyasha dzaShe Jesu nomutoʋo mumŋe naʋo.

¹² Ipapo ʋanhu ʋazhinji ʋose ʋakaramba ʋanyerere, ʋakaterera ʋanaBarnabasi naPauro ʋacirondedzera ɀiratidzo neɀishamiso, ɀakaitwa naMŋari naʋo pakati paʋahedeni.

¹³ Ɀino ʋakati ʋanyarara, Jakobo akapindura, akati: Ʋarume, hama, nditererei.

¹⁴ Simeoni wakarondedzera mutaŋgire waMŋari kumutsa ʋahedeni, kuti atore kwaʋari ʋanhu ʋezita rake.

¹⁵ Namashoko aʋaprofita anobvumira iɀoɀi; seɀaɀakanyorwa, ɀicinzi:

¹⁶ Shure kwaiɀoɀi ndicadzoka, Ndiʋake tabernakeri yaDavidi, yakawa; Ndicaʋaka ɀe matoŋgo ayo, Ndiciimutsa;

¹⁷ Kuti ʋakasara kuʋanhu ʋatȿake Ishe, Naʋahedeni ʋose ʋakaɗanwa nezita raŋgu,

¹⁸ Ndiɀo ɀinotaura Ishe, unoziʋisa iɀoɀi ɀose kubva pakutaŋga kwenyika.

¹⁹ Naiɀoɀi ini ndinoti, ŋgatirege kugumbusa aʋo pakati paʋahedeni ʋakatendeʋukira kunaMŋari;

²⁰ asi tiʋanyorere kuti ʋarege ɀakashatiswa neɀifananidzo, noʋupombge, neɀakadzipxa, neropa.

²¹ Nokuti Mosesi kubva pamarudzi ekare, waiʋa naʋanomuparidza paguta rimŋe nerimŋe, acirabga mumasinagoge saɓata rimŋe nerimŋe.

²² Ipapo ʋaapostora, naʋakuru, nekereke yose, ʋakati ɀakanaka kuti ʋasanaŋgure ʋarume pakati paʋo, ʋaʋatumire Antiokia pamŋe cete naPauro naBarnabasi, ʋaiti: Judasi, wainzi Barsabasi, naSirasi, ʋakuru pakati pehama.

²³ Ʋakanyora ŋwadi, ʋakaituma naʋo, yaiti: Ʋaapostora naʋakuru pahama, kuhama dzokuʋahedeni paAntiokia, napaSiria, napaKirikia: Mufaro!

²⁴ Ɀatakanzwa, kuti ʋamŋe ʋakabva kwatiri, ʋatisina‐kuraira, ʋakakukaŋganisai namashoko, ʋacidziyanisa mŋeya yenyu,

²⁵ takati nomŋoyo mumŋe ɀakanaka kuti tisanaŋgure ʋarume, tiʋatumire kwamuri, pamŋe cete naBarnabasi naPauro, ʋaɗikanwa ʋeɗu;

²⁶ ʋanhu ʋakaɀidza ʋupenyu bgaʋo nokuɗa kwezita raShe weɗu, Jesu Kristu.

²⁷ Ɀino tatuma Judasi naSirasi, iʋo ʋanozokuʋudzai ʋamene iɀoɀi nomuromo.

²⁸ Nokuti Mŋeya Mutȿene nesu takati ɀakanaka, kuti tirege kukutakudzai mutoro mukuru kuneɀinhu iɀi ɀakafanira,

²⁹ ɀinoti: Regai ɀakaɓayirwa ɀifananidzo, neropa, neɀakadzipxa, noʋupombge; kana mukaɀidzora paɀiri, mucaita ɀakanaka. Sarai ɀakanaka.

³⁰ Ɀino ʋakati ʋaendiswa, ʋakaɓurukira Antiokia; ʋakaʋuŋganidza ʋanhu ʋazhinji, ʋakaʋapa ŋwadi.

³¹ Iʋo ʋakati ʋairaʋa, ʋakafara ɀikuru pamsoro pokuʋaraidzwa.

³² Judasi naSirasi, ʋaiʋa ʋaprofita ʋamene, ʋakaʋaraidza hama namashoko mazhinji, nokuʋasimbisa.

³³ Ʋakati ʋagara’ko ŋguʋa, ʋakaendiswa nehama nomufaro, ʋakaenda kunaʋakaŋga ʋaʋatuma.

³⁴ [Asi Sirasi wakati ɀakanaka kusara’po.]

³⁵ Pauro naBarnabasi ʋakagara Antiokia, ʋacidzidzisa nokuparidza shoko raShe, naʋamŋe ʋazhinji ʋo.

Pauro naBarnabasi ʋanoparadzana. Rwendo rwecipiri rwaPauro.

³⁶ Ɀino mamŋe mazuʋa akati apfuʋura, Pauro akati kunaBarnabasi: Ŋgatidzoke ɀe tindoshanyira hama muguta rimŋe nerimŋe matakaparidza shoko raShe, tiʋone kuti ʋakaɗini.

³⁷ Ɀino Barnabasi wakaŋga aciɗa kutora Johane ʋo, wainzi Marko;

³⁸ asi Pauro wakati haɀina‐kunaka kumutora iye, wakamboʋasiya paPamfiria, akasaenda naʋo kuɓasa.

³⁹ Ipapo kutsamŋirana kukaʋa’po, nokuɗaro ʋakaparadzana, Barnabasi akatora Marko, akaenda Kupro necikepe;

⁴⁰ asi Pauro wakasanaŋgura Sirasi; akaenda, akaiswa nehama panyasha dzaShe;

⁴¹ akagura neSiria neKirikia, acisimbisa kereke.