Mabasa 13 - Baiberi Magwaro Matȿene aMŋari 1949 (Doke)

Barnabasi naSauro ʋanotumŋa kuʋahedeni.

¹ Ɀino pakereke yapaAntiokia paiʋa naʋaprofita naʋadzidzisi, ʋaiti: Barnabasi naSimeoni, wainzi Nigeri, naRukio weKurini, naManaeni wakaŋga arerwa pamŋe cete naHerode muɓati, naSauro.

² Ʋakati ʋacishumira Ishe, nokuɀinyima ɀokudya, Mŋeya Mutȿene akati: Nditsaurirei Barnabasi naSauro kuɓate‐ɓasa randakaʋaɗanira.

³ Ipapo ʋakaɀinyima ɀokudya, ʋakanyeŋgetera, ʋakaisa maʋoko pamsoro paʋo, ndokuʋaendisa.

Ʋanodziʋiswa naErimasi paPafosi.

⁴ Naiɀoɀo ʋakati ʋatumŋa noMŋeya Mutȿene, ʋakaɓurukira Serukia; ʋakabva’po, ʋakaenda Kupro necikepe.

⁵ Ʋaciȿika paSarami, ʋakaparidza shoko raMŋari mumasinagoge aʋaJuda. Ʋakaŋga ʋanaJohane ʋo, waiʋa muɓatsiri waʋo.

⁶ Ʋakati ʋagura ciwi cose kuȿikira paPafosi, ʋakawana imŋe ŋaŋga, waiʋa muprofita wenhema, muJuda, zita rake rainzi Bari‐Jesu.

⁷ Waigara pamuɓati wenyika, wainzi Sergio Pauro, munhu wakacenjera. Iye ndokuɗana Barnabasi naSauro, acitȿaka kunzwa shoko raMŋari.

⁸ Asi ŋaŋga iyo Erimasi (nokuti ndiro zita rake, kana ricishandurwa), akaʋadziʋisa, acitȿaka kutsausa muɓati pakutenda.

⁹ Asi Sauro (ndiye Pauro ʋo), azere noMŋeya Mutȿene, akamutarisisa, akati:

¹⁰ Iwe, uzere nokunyeŋgera kwose namano akaipa ose, mŋanakomana waDiaborosi, muʋeŋgi wokururama kwose, hauregi here kutsausa nzira dzakarurama dzaShe?

¹¹ Ɀino, tarira, ruʋoko rwaShe ruri pamsoro pako; ucaʋa ɓofu, ucaita ŋguʋa usiŋgaʋoni zuʋa. Pakarepo mhute nerima ɀikamuwira; akapota‐pota, acitȿaka ʋaŋgamusesedza noruʋoko.

¹² Ɀino muɓati wakati aciʋona ɀaitika, akatenda, akashamiswa nedzidziso yaShe.

Pauro unoparidza paAntiokia paPisidia.

¹³ Ɀino Pauro naʋaiʋa naye, ʋakabva Pafosi, ndokuȿika Perga muPamfiria; Johane akabva kwaʋari, ndokudzokera Jerusarema.

¹⁴ Asi iʋo ʋakabva Perga, ʋakaȿika Antiokia paPisidia; ʋakapinda musinagoge nezuʋa resaɓata, ndokugara pasi.

¹⁵ Ɀino murairo naʋaprofita ɀakati ɀarabga, ʋaɓati ʋesinagoge ʋakatuma shoko kwaʋari, ʋaciti: Ʋarume, hama, kana muneshoko rokuʋaraidza ʋanhu, taurai henyu.

¹⁶ Ipapo Pauro akasimuka, akaʋaninira noruʋoko, akati: Ʋarume ʋaIsraeri, nemi munotya Mŋari, tererai:

¹⁷ Mŋari waʋanhu aʋa ʋaIsraeri wakasanaŋgura madziɓaɓa eɗu, akakudza ʋanhu aʋa, ʋaciri ʋatorwa munyika yeEgipita; akaʋaɓuɗisa mairi noruʋoko runesimba,

¹⁸ akaʋa nomŋoyo murefu nemitoʋo yaʋo murenje makore aneŋge makumi manna,

¹⁹ akaparadza marudzi manomŋe munyika yeKanani, akaʋagoʋera nyika yaʋo nemijenya, iʋe nhaka yaʋo makore aneŋge mazana manna namakumi mashanu.

²⁰ Shure kwaiɀoɀo akaʋapa ʋatoŋgi kuȿikira kumuprofita Samueri.

²¹ Pashure ʋakakumbira mambo; Mŋari akaʋapa Sauro, mŋanakomana waKisi murume worudzi rwaBenjamini, makore makumi manna.

²² Akamubvisa akamutsa Davidi, kuti aʋe mambo waʋo, waakapupura, aciti: Ndawana Davidi, mŋanakomana waJese murume womŋoyo waŋgu, ucaita kuɗa kwaŋgu kwose

²³ Parudzi rwaiyeyo, Mŋari akamutsira ʋaIsraeri Muponesi Jesu, seɀaakaŋga aʋapikira;

²⁴ iye asati aȿika, Johane akamboparidzira ʋanhu ʋaIsraeri rubapatidzo rwokutendeʋuka.

²⁵ Ɀino Johane wakati opedzisa ɓasa rake, akati: Munoti, ndini aniko? Handizi iye. Asi tarirai, shure kwaŋgu mumŋe unoʋuya, wandisakafanira kuti ndisunuŋgure shaŋgu dzetsoka dzake.

²⁶ Ʋarume, hama, ʋana ʋorudzi rwaAbrahama, naʋari pakati penyu ʋanotya Mŋari, shoko roruponeso urwu rakatitumirwa isu.

²⁷ Nokuti ʋaigara Jerusarema naʋaɓati ʋaʋo, ɀaʋakaŋga ʋasiŋgamuziʋi iye, kana manzwi aʋaprofita, anorabga saɓata rimŋe nerimŋe, ʋakaazadzisa pakumupa mhaka kwaʋo.

²⁸ Kunyaŋge ʋasina‐kuwana mhoȿa yorufu kwaari, ʋakakumbira kunaPirato kuti aʋurawe.

²⁹ Ɀino ʋakati ʋapedza ɀose ɀakanyorwa pamsoro pake, ʋakamuturura pamuti, ʋakamuʋiga mubgiro.

³⁰ Asi Mŋari wakamumutsa kuʋakafa;

³¹ akaʋonekwa mazuʋa mazhinji naʋakaŋga ʋakwira naye Jerusarema, ʋacibva Garirea, aʋo ʋari ɀapupu ɀake ɀino kuʋanhu.

³² Isu tinokuparidzirai cipikirwa cakaitirwa madziɓaɓa eɗu.

³³ Kuti Mŋari wakaciita kuʋana ʋeɗu, acimutsa Jesu; seɀakanyorwa ʋo paPisarema recipiri, panoti: Ndiwe Mŋanakomana waŋgu, nhasi ndakakuɓereka.

³⁴ Ʋuye kuratidza kuti wakamumutsa kuʋakafa, kuti arege kuzodzokera ɀe kukuʋora, wakareʋa kuɗai: Ndicakupai mikomborero mitȿene inotendwa yaDavidi.

³⁵ Nokuti unoreʋa panerimŋe Pisarema, aciti: Hamuŋgaisi Mutȿene wenyu kuti aʋone kuʋora.

³⁶ Nokuti Davidi wakati aita kuɗa kwaMŋari parudzi rwake, akaʋata rufu, akaʋigwa kunamadziɓaɓa ake, akaʋona kuʋora.

³⁷ Asi uyu, wakamutswa naMŋari haanakuʋora.

³⁸ Naiɀoɀo ʋarume, hama, muziʋe imi, kuti kaŋganwiro yeɀiʋi noyuyu inokuparidzirwai imi.

³⁹ Noyuyu, mumŋe nomumŋe unotenda, unoruramiswa paɀose, ɀamakaŋga musiŋgagoni kururamiswa paɀiri nomurairo waMosesi.

⁴⁰ Naiɀoɀo cenjerai, kuti murege kuwirwa neɀakarebga naʋaprofita, ɀinoti:

⁴¹ Tarirai, imi ʋaɀidzi, mushamiswe, muparare; Nokuti ndinoɓate‐ɓasa pamazuʋa enyu, Ƃasa ramucaramba kutoŋgotenda, kana muciɀiʋudzwa nomunhu.

⁴² Ɀino ʋakati ʋaciɓuɗa musinagoge, ʋakakumbira ɀikuru kuti ʋaparidzirwe ɀe mashoko iwayo nesaɓata rinoteʋera.

⁴³ Ɀino ʋesinagoge ʋakati ʋapararira, ʋaJuda ʋazhinji naʋaproserite ʋainamata Mŋari, ʋakateʋera Pauro naBarnabasi; iʋo ʋakataurirana naʋo, ʋakaʋaraira kuti ʋarambire panyasha dzaMŋari.

⁴⁴ Nesaɓata rakateʋera guta rineŋge rose rakaʋuŋgana kuzonzwa shoko raMŋari.

⁴⁵ Ɀino ʋaJuda ʋakati ʋaciʋona ʋanhu ʋazhinji, ʋakazara negoɗo, ʋakaramba ɀakarebga naPauro, ʋacimhura Mŋari.

⁴⁶ Ipapo Pauro naBarnabasi ʋakataura ʋasiŋgatyi, ʋakati: Ɀakaŋga ɀakafanira kuti shoko raMŋari ritaŋge kutaurirwa imi, asi ɀamariramba, muciti, hamufanirwi noʋupenyu bgusiŋgaperi, tarirai, ɀino toenda kuʋahedeni.

⁴⁷ Nokuti Ishe wakatiraira saiɀoɀo, aciti: Ndakakuisa kuti uʋe ciedza caʋahedeni, Kuti uʋe ruponeso kuȿikira kumugumo wenyika.

⁴⁸ Ɀino ʋahedeni ʋakati ʋacinzwa iɀoɀo, ʋakafara, ʋakakudza shoko raShe; naʋose ʋakaŋga ʋatarirwa ʋupenyu bgusiŋgaperi ʋakatenda.

⁴⁹ Shoko raShe rikaparidzirwa kunyika yose.

⁵⁰ Asi ʋaJuda ʋakakurudzira ʋakadzi ʋainamata Mŋari, ʋaikudzwa, naʋakuru ʋeguta; ʋakamutsira Pauro naBarnabasi ɗambudziko, ʋakaʋadziŋga munyika yaʋo.

⁵¹ Asi iʋo ʋakazuza guruʋa patsoka dzaʋo, ʋakaenda Ikonio.

⁵² Ʋadzidzi ʋakaramba ʋacizadzwa nomufaro noMŋeya Mutȿene.