Joshua 16 - Baiberi Magwaro Matȿene aMŋari 1949 (Doke)

Nhaka yaEfraimi.

¹ Mugoʋe waʋana ʋaJosefa wakataŋga paJoridani paJeriko, pamvura yeJeriko kumabvazuʋa kurenje, ucitaŋga paJeriko, ndokukwira napanyika yamakomo ucienda Beti‐eri;

² ndokubva Beti‐eri kuȿikira paRuzi, ndokupfuʋura napamuganho waʋaArkiti kuȿikira paAtaroti;

³ ndokuɓurukira kumaʋirazuʋa kumuganho waʋaJafereti, kuȿikira kumuganho weBeti‐horoni rezasi, kuȿikira Gezeri, ndokuguma paguŋgwa.

⁴ Ʋana ʋaJosefa, Manase naEfraimi, ʋakatora nhaka yaʋo.

⁵ Muganho waʋana ʋaEfraimi nemhuri dzaʋo ndiwo: Muganho wenhaka yaʋo kumabvazuʋa wakaŋga uri Ataroti‐adari, kuȿikira paBeti‐horoni kumsoro;

⁶ ɀino muganho ndokuenda kumaʋirazuʋa paMikmetati kumsoro; ɀino muganho ndokudzoka kumabvazuʋa kuȿikira paTanati‐shiro, ndokupfuʋura ipapo kurutiʋi rwamabvazuʋa eJanoa;

⁷ ndokubva paJanoa, ndokuɓurukira Ataroti, neNaara, ndokuȿika paJeriko, ndokuguma paJoridani.

⁸ Kubva paTapua muganho wakaenda kumaʋirazuʋa, kuȿikira parukoʋa Kana, ndokuguma paguŋgwa. Ndiyo nhaka yorudzi rwaʋana ʋaEfraimi nemhuri dzaʋo;

⁹ pamŋe cete namaguta akaŋga akakamurirwa ʋana ʋaEfraimi pakati penhaka yaʋana ʋaManase, maguta ose nemisha yawo.

¹⁰ Haʋana‐kudziŋga ʋaKanani ʋakaŋga ʋagere Gezeri; asi ʋaKanani ʋakagara pakati paʋaEfraimi kuȿikira nhasi; ʋakaʋa ʋaɓati ʋecibaro.