Jona 2 - Baiberi Magwaro Matȿene aMŋari 1949 (Doke)

Jona unonyeŋgetera ari mukati mehoʋe.

¹ Ipapo Jona akanyeŋgetera kunaJehova Mŋari wake ari muɗumbu rehoʋe.

² Akati: Ndakaɗana kunaJehova ndiri munhamo yaŋgu, Akandipindura; Ndakaɗana ndiri muɗumbu reSheori, Imi mukanzwa inzwi raŋgu.

³ Nokuti makandikandira makadzika, mukati momŋoyo weguŋgwa, Mvura zhinji yakaŋga yandikomberedza; Mafuŋgu enyu namapoporodzi enyu akapfuʋura napamsoro paŋgu.

⁴ Ndikati: Ndarashwa, hamucandiʋoni; Asi ndicariŋgira ɀe kutembere yenyu tȿene.

⁵ Mvura zhinji yakandikomberedza, kuȿikira kumŋeya waŋgu; Pakadzika pakaŋga pandipoteredza; Maharaŋgwe akaŋga amonera musoro waŋgu.

⁶ Ndakaɓurukira kumaʋambiso amakomo; Nyika neɀipfigiso ɀayo ɀakandipfigira’mo nokusiŋgaperi; Kunyaŋge ɀakaɗaro makaɓuɗisa ʋupenyu bgaŋgu pagomba, imi, Jehova Mŋari waŋgu.

⁷ Mŋeya waŋgu wakati uciziya mukati maŋgu, ndikaraŋgarira Jehova; Munyeŋgetero waŋgu ukapinda kwamuri mutembere yenyu tȿene.

⁸ Ʋanoraŋgarira ɀisinamaturo ɀenhema Ʋanorasha nyasha yaʋo.

⁹ Asi ndicakuɓayirai nenzwi rokuʋoŋga; Ndicaripa ɀandapika. Ruponeso runobva kunaJehova.

¹⁰ Jehova akataura nehoʋe, ikandorutsira Jona panyika yakawoma.