Johane 17 - Baiberi Magwaro Matȿene aMŋari 1949 (Doke)

Munyeŋgetero mukuru waJesu.

¹ Jesu wakataura iɀoɀi, akatarira kuɗeŋga, akati: Ƃaɓa, ŋguʋa yaȿika; kudzai Mŋanakomana wenyu, kuti Mŋanakomana akukudzei imi,

² seɀamakamupa simba pamsoro penyama yose, kuti ʋose ʋamakamupa, aʋape ʋupenyu bgusiŋgaperi.

³ Ʋupenyu bgusiŋgaperi ndibgo, kuti ʋakuziʋei imi, Mŋari uri woga waɀokwaɗi, naJesu Kristu, wamakatuma.

⁴ Ndakakukudzai panyika, ndapedza ɓasa ramakandipa kuti ndiriite.

⁵ Ɀino imi Ƃaɓa, mundikudzei pamberi penyu nokukudzwa kwandaiʋa nako kwamuri, nyika isati yaʋa’po.

⁶ Ndakaratidza ʋanhu, ʋamakandipa panyika, zita renyu. Ʋakaŋga ʋari ʋenyu, mukandipa iʋo, ʋakaceŋgeta shoko renyu.

⁷ Ɀino ʋanoziʋa kuti ɀose‐ɀose, ɀamakandipa, ɀinobva kwamuri.

⁸ Nokuti ndakaʋapa mashoko amakandipa, ʋakaagamucira, ʋakaziʋa ɀirokwaɀo kuti ndakabva kwamuri, ʋakatenda kuti ndakatumŋa nemi

⁹ Ndinoʋanyeŋgeterera iʋo; handinyeŋgetereri nyika, asi aʋo ʋamakandipa, nokuti ndiʋo ʋenyu.

¹⁰ Ɀose ɀaŋgu ndeɀenyu, neɀenyu ndeɀaŋgu; ndakudzwa maʋari.

¹¹ Ini handiciri munyika, asi iʋo ʋari munyika; ini ndinoʋuya kwamuri. Ƃaɓa ʋatȿene, muʋaceŋgete muzita renyu, ramakandipa, kuti ʋaʋe ʋamŋe, sesu.

¹² Ndiciri naʋo, ini ndaiʋaceŋgeta muzita renyu, ramakandipa; ndakaʋarinda, hapanomumŋe waʋo wakarashika, asi mŋanakomana wokurashwa, kuti Rugwaro ruitike.

¹³ Asi ɀino ndoʋuya kwamuri; ndinotaura iɀi panyika, kuti ʋaʋe nomufaro waŋgu, wakazadzika maʋari.

¹⁴ Ini ndakaʋapa shoko renyu, nyika ikaʋaʋeŋga, nokuti haʋazi ʋenyika, seni ndisi wenyika.

¹⁵ Handinyeŋgeteri kuti muʋabvise panyika, asi kuti muʋaceŋgete panowakaipa.

¹⁶ Haʋazi ʋenyika, seni ndisi wenyika.

¹⁷ Muʋaite ʋatȿene muɀokwaɗi; shoko renyu iɀokwaɗi.

¹⁸ Seɀamakandituma panyika imi, saiɀoɀo neni ndakaʋatuma panyika.

¹⁹ Ndinoɀiita mutȿene nokuɗa kwaʋo, kuti naiʋo ʋaitwe ʋatȿene muɀokwaɗi.

²⁰ Handinyeŋgetereri aʋa ɓedzi, asi naiʋo ʋanotenda ʋo kwandiri neshoko raʋo,

²¹ kuti ʋose ʋaʋe ʋamŋe; semi Ƃaɓa muri mandiri, neni mamuri; kuti naiʋo ʋaʋe matiri, kuti nyika itende kuti makandituma.

²² Neni ndakaʋapa kubginya kwamakandipa; kuti ʋaʋe ʋamŋe, sesu tiri ʋamŋe;

²³ ini maʋari, nemi mandiri, ʋakwaniswe kuʋa ʋamŋe; kuti nyika iziʋe kuti makandituma, ʋuye kuti makaʋaɗa, seɀamakandiɗa ini.

²⁴ Ƃaɓa, ndinoɗa kuti aʋo ʋamakandipa, ʋaʋe ʋo neni apo pandiri, kuti ʋaʋone kubginya kwaŋgu, kwamakandipa, nokuti makandiɗa nyika isati yaʋambga.

²⁵ Ƃaɓa ʋakarurama, nyika hainakukuziʋai; asi ini ndakakuziʋai; naiʋaʋa ʋakaziʋa kuti makandituma.

²⁶ Ndakaʋaziʋisa zita renyu, ʋuye ndicariziʋisa, kuti ruɗo, rwamakandiɗa narwo, ruʋe maʋari, neni ndiʋe maʋari.