Joere 3 - Baiberi Magwaro Matȿene aMŋari 1949 (Doke)

Ʋaʋeŋgi ʋaJehova ʋacatoŋgwa, asi ʋanhu ʋake ʋacarwirwa.

¹ Nokuti tarirai, namazuʋa iwayo neŋguʋa iyo, kana ndicidzosa kutapxa kwaJuda neJerusarema,

² ndicaʋuŋganidza marudzi ose aʋanhu, nokuaɓurusira kumupata waJehoshafati; ndicaʋatoŋga’po pamsoro paʋanhu ʋaŋgu napamsoro penhaka yaŋgu Israeri, ʋakaparadzirwa naʋo pakati pamarudzi aʋanhu; ʋakagoʋana nyika yaŋgu,

³ ʋakakanda mijenya pamsoro paʋanhu ʋaŋgu, ʋakateŋga cifeʋe nomukomana, ʋakateŋgesa musikana ʋacipiwa waini, kuti ʋainwe.

⁴ Ɀirokwaɀo, imi Tire neSidoni nenyika dzose dzaFiristia, munoreʋeiko kwandiri? Munoɗa kunditsiʋa here? Kana mukanditsiʋa, ndicakudzoserai ɀamakaita pamisoro yenyu pakarepo nokukasira.

⁵ Ɀamakatora sirveri yaŋgu nendarama yaŋgu, mukandoisa mutembere dzenyu ɀinhu ɀaŋgu ɀakanaka ɀinoɗikanwa,

⁶ mukateŋgesa ʋana ʋaJuda naʋana ʋeJerusarema kuʋanakomana ʋaʋaGiriki, kuti muʋabvisire kure nenyika yaʋo;

⁷ tarirai, ndicaʋamutsa panɀimbo kwamakandoʋateŋgesa, ndidzosere pamisoro yenyu ɀamakaita;

⁸ ndicateŋgesa ʋanakomana ʋenyu naʋanasikana ʋenyu mumaʋoko aʋana ʋaJuda, iʋo ʋacandoʋateŋgesa kuʋanhu ʋeSheba, kurudzi ruri kure, nokuti Jehova wakataura iɀoɀo.

⁹ Paridzirai iɀoɀi pakati pamarudzi; ɀigadzirirei kurwa; kurudzirai ʋarume ʋanesimba; ʋarwi ʋose ŋgaʋasweɗere, ʋaende kundorwa.

¹⁰ Pfurai mapadza enyu iʋe minondo, namapaŋga enyu okucekerera miti aʋe mapfumo; usinesimba ŋgaati: Ndinesimba.

¹¹ Cimbidzikai, muʋuye, imi marudzi ose akapoteredza, muʋuŋgane; imi Jehova, mhare dzenyu ŋgadziɓurukire’ko.

¹² Marudzi aʋanhu ŋgaamuke, aende kumupata waJehoshafati; nokuti ndi’po pandicagara ndicitoŋga marudzi ose akapoteredza.

¹³ Isai ɓaŋga renyu mumunda, nokuti ɀiyo ɀaibva; ʋuyai muȿine, nokuti ciȿiniro cewaini cazara, ɀiȿiniro ɀinopafuma; nokuti kushata kwaʋo kwakura.

¹⁴ Ʋazhinji‐zhinji, ʋazhinji‐zhinji ʋari’po mumupata wokutoŋga! Nokuti zuʋa raJehova raʋa pedyo mumupata wokutoŋga.

¹⁵ Zuʋa nomŋedzi ɀaȿiɓa, nyeredzi dzinobvisa kupenya kwadzo.

¹⁶ Jehova ucaʋomba ari paZioni, ucanzwisa inzwi rake ari paJerusarema; ɗeŋga rose nenyika ɀicaɗeŋgenyeka; asi Jehova ucaʋa ʋutiziro bgaʋanhu ʋake, nenhare yaʋana ʋaIsraeri.

¹⁷ Ipapo mucaziʋa kuti ndini Jehova, Mŋari wenyu, ugere paZioni, iro gomo raŋgu dɀene; ipapo Jerusarema ricaʋa guta dɀene, hakunaʋatorwa ʋanozopfuʋura napo.

¹⁸ Ɀino nezuʋa iro makomo acaɗonha waini inotapira, ɀikomo ɀicayerera mukaka, ʋuye hoʋa dzose dzaJuda dzicayerera mvura zhinji; mumba maJehova mucaɓuɗa tsime, ricaɗiridza mupata weShitimi.

¹⁹ Egipita ricaʋa ɗoŋgo, ʋuye Edomi ricaʋa renje rakaparadzwa, nemhaka yesimba rakaitirwa ʋana ʋaJuda, ɀaʋakateʋura ropa risinemhoȿa panyika yaʋo.

²⁰ Asi Juda ʋacaʋa’po nokusiŋgaperi, ʋuye Jerusarema kuȿikira kumarudzi namarudzi.

²¹ Ndicapembedza ropa raʋo randisina‐kumbopembedza; nokuti Jehova unogara paZioni.