Isaya 9 - Baiberi Magwaro Matȿene aMŋari 1949 (Doke)

Kuʋuya kwaMesiasi kunoprofitiwa.

¹ Asi iye, waiʋa pakumanikidzwa, haaŋgazoʋi nerima. Paŋguʋa yokutaŋga wakaninipisa nyika yeZeburuni nenyika yeNaftari, asi paŋguʋa yaɀino wakaikudza, kurutiʋi rweguŋgwa, mhiri kwaJoridani, Garirea raʋahedeni.

² Ʋanhu ʋaifamba murima ʋakaʋona ciedza cikuru; ʋaigara munyika yomumvuri worufu, ʋakapenyerwa ciedza.

³ Makawanza rudzi, makawedzera mufaro waʋo; ʋanofara pamberi penyu, sokufara kwaʋanhu paŋguʋa yokuceka, sokufara kwaʋanhu kana ʋacigoʋerana ɀakapambga.

⁴ Nokuti makavuna joko raiʋaremedza, netȿimbo yairoʋa mafudzi aʋo, neshamhu yaʋaiʋamanikidza, sapamazuʋa aʋaMidiani.

⁵ Nokuti shaŋgu imŋe neimŋe yomurwi, yakatsika nokutinhira, neŋguʋo yakanyikwa muropa, ɀicapiswa, ɀicaʋa sehuni dzomŋoto.

⁶ Nokuti takaɀarirwa Mŋana, takapiwa Mŋanakomana; ʋumambo ʋucaʋa pafudzi rake; zita rake ricanzi: Unoshamisa, Gota, Mŋari unesimba, Ƃaɓa ʋokusiŋgaperi, Mucinda worugare.

⁷ Kukura kwoʋumambo bgake nokworugare haɀinamugumo, agare pacigaro coʋushe caDavidi napaʋushe bgake, aʋusimbise aʋutsigire nokururamisira nokururama kubva ɀino kuȿikira paŋguʋa isiŋgaperi. Kushiŋgaira kwaJehova wehondo kucaɀiita.

Kutsamŋa kwaJehova pamsoro pokusatendeʋuka kwaʋanhu ʋake.

⁸ Jehova wakatuma shoko kunaJakobo, rakaɓurukira pamsoro paʋaIsraeri.

⁹ Ʋanhu ʋose ʋacaziʋa, iʋo ʋaEfraimi naʋagere Samaria, iʋo ʋanoti namanyawi aʋo nokuɀikudza kwemŋoyo yaʋo:

¹⁰ Ɀitina ɀawa, asi ticaʋaka namabge akaʋezwa; miʋonde yatemŋa, asi ticaisa misidari panɀimbo yayo.

¹¹ Naiɀoɀo Jehova ucaʋamutsira ʋadziʋisi ʋaRezini, ucasaŋganisa ʋaʋeŋgi ʋake;

¹² ʋaSiria pamberi, naʋaFiristia mushure, ʋacapedza Israeri nomuromo wakashama. Kunyaŋge ɀakaɗaro, kutsamŋa kwake hakuna‐kudzorwa, asi ruʋoko rwake rwakaramba rwakatambanudzwa naɀino.

¹³ Asi ʋanhu haʋana‐kutendeʋukira kunaiye wakaʋaroʋa, haʋana‐kutȿaka Jehova wehondo.

¹⁴ Saka Jehova ucagura ʋaIsraeri musoro nomuswe, ɗaʋi romucindwe nenhokwe, nomusi mumŋe.

¹⁵ Mukuru nounokudzwa ndiwo musoro; muprofita, unodzidzisa nhema, ndiwo muswe.

¹⁶ Nokuti ʋatuŋgamiriri ʋaʋanhu aʋa ʋanoʋatsaukisa; ʋanotuŋgamirirwa naʋo ʋanoparadzwa.

¹⁷ Naiɀoɀo Ishe haaŋgafariri majaya aʋo, haaŋgaʋi netsitsi nenherera necirikadzi dzaʋo; nokuti mumŋe nomumŋe waʋo mumhuri waMŋari nomuiti weɀakaipa, muromo mumŋe nomumŋe unotaura ɀoʋupenzi. Kunyaŋge ɀakaɗaro, kutsamŋa kwake hakuna‐kudzorwa, asi ruʋoko rwake rwakaramba rwakatambanudzwa naɀino.

¹⁸ Nokuti ɀakaipa ɀinopfuta somŋoto; unopedza rukato neminzwa; ɀirokwaɀo unopisa matenhere eɗondo, ɀicikwira kuɗeŋga iri shoŋgwe yoʋutsi.

¹⁹ Nyika inotȿa nokuɗa kwokutsamŋa kwaJehova wehondo; ʋanhu ʋakaita sehuni dzinoʋeswa; hakunomunhu unenyasha nehama yake.

²⁰ Mumŋe ucabvuta kurudyi, asi ucaʋa nenzara; ucadya kuruɓoshwe, asi haʋaŋgaguti; mumŋe nomumŋe ucadya nyama yoruʋoko rwake.

²¹ ƲaManase ʋacadya ʋaEfraimi, naʋaEfraimi ʋaManase; iʋo pamŋe cete ʋacamukira ʋaJuda. Kunyaŋge ɀakaɗaro, kutsamŋa kwake hakuna‐kudzorwa, asi ruʋoko rwake rwakaramba rwakatambanudzwa naɀino.