Isaya 8 - Baiberi Magwaro Matȿene aMŋari 1949 (Doke)

Ciratidzo cokuti ʋaAsiriya ʋacaparadza ʋaIsraeri.

¹ Ɀino Jehova akati kwandiri: Tora hwendefa guru, unyore pariri nepeni yaʋanhu, uti: Cimbidzikai kutapa, ɀakapambga ɀokurumidza.

² Ndicatora ɀapupu ɀakatendeka, ɀinoti: Uria muprista, naZekaria mŋanakomana waJeberekia.

³ Ipapo ndakaenda kumuprofitakadzi, iye akatora mimba, akaɓereka mŋanakomana. Ɀino Jehova akati kwandiri: Mutumidze zita rokuti: Cimbidzikai kutapa, ɀakapambga ɀokurumidza.

⁴ Nokuti mŋana asati aziʋa kuti, Ƃaɓa ʋaŋgu, kana Mai ʋaŋgu, fuma yeDamasko neɀakapambga ɀeSamaria ɀicaiswa pamberi pamambo weAsiria.

⁵ Ɀino Jehova akataura ɀe kwandiri, aciti:

⁶ Ʋanhu aʋa ɀaʋakaramba mvura yeShiroa, inonatsa kuyerera, ʋacifarira Rezini nomŋanakomana waRemaria;

⁷ saka ɀino, tarirai, Ishe ucaʋuyisa pamsoro paʋo mvura zhinji yoRwizi, inesimba yakawanda, iye mambo weAsiria nokubginya kwake kwose; rucaɓuɗa kuhoʋa dzarwo dzose, nokuɗarika nhiʋi dzarwo dzose;

⁸ rucakukura kuȿikira kwaJuda; rucapafuma, ndokupfuʋura, rucaȿika pamutsipa; kutandaʋara kwamapapiro arwo kucazadza kufara kwenyika yako yose, iwe Imanueri.

⁹ Itai ɓope, imi ndudzi, muputswe‐putswe; nemi mose muri kunyika dziri kure, inzwai; ɀisuŋgei ɀiʋuno, muputswe‐putswe, ɀisuŋgei ɀiʋuno, muputswe‐putswe.

¹⁰ Raŋganai henyu, asi ɀicakona; taurai shoko, asi hariŋgamiri; nokuti Mŋari unesu.

¹¹ Nokuti Jehova wakataura saiɀoɀo neni noruʋoko runesimba, akandiraira kuti ndirege kufamba nezira yaʋanhu aʋa, aciti:

¹² Musati: Iraŋgano, pamsoro peɀose ɀinonzi naʋanhu aʋa, iraŋgano; ʋuye musatya ɀaʋanotya, kana kuvunduka.

¹³ Jehova wehondo, ndiye wamunofanira kuti mutȿene; mumutye iye, mumuvunduke iye.

¹⁴ Ipapo iye ucaʋa nɀimbo tȿene yenyu; asi ucaʋa ibge rokugumbusa neɗombo rokupiŋganidza kudzimba dzose mbiri dzaIsraeri, aʋe rugombe nomusuŋgo kunaʋanogara Jerusarema.

¹⁵ Ʋazhinji ʋaʋo ʋacagumburwa naro, ʋacawa, nokuputswa, nokuteyiwa, nokuɓatwa.

¹⁶ Suŋga cipupuriro, namatidza murairo necisimbiso pakati paʋadzidzi ʋaŋgu.

¹⁷ Ndicamirira Jehova, unoʋanzira imba yaJakobo ciso cake, ndicamutȿaka.

¹⁸ Tarirai, ini naʋana ʋandakapiwa naJehova, tiri ɀiratidzo neɀishamiso pakati paIsraeri ɀaJehova wehondo, ugere mugomo reZioni.

¹⁹ Ɀino kana ʋaciti kwamuri: Bvunzai maȿikiro naʋaʋuki, ʋanorira nokuita zeʋe‐zeʋe — ko ʋanhu haʋafaniri kubvunza Mŋari waʋo here? Ko ʋanofanira kubvunza ʋakafa pamsoro paʋapenyu here?

²⁰ Dzokerai kumurairo nokuɀipupuriro! Kana ʋasiŋgatauri seɀinoreʋa shoko iri, haʋaŋgaʋi neciedza camaŋgwanani.

²¹ Ʋacafamba nenyika ʋakamanikidzwa kwaɀo, ʋanenzara; ɀino kana ʋanenzara, ʋacaʋa neshuŋgu, ʋacatuka mambo waʋo naMŋari waʋo, ʋacitarira kuɗeŋga.

²² Ʋacatarira ʋo pasi, asi tarirai, ʋacaʋona njodzi nerima, nokuȿiɓa kwokumanikidzwa; ʋacadziŋgirwa kurima guru.