Isaya 7 - Baiberi Magwaro Matȿene aMŋari 1949 (Doke)

Kurwa kwaRezini naPeka neJerusarema.

¹ Ɀino pamazuʋa aAhazi, mŋanakomana waJotami, mŋanakomana waUziya, mambo waJuda, Rezini mambo weSiria, naPeka, mŋanakomana waRemaria, mambo waIsraeri, ʋakaenda kundorwa neJerusarema, asi ʋakakoniwa kurikunda.

² Ɀino ʋakaʋudza imba yaDavidi, ʋaciti: ƲaSiria ʋaʋa pakati paʋaEfraimi. Mŋoyo wake nemŋoyo yaʋanhu ʋake ikazunuŋguswa sokuzunuŋguswa kwemiti muɗondo nemhepo.

³ Ɀino Jehova akati kunaIsaya: Enda ɀino undosoŋgana naAhazi, iwe naSheari‐jashubi, mŋanakomana wako, panoguma rukoroŋga rwedziʋa rokumsoro, panzira huru inoenda kumunda womusuki weŋguʋo;

⁴ undoti kwaari: Cenjera, unyarare hako; usatya, nomŋoyo wako urege kupera nokuɗa kwamatsiga awa maʋiri anopfuŋgaira, nokuɗa kwokutsamŋa kukuru kwaRezini nokwaʋaSiria, nokwomŋanakomana waRemaria.

⁵ Nokuti ʋaSiria naʋaEfraimi, nomŋanakomana waRemaria ʋakaraŋgana kukuitira ɀakaipa, ʋaciti:

⁶ Hendei tindorwa naʋaJuda, tiʋatyise, tiʋakunde, tigadze mambo pakati paʋo, iye mŋanakomana waTabeeri.

⁷ Ɀanzi naShe Jehova: Iɀoɀi haɀiŋgamiri, ʋuye haɀiŋgaitiki.

⁸ Nokuti musoro weSiria ndiDamasko, nomusoro weDamasko ndiRezini; makore makumi matanhatu namashanu asati apera, ʋaEfraimi ʋacaputswa‐putswa, kuti ʋarege kuʋa rudzi;

⁹ musoro waʋaEfraimi ndiSamaria, nomusoro weSamaria ndimŋanakomana waRemaria. Kana musiŋgaɗi kutenda, ɀirokwaɀo hamuŋgasimbiswi.

Mŋanakomana Imanueri.

¹⁰ Ɀino Jehova wakataura ɀe naAhazi, aciti:

¹¹ Kumbira ciratidzo kunaJehova Mŋari wako; ucikumbire kunyaŋge pasi pakadzika, kana kumsoro kwakakwirira.

¹² Asi Ahazi wakati: Handiŋgakumbiri, ʋuye handiŋgaidzi Jehova.

¹³ Akati: Cinzwai ɀino, imi imba yaDavidi: Cinhu ciɗuku kwamuri kuti munetse ʋanhu, ɀino moɗo‐kunetsa Mŋari waŋgu ʋo here?

¹⁴ Naiɀoɀo Ishe amene ucakupai ciratidzo: Tarirai, mhandara icaʋa nemimba, icaɓereka mŋanakomana, ndokumutumidza Imanueri.

¹⁵ Ucadya ruʋomba noʋuci, paŋguʋa yaanoziʋa kuramba ɀakaipa, nokusanaŋgura ɀakanaka.

¹⁶ Nokuti mŋana asati aziʋa kuramba ɀakaipa nokusanaŋgura ɀakanaka, nyika iyo yaunotya madzimambo ayo maʋiri, icashanduka ɗoŋgo.

¹⁷ Jehova ucaʋuyisa pamsoro pako, napamsoro paʋanhu ʋako, napamsoro peimba yaɓaɓa ʋako, mazuʋa asinakumboʋa’po, kubvira pazuʋa rakaparadzana ʋaEfraimi naʋaJuda — ndiye mambo weAsiriya.

¹⁸ Ɀino nezuʋa iro Jehova ucaridzira muridzo nhunzi dziri pamigumo yenzizi dzeEgipita, nenyuci dziri panyika yeAsiriya.

¹⁹ Dzicaʋuya, dzicamhara dzose mumipata inamawere, nomumikaha yamatombo, napamsoro peminzwa yose, napamsoro pamafuro ose.

²⁰ Nezuʋa iro Ishe ucaʋeʋura neciȿo cakakumbirwa mhiri kwoRwizi, iye mambo weAsiriya, musoro nemvere dzamakumbo; cicabvisa ʋo ndebvu.

²¹ Ɀino nezuʋa iro munhu ucapfuwa mhou imŋe ɗuku namakwai maʋiri;

²² ɀino nokuɗa kwomukaka muzhinji wadzicamupa, ucadya ruʋomba; nokuti mumŋe nomumŋe wakasiyiwa panyika iyo ucadya ruʋomba noʋuci.

²³ Ɀino nezuʋa iro nɀimbo imŋe neimŋe paiʋa nemiti yemizambiriŋga inecuru cimŋe, yaiteŋgwa namasirveri anecuru cimŋe, icaʋa norukato neminzwa.

²⁴ Ʋacaenda’ko nemiseʋe noʋuta, nokuti nyika yose icamera rukato neminzwa.

²⁵ Hakuna‐uŋgaȿika paɀikomo ɀose ɀairimŋa namapadza nokutya rukato neminzwa; asi ŋombe dzicasundirwa’ko, namakwai acatsika’po.