Isaya 62 - Baiberi Magwaro Matȿene aMŋari 1949 (Doke)

Jerusarema rakaʋandudzwa.

¹ Nokuɗa kweZioni handiŋgarambi ndinyerere, nokuɗa kweJerusarema handiŋgazorori, kuȿikira kururama kwaro kuciɓuɗa secadzera, nokuponeswa kwaro somŋenje unopfuta.

² Marudzi aʋanhu acaʋona kururama kwako, namadzimambo ose kurumbidzwa kwako; ucatumidzwa zita idɀa, ricarebga nomuromo waJehova.

³ Iwe ucaʋa ʋo korona yakanaka muruʋoko rwaJehova, noʋukomba bgoʋumambo muruʋoko rwaMŋari wako.

⁴ Haucazonzi, Musiyiwa; nenyika yako haicazonzi Ƌoŋgo; asi iwe ucatumidzwa zita rinonzi Hefziba, nenyika yako Beura; nokuti Jehova unokufarira, nenyika yako icawanikwa.

⁵ Nokuti jaya seɀarinowana mhandara, saiɀoɀo ʋanakomana ʋako ʋacakuwana; ʋuye cikomba seɀacinofarira mŋeŋga, saiɀoɀo Mŋari wako ucakufarira.

⁶ Ndakagadza nharirire pamsoro pamaȿiŋgo ako, iwe Jerusarema; haʋaŋgatoŋgonyarari masikati noʋusiku; imi ʋayeʋudziri ʋaJehova, regai kunyarara,

⁷ ʋuye musamutendera kuzorora, kuȿikira asimbisa iɀoɀo, kuȿikira aita Jerusarema guta rinorumbidzwa panyika.

⁸ Jehova wakapika noruʋoko rwake rworudyi, ʋuye noruʋoko rwake runesimba, aciti: Ɀirokwaɀo handicazopi ʋaʋeŋgi ʋako ɀiyo ɀako, ɀiʋe ɀokudya ɀaʋo, naʋatorwa haʋacazonwi waini yako itȿa, yawakatamburira;

⁹ asi ʋakaɀikohwa ndiʋo ʋacaɀidya, ʋacirumbidza Jehova; ʋakaiʋuŋganidza ndiʋo ʋacainwa pamaʋazhe eimba yaŋgu tȿene.

¹⁰ Pindai, pindai napamasuʋo, gadzirai nzira yaʋanhu; tutirai, tutirai mugwagwa, bvisai mabge, simudzirai ʋanhu mureza.

¹¹ Tarirai, Jehova wakaparidza shoko kuȿikira kumugumo wenyika, aciti: Ʋudzai mukunda weZioni, muti: Tarira, ruponeso rwako runoʋuya; tarira, muɓairo wake unawo, ɀaanoripira ɀiri pamberi pake.

¹² Ʋacaʋatumidza zita rinonzi Ʋanhu ʋatȿene, Ʋakadzikinurwa ʋaJehova; newe ucatumidzwa zita rinonzi Mutȿakwa, Guta risina‐kusiyiwa.