Isaya 3 - Baiberi Magwaro Matȿene aMŋari 1949 (Doke)

¹ Nokuti tarirai, Ishe, Jehova wehondo unotorera Jerusarema naJuda mutsigiro nomuɗonɀo, mutsigiro wose weɀokudya, nomutsigiro wose wemvura;

² munhu wemhare, nomunhu wehondo; mutoŋgi, nomuprofita, nomuʋuki, nomukuru;

³ mukuru wamakumi mashanu, nounokudzwa, namakota, nemhizha dzakacenjera, nomuʋuki unoziʋa.

⁴ Ndicaʋapa ʋanana aʋe macinda aʋo, ʋacaɓatwa naʋacece.

⁵ Ʋanhu ʋacamanikidzwa, mumŋe acimanikidza mumŋe, nomumŋe nomumŋe nowokwake; mŋana ucaʋa namanyawi kunaʋakuru, nowakaɀidzwa kunounokudzwa.

⁶ Musi uyo munhu ucaɓata munuŋuna wake mumba maɓaɓa ʋake, aciti: Iwe uneŋguʋo, ciʋa mutoŋgi weɗu; kuparadzwa uku ŋgakugadzirwe noruʋoko rwako.

⁷ Ɀino nezuʋa iro ucaɗanidzira, aciti: Handiɗi kuʋa ŋaŋga, nokuti mumba maŋgu hamuneɀokudya neɀokufuka; musandiita mutoŋgi waʋanhu.

⁸ Nokuti Jerusarema raparadzwa, Juda wawa; nokuti marimi aʋo namaɓasa aʋo anopesana naJehova, kutsamŋisa meso ake anokubginya.

⁹ Ɀinoʋonekwa paɀiso ɀaʋo ɀinoʋapupurira; ɀiʋi ɀaʋo ʋanoɀiɓuɗisa pacena seSodoma; haʋaɀiʋanzi. Mŋeya yaʋo inenhamo, nokuti ʋakaɀiitira ɀakaipa.

¹⁰ Iti pamsoro powakarurama, kuti ucaʋa nomufaro; nokuti ʋacadya ɀiɓereko ɀamaɓasa aʋo.

¹¹ Wakaipa unenhamo! iye haaŋgaʋi nomufaro, nokuti ucapiwa muɓairo wamaʋoko ake.

¹² Kana ʋari ʋanhu ʋaŋgu, ʋana ndiʋo ʋamanikidzi ʋaʋo, ʋakadzi ʋanoʋaɓata ʋushe. Haiwa, ʋanhu ʋaŋgu, ʋatuŋgamiriri ʋenyu ʋanokutadzisai, ndiʋo ʋanoparadza nzira dzamaifanira kufamba nadzo.

¹³ Jehova wasimuka kutamba mhaka; umire kuti atoŋge ʋanhu.

¹⁴ Jehova ucatoŋga ʋakuru ʋaʋanhu ʋake namacinda aʋo, aciti: Ndimi mapedza munda wemizambiriŋga; ɀakapambga ɀaʋarombo ɀiri mudzimba dzenyu.

¹⁵ Munoiteiko ɀamunopxanya ʋanhu ʋaŋgu, mucikuya ɀiso ɀaʋarombo? Ndiɀo ɀinotaura Ishe, Jehova wehondo.

¹⁶ Ʋuye ɀe Jehova wakati: Ʋakunda ʋeZioni ɀaʋanamanyawi, ʋacifamba nemitsipa yakati tasa, ʋaciita meso‐meso, ʋacifamba ʋacinzenzeta, ɀiri pamakumbo aʋo ɀiciti ŋgwereŋgwere,

¹⁷ naiɀoɀo Ishe ucaroʋa nhoŋgonya dzemisoro yaʋakunda ʋaZioni negwenu‐kwenu; Jehova ucafukura miʋiri yaʋo.

¹⁸ Nezuʋa iro Ishe ucabvisa ʋukomba bgamakumbo aʋo, neɀizuʋa neɀimŋedzi;

¹⁹ neɀinoremberedzwa, noʋuketani bgamaʋoko, neɀifukidzo;

²⁰ neɀishoŋgo ɀomusoro, noʋuketani bgamakumbo, neɀisuŋgo, neɀitende ɀeɀinonhuwira, namazaŋgo;

²¹ neɀimhete, noʋukomba bgemhino;

²² neŋguʋo dzomutambo, neɀijasi, neɀijari, neɀikwama;

²³ neɀiʋoni‐ʋoni ɀamaʋoko, nomuceka wakaiȿo‐naka, nemiceka yomusoro, neɀifukidzo ɀameso.

²⁴ Ɀino ɀicaitika kuti panɀimbo yeɀinonhuwira pacaʋa neɀinonhuwa; panɀimbo yebanire pacaʋa norwonzi; panɀimbo yevudzi rakarukwa ɀakanaka, pacaʋa nemhazha; panɀimbo yeŋguʋo yakaisonaka, pacaʋa necisimiro cegudza; nokupiswa kwoʋuranda panɀimbo yokunaka.

²⁵ Ʋarume ʋenyu ʋacaparadzwa nomunondo, nemhare dzenyu pakurwa.

²⁶ Masuʋo aro acacema nokurira; ricaitwa ɗoŋgo ndokugara pasi.