Isaya 29 - Baiberi Magwaro Matȿene aMŋari 1949 (Doke)

Shoko raJehova pamsoro peJerusarema.

¹ Arieri, Arieri, unenhamo, iwe guta maidzika Davidi matente ake! wedzerai gore pagore, ŋguʋa dzemitambo ŋgadziȿike;

² ipapo ndicamanikidza Arieri, kucema nokuwuŋgudza ɀicaʋa’po; ricaʋa kwandiri seArieri.

³ Ndicakukomba panhiʋi dzose, ndicakukomba naʋarwi ʋanorindira, ndicaʋaka maȿiŋgo okurwa newe.

⁴ Ucawiswa pasi, ucataura uri pasi muvu; kutaura kwako kucabva pasi muguruʋa; inzwi rako ricaʋa sereȿikiro rinobva pasi muvu, kutaura kwako kucaita zeʋe‐zeʋe kucibva muguruʋa.

⁵ Asi ʋaʋeŋgi ʋako ʋazhinji ʋacaʋa seguruʋa rakatsetseka, naʋanotyisa sehundi inopepereka; ɀirokwaɀo ɀicaitwa kamŋe‐kamŋe, pakarepo.

⁶ Ucashanyirwa naJehova wehondo nokutinhira, nokuɗeŋgenyeka kwenyika, nomubvumo mukuru, necampupuri, neɗutu guru, nomuraɀo womŋoto unopedza ɀose.

⁷ Kuwanda kwamarudzi ose anorwa neArieri, iʋo ʋose ʋanorwa naro nenhare yaro, ʋacaita seɀinorotwa, seɀinoʋonekwa ʋusiku.

⁸ Ɀicafanana nokurota kwomunhu unenzara, aciti ndinodya; asi unopepuka, ndokuwana mŋeya wake usinecinhu; kana sokurota kwomunhu unenyota, aciti ndinonwa; asi unopepuka, wanei waziya, mŋeya wake unopaŋga mvura; ndiɀo ɀicaita kuwanda kwamarudzi ose anorwa negomo reZioni.

⁹ Mirai mushame! Ɀipofomadzei, muʋe mapofu! Ʋakaɓatwa, asi haʋana‐kuɓatwa newaini, ʋanodzedzereka, asi haʋadzedzereki neɀinoɓata.

¹⁰ Nokuti Jehova wakaɗurura pamsoro penyu mŋeya wokuɓatwa nehope kwaɀo, akafumbira meso enyu, ʋaprofita; nemisoro yenyu, ʋaʋoni, wakaʋafukidza.

¹¹ Kuʋona kwose kwaʋa kwamuri samashoko orugwaro rwakanamirwa, runopiwa munhu unogona kuraʋa, ɀicinzi: Ƌoraʋa hako iɀoɀi; iye ndokuti: Handigoni, nokuti rwakanamirwa;

¹² ɀino rugwaro runopiwa usina‐kudzidza, ɀicinzi: Ƌoraʋa hako iɀoɀi; iye ndokuti: Handina‐kudzidza.

¹³ Ishe akati: Aʋa ʋanhu ɀaʋanosweɗera kwandiri, ʋacindikudza nomuromo waʋo ʋuye nemiromo yaʋo, asi mŋoyo yaʋo ʋakaiisa kure neni, nokunditya kwaʋo ɀawaʋa murairo waʋanhu waʋakadzidziswa;

¹⁴ naiɀoɀo tarirai, ndicapfuʋura ndiciita pakati paʋanhu aʋa ɓasa rinoshamisa, ɓasa rinoshamisa necishamiso; ʋucenjeri bgaʋakacenjera ʋaʋo ʋucapera, nenjere dzaʋanhu ʋaʋo ʋakaŋgwara dzicaʋanzwa.

¹⁵ Ʋanenhamo ʋanotȿaka kuʋanzira Jehova mano aʋo pakadzika, maɓasa aʋo ari murima, ʋaciti: Ndiani unotiʋona, ndiani unotiziʋa?

¹⁶ Haiwa, kutadza kwenyu! Ko muʋumbi wehari wakaenzana nevu here, kuti cakaitwa citi pamsoro pomuiti waco: Iye haanakundiita; kana cakaʋumbga citi pamsoro pomuʋumbi waco: Iye haanenjere?

¹⁷ Ko hakuna‐kusara ciŋguʋa ciɗuku‐ɗuku here, Rebanoni ricashandurwa riʋe munda unoɓereka ɀakanaka, nomunda unoɓereka ɀakanaka ucanzi iɗondo?

¹⁸ Ɀino nezuʋa iro ʋematsi ʋacanzwa mashoko orugwaro, meso amapofu acaʋona ari pakaȿiɓa napanerima.

¹⁹ Ʋanyoro ʋacawedzera ʋo mufaro waʋo munaJehova, ʋarombo pakati paʋanhu ʋacafara kwaɀo muMutȿene waIsraeri.

²⁰ Nokuti unotyisa waparadzwa, muɗaɗi waguma, naʋose ʋanogarira ɀakaipa ʋabviswa;

²¹ iʋo ʋanopomera munhu mhaka nokuɗa kweshoko, ʋanoteyira munhu musuŋgo, unoraira ʋamŋe pasuʋo, ʋanoramba kururamisira wakarurama nemhaka dzamano‐mano.

²² Saka ɀanzi naJehova, wakadzikinura Abrahama, pamsoro peimba yaJakobo: Jakobo haaŋganyadziswi ɀino, ciso cake ɀino haciŋgaceneruki.

²³ Asi kana aciʋona ʋana ʋake, iro ɓasa ramaʋoko aŋgu, pakati pake, ʋacati zita raŋgu idɀene; ɀirokwaɀo, ʋacati Mutȿene waJakobo mutȿene, ʋacatya Mŋari waIsraeri.

²⁴ Ʋakarashika pamŋeya ʋo ʋacaʋa nenjere, ʋanonyunyuta ʋacadzidziswa.