Isaya 28 - Baiberi Magwaro Matȿene aMŋari 1949 (Doke)

Efraimi naJuda ʋanotukwa.

¹ Korona, inoɀikudza, yaʋakaɓatwa ʋokwaEfraimi, inenhamo, ʋuye ruʋa, rinowoma, rokunaka kwake kukuru, riri pamusoro womupata wakaʋorera waʋakakundwa newaini.

² Tarirai, Ishe unomumŋe unesimba unokurira; ucawisira pasi noruʋoko rwake seɗutu guru rinecimvuramabge, seɗutu rinoparadza, sokunaya kwemvura zhinji inokukura kwose.

³ Korona inoɀikudza yaʋakaɓatwa ʋokwaEfraimi icatsikwa pasi netsoka;

⁴ ruʋa, rinowoma, rokunaka kwake kukuru, riri pamusoro womupata wakaʋorera, ricaʋa seʋonde rinotaŋga kuibva zhezha ricigere kuȿika; rinoti ricatarirwa nowariʋona, ndokuridya riciri muruʋoko rwake.

⁵ Nezuʋa iro Jehova wehondo ucaʋa korona inobginya noʋukomba bgakaiȿo‐naka kunaʋakasara ʋaʋanhu ʋake;

⁶ nomŋeya wokururamisa kunougere pakutoŋga, nesimba kunaʋanodzosera ʋanorwa pasuʋo.

⁷ Asi naiʋo ʋanodzuŋgunyika newaini, ʋanodzedzereka neɀinoɓata; muprista nomuprofita ʋanodzuŋgunyika neɀinoɓata, ʋakamedzwa newaini, ʋanodzedzereka neɀinoɓata; ʋanokaŋganiswa pakuʋona, ʋanogumburwa pakutoŋga.

⁸ Nokuti matafura aʋo azere namarutsi anosemesa, hapana‐pakanaka.

⁹ Ndianiko waacadzidzisa ziʋo? Ndianiko waacadzidzisa kunzwisisa shoko? Iʋo ʋakarumurwa pamukaka, ʋakabviswa pazamu here?

¹⁰ Nokuti ɀinoŋgoti cireʋo pamsoro pecireʋo, cireʋo pamsoro pecireʋo, murairo pamsoro pomurairo, murairo pamsoro pomurairo, apa ɀishoma, napapo ɀishoma.

¹¹ Ɀirokwaɀo ucataura norudzi urwu naʋanhu ʋanemiromo yorumŋe rudzi, norurimi rwokumŋe;

¹² akati kwaʋari: Zororo riri pano, zorodzai ʋakaneta; pano ndi’po panokutonhorera; asi ʋakaramba kuterera.

¹³ Saka shoko raJehova ricaʋa kwaʋari: Cireʋo pamsoro pecireʋo, cireʋo pamsoro pecireʋo, murairo pamsoro pomurairo, murairo pamsoro pomurairo, apa ɀishoma, napapo ɀishoma; kuti ʋaende, ʋawe nenhenda shure, ʋavunike, ʋaɓatwe nomusuŋgo, ʋatapxe.

¹⁴ Naiɀoɀo inzwai shoko raJehova, imi ʋaɗaɗi, ʋanoɓata noʋushe ʋanhu aʋa ʋari paJerusarema:

¹⁵ Imi ɀamakati: Takaita suŋgano norufu, takatenderana neSheori, kana shamhu, inokukura, icipfuʋura, haiŋgaȿiki kwatiri, nokuti nhema takadziita ʋutiziro bgeɗu, takandoʋanda pasi pokunyeŋgetera;

¹⁶ naiɀoɀo Ishe Jehova unoti: Tarirai, ndinoisa paZioni ibge riʋe nheyo, riri ibge rakaidzwa, rinokosha rekona kuita nheyo yakasimba; unotenda haakurumidzi.

¹⁷ Kururamisira ndicakuita rwonzi, nokururama ndicakuita cokururamisa naco; cimvuramabge cicakukura ʋutiziro bgenhema, mvura icafukidza nɀimbo yokuʋanda.

¹⁸ Suŋgano yenyu yamakaita norufu icadzimŋa, nokutenderana kwenyu neSheori hakuŋgamiri; kana shamhu, inokukura, icipfuʋura, mucatsikwa pasi nayo.

¹⁹ Ŋguʋa imŋe neimŋe kana icipfuʋura, icakutorai; nokuti masikati noʋusiku, maŋgwanani namaŋgwanani, icapfuʋura; kucaŋgotyisa ɓedzi kunzwisisa mharidzo yakaɗaro.

²⁰ Nokuti mubeda ucaʋa mufupi, munhu haaŋgagoni kutandaʋara pamsoro pawo, nejira ricaʋa ɗuku, munhu haaŋgagoni kuɀifukidza naro.

²¹ Nokuti Jehova ucasimuka seɀaakaita pagomo rePerazimi, ucatsamŋa seɀaakaita pamupata weGibeoni; kuti aɓate ɓasa rake, iro ɓasa rake rinoshamisa, nokuita iɀo ɀaanoita, ɀinoshamisa.

²² Naiɀoɀo regai kuʋa ʋaɗaɗi, kuti ɀisuŋgo ɀenyu ɀirege kusimbiswa; nokuti ndakanzwa kunaShe Jehova wehondo kuti nyika yose yakatemerwa kuparadzwa.

²³ Rerekai nzeʋe dzenyu, munzwe inzwi raŋgu; tererai, munzwe kutaura kwaŋgu.

²⁴ Ko murimi, unoɗa kudɀara, unoswera acirima here? Unoswera aciparura munda nokuputsa maviŋga here?

²⁵ Kana aciŋge aenzanisa ivu rawo, haakushi kumini nhema here, nokudɀara kumini, nokuisa ɀiyo mumisara, nebari pandima dzakatarwa, nesipereti kunhiʋi dzawo here?

²⁶ Nokuti Mŋari wake unomuziʋisa ɀakanaka nokumudzidzisa.

²⁷ Nokuti kumini nhema haipurwi nomupuro unopinza, negumbo reŋgoro harikuŋguruswi pamsoro pekumini; asi kumini nhema inopurwa netȿimbo, nekumini neshamhu.

²⁸ Ɀiyo ɀeciŋgwa ɀinokuyiwa, haaŋgarambi aciɀipura; kunyaŋge gumbo reŋgoro yake namabiza ake ɀiciɀiparadzira, haaŋgaɀikuyi.

²⁹ Naiɀoɀi ɀinobva kunaJehova wehondo, unoshamisa neɀaanofuŋga, mukuru kwaɀo pakuɓata kwake.